ನವದೆಹಲಿ : ಭಾರತದಬ್ಯಾಡ್ಮಿಂಟನ್ ಡಬಲ್ಸ್ ಜೋಡಿ ಸಾತ್ವಿಕ್ ಸಾಯಿರಾಜ್ ರಣಕಿರೆಡ್ಡಿ–ಚಿರಾಗ್ ಶೆಟ್ಟಿ ಅವರು ಬಿಡಬ್ಲ್ಯುಎಫ್ ರ್ಯಾಂಕಿಂಗ್ನಲ್ಲಿ ಅಗ್ರ 10ರ ಗಡಿಯೊಳಗೆ ಮರಳಿದ್ದಾರೆ.
ಎರಡು ಸ್ಥಾನ ಏರಿಕೆ ಕಂಡಿರುವ ಈ ಜೋಡಿ ಸದ್ಯ 9ನೇ ಕ್ರಮಾಂಕದ ಲ್ಲಿದೆ. ಹೋದ ವಾರ ಇವರಿಬ್ಬರು ಫ್ರೆಂಚ್ ಓಪನ್ ಟೂರ್ನಿಯಲ್ಲಿ ಫೈನಲ್ ತಲುಪಿದ್ದರು. ಇದರೊಂದಿಗೆ ಬಿಡಬ್ಲ್ಯುಎಫ್ ವಿಶ್ ಟೂರ್ ಸೂಪರ್ 750 ಟೂರ್ನಿಯೊಂದರಲ್ಲಿ ಈ ಸಾಧನೆ ಮಾಡಿದ ಭಾರತದಮೊದಲ ಜೋಡಿ ಎನಿಸಿಕೊಂಡಿದ್ದರು.
ಈ ವರ್ಷದ ಆಗಸ್ಟ್ನಲ್ಲಿ ಸಾತ್ವಿಕ್–ಚಿರಾಗ್ ಮೊದಲ ಬಾರಿ ಅಗ್ರ 10ರೊಳಗಿನ ರ್ಯಾಂಕಿಂಗ್ಗೆ ಲಗ್ಗೆಯಿಟ್ಟಿದ್ದರು.
ಸಿಂಗಲ್ಸ್ ಆಟಗಾರ್ತಿಯರಾದ ಪಿ.ವಿ.ಸಿಂಧು ಹಾಗೂ ಸೈನಾ ನೆಹ್ವಾಲ್ ಕ್ರಮವಾಗಿ 6 ಮತ್ತು 9ನೇ ಸ್ಥಾನದಲ್ಲಿ ಮುಂದುವರಿದಿದ್ದಾರೆ. ಲಕ್ಷ್ಯ ಸೇನ್ 51ನೇ ಸ್ಥಾನಕ್ಕೆ ಜಿಗಿದಿದ್ದರೆ, ಶುಭಂಕರ್ ಡೇ 38ನೇ ಸ್ಥಾನದಲ್ಲಿದ್ದಾರೆ.