<p><strong>ಹೆಂಜೆಲೊ, ನೆದರ್ಲೆಂಡ್ಸ್: </strong>ನೆದರ್ಲೆಂಡ್ಸ್ನ ಓಟಗಾರ್ತಿ ಸಿಫಾನ್ ಹಸನ್ ಅವರು ಮಹಿಳೆಯರ 10,000 ಮೀಟರ್ ಓಟವನ್ನು ಭಾನುವಾರ ವಿಶ್ವದಾಖಲೆ ಅವಧಿಯಲ್ಲಿ ಪೂರೈಸಿದರು. ಆ ಮೂಲಕ ಜುಲೈ ಕೊನೆಯಲ್ಲಿ ನಡೆಯುವ ಟೋಕಿಯೊ ಒಲಿಂಪಿಕ್ಸ್ಗೆ ಅಣಿಯಾಗಿರುವುದನ್ನು ಜಾಹೀರುಗೊಳಿಸಿದರು.</p>.<p>28 ವರ್ಷ ವಯಸ್ಸಿನ ಹಸನ್, ನಿಗದಿತ ದೂರವನ್ನು 29 ನಿಮಿಷ 06.82 ಸೆಕೆಂಡುಗಳಲ್ಲಿ ಕ್ರಮಿಸಿದರು. ಆ ಮೂಲಕ ಅವರು ಇಥಿಯೋಪಿಯಾದ ಅಲಮಾಝ್ ಅಯಾನಾ ಅವರು ರಿಯೊ ಒಲಿಂಪಿಕ್ಸ್ನಲ್ಲಿ (2016) ಹೆಸರಿನಲ್ಲಿದ್ದ ದಾಖಲೆಯನ್ನು (29ನಿ.17.45 ಸೆ.) ಹಿಂದಿಕ್ಕಿದರು.</p>.<p>‘ವಾವ್! ಇಲ್ಲಿ ವಿಶ್ವ ದಾಖಲೆಯ ಓಟ ಸಾಕಾರವಾಗುವುದೆಂದು ಕನಸಿನಲ್ಲಷ್ಟೇ ಯೋಚಿಸಿದ್ದೆ’ ಎಂದು ಇಥಿಯೋಪಿಯಾ ಸಂಜಾತೆ ಸಿಫಾನ್ ಸಂಭ್ರಮಪಟ್ಟರು. 2008ರಲ್ಲಿ ನೆದರ್ಲೆಂಡ್ಸ್ಗೆ ವಲಸೆ ಬಂದು ಅಲ್ಲಿನ ಪೌರತ್ವ ಪಡೆದಾಗ ಸಿಫಾನ್ ವಯಸ್ಸು ಬರೇ 15.</p>.<p>‘ಟೋಕಿಯೊ ಒಲಿಂಪಿಕ್ಸ್ಗೆ ನಾವು ಸಜ್ಜಾಗಲು ಪಡುತ್ತಿರುವ ಪರಿಶ್ರಮವನ್ನು ಇದು ಸಾಬೀತುಮಾಡಿದೆ. ಡಚ್ (ನೆದರ್ಲೆಂಡ್ಸ್ ದೇಶದ) ಅಭಿಮಾನಿಗಳ ಎದುರು ಈ ದಾಖಲೆ ಮೂಡಿರುವುದರಿಂದ ಸಂತಸವಾಗಿದೆ ಎಂದರು.</p>.<p>ಇದು ಸಿಫಾನ್ ಅವರಿಗೆ ನಾಲ್ಕನೇ ವಿಶ್ವ ದಾಖಲೆ. ಅವರ ಕೋಚ್ ಆಗಿರುವ ಆಲ್ಬರ್ಟೊ ಸಾಲಝಾರ್ ಈಗ ನಿಷೇಧ ಶಿಕ್ಷೆಯಲ್ಲಿದ್ದಾರೆ.</p>.<p>ಯುರೋಪಿಯನ್ ಕೂಟದಲ್ಲಿ ಪೌಲಾ ರ್ಯಾಡ್ಕ್ಲಿಫ್ ದೀರ್ಘಕಾಲದಿಂದ ಮಹಿಳೆಯರ 10,000 ಮೀ. ಓಟದಲ್ಲಿ ಹೊಂದಿದ್ದ ದಾಖಲೆಯನ್ನು ಸಿಫಾನ್ ಕಳೆದ ವರ್ಷದ ಅಕ್ಟೋಬರ್ನಲ್ಲಿ ಮುರಿದಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹೆಂಜೆಲೊ, ನೆದರ್ಲೆಂಡ್ಸ್: </strong>ನೆದರ್ಲೆಂಡ್ಸ್ನ ಓಟಗಾರ್ತಿ ಸಿಫಾನ್ ಹಸನ್ ಅವರು ಮಹಿಳೆಯರ 10,000 ಮೀಟರ್ ಓಟವನ್ನು ಭಾನುವಾರ ವಿಶ್ವದಾಖಲೆ ಅವಧಿಯಲ್ಲಿ ಪೂರೈಸಿದರು. ಆ ಮೂಲಕ ಜುಲೈ ಕೊನೆಯಲ್ಲಿ ನಡೆಯುವ ಟೋಕಿಯೊ ಒಲಿಂಪಿಕ್ಸ್ಗೆ ಅಣಿಯಾಗಿರುವುದನ್ನು ಜಾಹೀರುಗೊಳಿಸಿದರು.</p>.<p>28 ವರ್ಷ ವಯಸ್ಸಿನ ಹಸನ್, ನಿಗದಿತ ದೂರವನ್ನು 29 ನಿಮಿಷ 06.82 ಸೆಕೆಂಡುಗಳಲ್ಲಿ ಕ್ರಮಿಸಿದರು. ಆ ಮೂಲಕ ಅವರು ಇಥಿಯೋಪಿಯಾದ ಅಲಮಾಝ್ ಅಯಾನಾ ಅವರು ರಿಯೊ ಒಲಿಂಪಿಕ್ಸ್ನಲ್ಲಿ (2016) ಹೆಸರಿನಲ್ಲಿದ್ದ ದಾಖಲೆಯನ್ನು (29ನಿ.17.45 ಸೆ.) ಹಿಂದಿಕ್ಕಿದರು.</p>.<p>‘ವಾವ್! ಇಲ್ಲಿ ವಿಶ್ವ ದಾಖಲೆಯ ಓಟ ಸಾಕಾರವಾಗುವುದೆಂದು ಕನಸಿನಲ್ಲಷ್ಟೇ ಯೋಚಿಸಿದ್ದೆ’ ಎಂದು ಇಥಿಯೋಪಿಯಾ ಸಂಜಾತೆ ಸಿಫಾನ್ ಸಂಭ್ರಮಪಟ್ಟರು. 2008ರಲ್ಲಿ ನೆದರ್ಲೆಂಡ್ಸ್ಗೆ ವಲಸೆ ಬಂದು ಅಲ್ಲಿನ ಪೌರತ್ವ ಪಡೆದಾಗ ಸಿಫಾನ್ ವಯಸ್ಸು ಬರೇ 15.</p>.<p>‘ಟೋಕಿಯೊ ಒಲಿಂಪಿಕ್ಸ್ಗೆ ನಾವು ಸಜ್ಜಾಗಲು ಪಡುತ್ತಿರುವ ಪರಿಶ್ರಮವನ್ನು ಇದು ಸಾಬೀತುಮಾಡಿದೆ. ಡಚ್ (ನೆದರ್ಲೆಂಡ್ಸ್ ದೇಶದ) ಅಭಿಮಾನಿಗಳ ಎದುರು ಈ ದಾಖಲೆ ಮೂಡಿರುವುದರಿಂದ ಸಂತಸವಾಗಿದೆ ಎಂದರು.</p>.<p>ಇದು ಸಿಫಾನ್ ಅವರಿಗೆ ನಾಲ್ಕನೇ ವಿಶ್ವ ದಾಖಲೆ. ಅವರ ಕೋಚ್ ಆಗಿರುವ ಆಲ್ಬರ್ಟೊ ಸಾಲಝಾರ್ ಈಗ ನಿಷೇಧ ಶಿಕ್ಷೆಯಲ್ಲಿದ್ದಾರೆ.</p>.<p>ಯುರೋಪಿಯನ್ ಕೂಟದಲ್ಲಿ ಪೌಲಾ ರ್ಯಾಡ್ಕ್ಲಿಫ್ ದೀರ್ಘಕಾಲದಿಂದ ಮಹಿಳೆಯರ 10,000 ಮೀ. ಓಟದಲ್ಲಿ ಹೊಂದಿದ್ದ ದಾಖಲೆಯನ್ನು ಸಿಫಾನ್ ಕಳೆದ ವರ್ಷದ ಅಕ್ಟೋಬರ್ನಲ್ಲಿ ಮುರಿದಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
