ಹಾಂಗ್‌ಝೌ: ಭಾರತದ ಪುರುಷರ ವಾಲಿಬಾಲ್ ತಂಡವು ಏಷ್ಯನ್ ಗೇಮ್ಸ್‌ನಲ್ಲಿ ಪಾಕಿಸ್ತಾನ ತಂಡದ ವಿರುದ್ಧ 0–3ರ ನೇರ ಸೆಟ್ ಅಂತರದಲ್ಲಿ ಪರಾಭವಗೊಂಡಿದೆ.
1ಗಂಟೆ 14 ನಿಮಿಷ ನಡೆದ ಪಂದ್ಯದಲ್ಲಿ ಪಾಕಿಸ್ತಾನ ತಂಡವು ಭಾರತದ ವಿರುದ್ಧ 25–21, 25–20 ಹಾಗೂ 25–23 ಸೆಟ್‌ಗಳಲ್ಲಿ ಮೇಲುಗೈ ಸಾಧಿಸಿತು.
2018ರ ಬೆಳ್ಳಿ ಪದಕ ವಿಜೇತ ದಕ್ಷಿಣ ಕೊರಿಯಾ ವಿರುದ್ಧ 3–2ರ ಗೆಲುವು ಹಾಗೂ ಕಾಂಬೊಡಿಯಾ ವಿರುದ್ಧ 3–0 ಗೆಲುವು ಸಾಧಿಸಿದ್ದ ಭಾರತ ತಂಡಕ್ಕೆ ಇದು ತೀವ್ರ ಆಘಾತ ತಂದಿದೆ. ಇಷ್ಟು ಮಾತ್ರವಲ್ಲದೆ ಚೈನೀಸ್‌ನ ಥೈಪೆ ವಿರುದ್ಧ 3–0 ಅಂತರದ ಗೆಲುವನ್ನು ಭಾರತ ದಾಖಲಿಸಿತ್ತು. ನಾಕೌಟ್ ಹಂತದಲ್ಲಿ ಜಪಾನ್ ವಿರುದ್ಧ 0–3 ಅಂತರದಲ್ಲಿ ಭಾರತ ಪರಾಭವಗೊಂಡಿತ್ತು.
ಭಾರತದ ಮಹಿಳೆಯರ ವಾಲಿಬಾಲ್ ತಂಡ ಉತ್ತರ ಕೊರಿಯಾ ವಿರುದ್ಧ ಶನಿವಾರ ಆಡಲಿದೆ.
