ಕೊರೊನಾ ಭೀತಿ: ‘ಲಾಕ್‌ಡೌನ್‌’ ಪರಿಣಾಮ ಬಾಕ್ಸರ್‌ಗಳಿಗೆ ಆನ್‌ಲೈನ್‌ ತರಬೇತಿ

ಭಾರತದ ಮೇರಿ ಕೋಮ್‌ (51 ಕೆಜಿ ವಿಭಾಗ), ಸಿಮ್ರನ್‌ಜೀತ್‌ ಕೌರ್‌ (60 ಕೆಜಿ), ಲೊವ್ಲಿನಾ ಬೊರ್ಗೋಹೈನ್‌ (69 ಕೆಜಿ), ಪೂಜಾ ರಾಣಿ (75 ಕೆಜಿ), ಅಮಿತ್‌ ಪಂಗಲ್‌ (52 ಕೆಜಿ), ಮನೀಷ್‌ ಕೌಶಿಕ್‌ (63 ಕೆಜಿ), ವಿಕಾಸ್‌ ಕೃಷ್ಣ (69 ಕೆಜಿ), ಆಶಿಶ್‌ ಕುಮಾರ್‌ (75 ಕೆಜಿ) ಹಾಗೂ ಸತೀಶ್‌ ಕುಮಾರ್‌ (91+ ಕೆಜಿ) (ಒಟ್ಟು 9 ಬಾಕ್ಸರ್‌ಗಳು) ಟೋಕಿಯೊ ಟಿಕೆಟ್‌ ಗಿಟ್ಟಿಸಿದ್ದು ತರಬೇತಿಯಲ್ಲಿ ಪಾಲ್ಗೊಳ್ಳಲಿದ್ದಾರೆ.

‘ಸದ್ಯ ಪಟಿಯಾಲಾದಲ್ಲಿರುವ ಭಾರತ ಬಾಕ್ಸಿಂಗ್‌ ಹೈ ಪರ್ಫಾರ್ಮೆನ್ಸ್ ನಿರ್ದೇಶಕ ಸ್ಯಾಂಟಿಯಾಗೊ ನೀವಾ ಅವರು ಪುರುಷರ ತಂಡಕ್ಕೆ ತರಬೇತಿ ನೀಡಲಿದ್ದಾರೆ’ ಎಂದು ಬಿಎಫ್‌ಐ ಕಾರ್ಯಕಾರಿ ನಿರ್ದೇಶಕ ಆರ್‌.ಕೆ. ಸಚೇಟಿ ಹೇಳಿದರು. ಮಹಿಳೆಯರಿಗೆ ಆ ತಂಡದ ಹೈ ಫರ್ಫಾರ್ಮೆನ್ಸ್ ನಿರ್ದೇಶಕ ರಫೆಲ್‌ ಬರ್ಗ್‌ಮಾಸ್ಕೊ ತರಬೇತಿ ನೀಡಲಿದ್ದಾರೆ.