<p><strong>ಸೇಂಟ್ ಲೂಯಿ, (ಅಮೆರಿಕ):</strong> ಹಾಲಿ ವಿಶ್ವ ಚಾಂಪಿಯನ್ ಡಿ.ಗುಕೇಶ್, ಸೇಂಟ್ ಲೂಯಿ ರ್ಯಾಪಿಡ್ ಮತ್ತು ಬ್ಲಿಟ್ಝ್ ಟೂರ್ನಿಯ ಎರಡನೇ ದಿನವಾದ ಮಂಗಳವಾರ ಹೆಚ್ಚೇನೂ ಗಮನ ಸೆಳೆಯಲಿಲ್ಲ. ಒಂದು ಪಂದ್ಯ ಸೋತ ಅವರು ಎರಡು ಡ್ರಾ ಮಾಡಿಕೊಂಡಿದ್ದು ಜಂಟಿ ಐದನೇ ಸ್ಥಾನ ಹಂಚಿಕೊಂಡಿದ್ದಾರೆ.</p>.<p>ಹತ್ತು ಮಂದಿ ಆಟಗಾರರು ಕಣದಲ್ಲಿರುವ ಈ ಟೂರ್ನಿಯು ಗ್ರ್ಯಾಂಡ್ ಚೆಸ್ ಟೂರ್ನ ಭಾಗವಾಗಿದೆ. ಕೊನೆಯ ಸ್ಥಾನದಲ್ಲಿದ್ದ ಸ್ಯಾಮ್ ಶಂಕ್ಲಾಂಡ್ (ಅಮೆರಿಕ) ಎದುರು ಆಘಾತ ಅನುಭವಿಸಿದ್ದ ಗುಕೇಶ್ ನಂತರ ಫ್ರೆಂಚ್ ಗ್ರ್ಯಾಂಡ್ಮಾಸ್ಟರ್ ಮ್ಯಾಕ್ಸಿಂ ವೇಷಿಯರ್ ಲಗ್ರಾವ್ ಮತ್ತು ಉಜ್ಬೇಕ್ ಆಟಗಾರ ನದಿರ್ಬೆಕ್ ಅಬ್ದುಸತ್ತಾರೋವ್ ಜೊತೆ ಡ್ರಾ ಮಾಡಿಕೊಂಡರು.</p>.<p>ಎರಡನೇ ದಿನದ ಕೊನೆಗೆ ಅಗ್ರಸ್ಥಾನವೂ ಬದಲಾಯಿತು. ಐದನೇ ಸುತ್ತಿನವರೆಗೆ ಮುನ್ನಡೆ ಸಾಧಿಸಿದ್ದ ಅಮೆರಿಕದ ಜಿಎಂ ಲೆವೊನ್ ಅರೋನಿಯನ್ ಅವರನ್ನು ದಿನದ ಕೊನೆಯ (ಆರನೇ) ಸುತ್ತಿನಲ್ಲಿ ಸೋಲಿಸಿದ ಅದೇ ದೇಶದ ಫ್ಯಾಬಿಯಾನೊ ಕರುವಾನ (ಅಮೆರಿಕ) ಎರಡು ಪಾಯಿಂಟ್ಗಳ ಲೀಡ್ ಪಡೆದು ಅಗ್ರಸ್ಥಾನಕ್ಕೇರಿದರು.</p>.<p>ಗುಕೇಶ್ ಅವರ ರೀತಿಯಲ್ಲೇ ಅರೋನಿಯನ್ ಕೂಡ ಒಂದು ಪಂದ್ಯ ಸೋತು ಎರಡನ್ನು ಡ್ರಾ ಮಾಡಿಕೊಳ್ಳಬೇಕಾಯಿತು.</p>.<p>ರ್ಯಾಪಿಡ್ ವಿಭಾಗದಲ್ಲಿ ಇನ್ನು ಮೂರು ಸುತ್ತುಗಳಷ್ಟೇ ಬಾಕಿಯಿವೆ. ಕರುವಾನ (ಸಂಭವನೀಯ 12ರಲ್ಲಿ 10 ಪಾಯಿಂಟ್) ಈ ವಿಭಾಗ ಗೆಲ್ಲುವಂತೆ ಕಾಣುತ್ತಿದೆ. ಬ್ಲಿಟ್ಜ್ ವಿಭಾಗವು ಡಬಲ್ ರೌಂಡ್ರಾಬಿನ್ (18 ಸುತ್ತು) ಮಾದರಿಯಲ್ಲಿ ನಡೆಯಲಿದೆ.</p>.<p>ಅರೋನಿಯನ್ (8 ಪಾಯಿಂಟ್) ಅವರು ಸ್ವದೇಶದ ವೆಸ್ಲಿ ಸೊ ಅವರೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ. ವೇಷಿಯರ್ ಲಗ್ರಾವ್ (7) ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಗುಕೇಶ್ ಮತ್ತು ಅಮೆರಿಕದ ಡೊಮಿಂಗೆಝ್ ಪೆರೆಝ್ (ತಲಾ 6) ನಂತರದ ಸ್ಥಾನದಲ್ಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸೇಂಟ್ ಲೂಯಿ, (ಅಮೆರಿಕ):</strong> ಹಾಲಿ ವಿಶ್ವ ಚಾಂಪಿಯನ್ ಡಿ.ಗುಕೇಶ್, ಸೇಂಟ್ ಲೂಯಿ ರ್ಯಾಪಿಡ್ ಮತ್ತು ಬ್ಲಿಟ್ಝ್ ಟೂರ್ನಿಯ ಎರಡನೇ ದಿನವಾದ ಮಂಗಳವಾರ ಹೆಚ್ಚೇನೂ ಗಮನ ಸೆಳೆಯಲಿಲ್ಲ. ಒಂದು ಪಂದ್ಯ ಸೋತ ಅವರು ಎರಡು ಡ್ರಾ ಮಾಡಿಕೊಂಡಿದ್ದು ಜಂಟಿ ಐದನೇ ಸ್ಥಾನ ಹಂಚಿಕೊಂಡಿದ್ದಾರೆ.</p>.<p>ಹತ್ತು ಮಂದಿ ಆಟಗಾರರು ಕಣದಲ್ಲಿರುವ ಈ ಟೂರ್ನಿಯು ಗ್ರ್ಯಾಂಡ್ ಚೆಸ್ ಟೂರ್ನ ಭಾಗವಾಗಿದೆ. ಕೊನೆಯ ಸ್ಥಾನದಲ್ಲಿದ್ದ ಸ್ಯಾಮ್ ಶಂಕ್ಲಾಂಡ್ (ಅಮೆರಿಕ) ಎದುರು ಆಘಾತ ಅನುಭವಿಸಿದ್ದ ಗುಕೇಶ್ ನಂತರ ಫ್ರೆಂಚ್ ಗ್ರ್ಯಾಂಡ್ಮಾಸ್ಟರ್ ಮ್ಯಾಕ್ಸಿಂ ವೇಷಿಯರ್ ಲಗ್ರಾವ್ ಮತ್ತು ಉಜ್ಬೇಕ್ ಆಟಗಾರ ನದಿರ್ಬೆಕ್ ಅಬ್ದುಸತ್ತಾರೋವ್ ಜೊತೆ ಡ್ರಾ ಮಾಡಿಕೊಂಡರು.</p>.<p>ಎರಡನೇ ದಿನದ ಕೊನೆಗೆ ಅಗ್ರಸ್ಥಾನವೂ ಬದಲಾಯಿತು. ಐದನೇ ಸುತ್ತಿನವರೆಗೆ ಮುನ್ನಡೆ ಸಾಧಿಸಿದ್ದ ಅಮೆರಿಕದ ಜಿಎಂ ಲೆವೊನ್ ಅರೋನಿಯನ್ ಅವರನ್ನು ದಿನದ ಕೊನೆಯ (ಆರನೇ) ಸುತ್ತಿನಲ್ಲಿ ಸೋಲಿಸಿದ ಅದೇ ದೇಶದ ಫ್ಯಾಬಿಯಾನೊ ಕರುವಾನ (ಅಮೆರಿಕ) ಎರಡು ಪಾಯಿಂಟ್ಗಳ ಲೀಡ್ ಪಡೆದು ಅಗ್ರಸ್ಥಾನಕ್ಕೇರಿದರು.</p>.<p>ಗುಕೇಶ್ ಅವರ ರೀತಿಯಲ್ಲೇ ಅರೋನಿಯನ್ ಕೂಡ ಒಂದು ಪಂದ್ಯ ಸೋತು ಎರಡನ್ನು ಡ್ರಾ ಮಾಡಿಕೊಳ್ಳಬೇಕಾಯಿತು.</p>.<p>ರ್ಯಾಪಿಡ್ ವಿಭಾಗದಲ್ಲಿ ಇನ್ನು ಮೂರು ಸುತ್ತುಗಳಷ್ಟೇ ಬಾಕಿಯಿವೆ. ಕರುವಾನ (ಸಂಭವನೀಯ 12ರಲ್ಲಿ 10 ಪಾಯಿಂಟ್) ಈ ವಿಭಾಗ ಗೆಲ್ಲುವಂತೆ ಕಾಣುತ್ತಿದೆ. ಬ್ಲಿಟ್ಜ್ ವಿಭಾಗವು ಡಬಲ್ ರೌಂಡ್ರಾಬಿನ್ (18 ಸುತ್ತು) ಮಾದರಿಯಲ್ಲಿ ನಡೆಯಲಿದೆ.</p>.<p>ಅರೋನಿಯನ್ (8 ಪಾಯಿಂಟ್) ಅವರು ಸ್ವದೇಶದ ವೆಸ್ಲಿ ಸೊ ಅವರೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ. ವೇಷಿಯರ್ ಲಗ್ರಾವ್ (7) ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಗುಕೇಶ್ ಮತ್ತು ಅಮೆರಿಕದ ಡೊಮಿಂಗೆಝ್ ಪೆರೆಝ್ (ತಲಾ 6) ನಂತರದ ಸ್ಥಾನದಲ್ಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
