<p>ನವದೆಹಲಿ: ಏಷ್ಯನ್ ಗೇಮ್ಸ್ನಲ್ಲಿ ಎರಡು ಬಾರಿಯ ಬೆಳ್ಳಿ ಪದಕ ವಿಜೇತ ಈಕ್ವೆಸ್ಟ್ರಿಯನ್ ಪಟು ಫವಾದ್ ಮಿರ್ಜಾ, ಒಲಿಂಪಿಕ್ಸ್ಗೆ ಅರ್ಹತೆ ಗಿಟ್ಟಿಸಿಕೊಂಡಿದ್ದಾರೆ. ವಿವಿಧ ಹಂತದ ಅರ್ಹತಾ ಸುತ್ತಿನ ನಂತರ ಅವರು ತಮ್ಮ ಗುಂಪಿನಲ್ಲಿ ಅಗ್ರಸ್ಥಾನ ಪಡೆದ ಸವಾರ ಎನಿಸಿದರು.</p>.<p>27 ವರ್ಷದ ಫವಾದ್, ಎರಡು ದಶಕಗಳ ನಂತರ ಒಲಿಂಪಿಕ್ಸ್ನಲ್ಲಿ ಭಾಗವಹಿಸಲಿರುವ ಭಾರತದ ಮೊದಲ ಅಶ್ವಾರೋಹಿ ಸವಾರ ಎನಿಸಿದರು.</p>.<p>ಈ ಹಿಂದೆ ಇಮ್ತಿಯಾಜ್ ಅನೀಸ್ (ಸಿಡ್ನಿ, 2000) ಮತ್ತು ದಿ. ವಿಂಗ್ ಕಮಾಂಡರ್ ಐ.ಜೆ.ಲಂಬಾ (1996, ಅಟ್ಲಾಂಟಾ) ಅವರು ಒಲಿಂಪಿಕ್ಸ್ಈಕ್ವೆಸ್ಟ್ರಿಯನ್ನಲ್ಲಿ ಭಾರತವನ್ನು ಪ್ರತಿನಿಧಿಸಿದವರು.</p>.<p>‘ಜಿ’ ಗುಂಪಿಗೆ ಸೇರುವ ಆಗ್ನೇಯ ಏಷ್ಯಾ– ಒಷಾನಿಯಾ ವಲಯದ ‘ಇಂಡಿವಿಜುವಲ್ ಇವೆಂಟಿಂಗ್’ ವಿಭಾಗದಲ್ಲಿ ಯುರೋಪ್ ಹಂತದ ಸ್ಪರ್ಧೆಯ ನಂತರ ಅವರು ಅಗ್ರಕ್ರಮಾಂಕದ ರೈಡರ್ ಎನಿಸಿದ್ದಾರೆ. ಈ ತಿಂಗಳ ಆರಂಭದಲ್ಲಿ ಯುರೋಪ್ ಹಂತ ಮುಗಿದಿತ್ತು.</p>.<p>ಮಿರ್ಜಾ ಒಟ್ಟು ಆರು ಅರ್ಹತಾ ಸುತ್ತಿನ ಸ್ಪರ್ಧೆಗಳಿಂದ 64 ಪಾಯಿಂಟ್ಸ್ ಕಲೆಹಾಕಿದ್ದಾರೆ. ಅವರು ‘ಫೆರ್ನ್ಹಿಲ್ ಪೇಸ್ಟೈಮ್’ ಕುದುರೆಯ ಮೇಲೆ ಸವಾರಿಯಲ್ಲಿ 34 ಪಾಯಿಂಟ್ಸ್ ಮತ್ತು ಎರಡನೆಯದಾದ ‘ಟಚಿಂಗ್ವುಡ್’ ಕುದುರೆಯ ಮೇಲಿಂದ 30 ಪಾಯಿಂಟ್ಸ್ ಕೂಡಿಹಾಕಿದ್ದಾರೆ.</p>.<p>ಆದರೆ ಅವರು ಅರ್ಹತೆ ಪಡೆದಿರುವುದನ್ನು ಅಂತರರಾಷ್ಟ್ರೀಯ ಈಕ್ವೆಸ್ಟ್ರಿಯನ್ ಫೆಡರೇಷನ್ (ಎಫ್ಇಐ) ಅಧಿಕೃತವಾಗಿ ಫೆಬ್ರುವರಿ 20ರಂದು ಪ್ರಕಟಿಸಲಿದೆ.</p>.<p>‘ನನಗೆ ಸಂತಸವಾಗಿದೆ. ಆದರೆ ಕ್ರಮಿಸಬೇಕಾದ ಹಾದಿ, ಹಾಕಬೇಕಾದ ಶ್ರಮ ಸಾಕಷ್ಟಿದೆ. ಶ್ರೇಷ್ಠ ಅಶ್ವಸವಾರರ ಎದುರು ಸ್ಪರ್ಧೆಗೆ ಸಜ್ಜಾಗಬೇಕಾಗುತ್ತದೆ’ ಎಂದು ಅವರು ಜರ್ಮನಿಯಿಂದ ಸುದ್ದಿಸಂಸ್ಥೆಗೆ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನವದೆಹಲಿ: ಏಷ್ಯನ್ ಗೇಮ್ಸ್ನಲ್ಲಿ ಎರಡು ಬಾರಿಯ ಬೆಳ್ಳಿ ಪದಕ ವಿಜೇತ ಈಕ್ವೆಸ್ಟ್ರಿಯನ್ ಪಟು ಫವಾದ್ ಮಿರ್ಜಾ, ಒಲಿಂಪಿಕ್ಸ್ಗೆ ಅರ್ಹತೆ ಗಿಟ್ಟಿಸಿಕೊಂಡಿದ್ದಾರೆ. ವಿವಿಧ ಹಂತದ ಅರ್ಹತಾ ಸುತ್ತಿನ ನಂತರ ಅವರು ತಮ್ಮ ಗುಂಪಿನಲ್ಲಿ ಅಗ್ರಸ್ಥಾನ ಪಡೆದ ಸವಾರ ಎನಿಸಿದರು.</p>.<p>27 ವರ್ಷದ ಫವಾದ್, ಎರಡು ದಶಕಗಳ ನಂತರ ಒಲಿಂಪಿಕ್ಸ್ನಲ್ಲಿ ಭಾಗವಹಿಸಲಿರುವ ಭಾರತದ ಮೊದಲ ಅಶ್ವಾರೋಹಿ ಸವಾರ ಎನಿಸಿದರು.</p>.<p>ಈ ಹಿಂದೆ ಇಮ್ತಿಯಾಜ್ ಅನೀಸ್ (ಸಿಡ್ನಿ, 2000) ಮತ್ತು ದಿ. ವಿಂಗ್ ಕಮಾಂಡರ್ ಐ.ಜೆ.ಲಂಬಾ (1996, ಅಟ್ಲಾಂಟಾ) ಅವರು ಒಲಿಂಪಿಕ್ಸ್ಈಕ್ವೆಸ್ಟ್ರಿಯನ್ನಲ್ಲಿ ಭಾರತವನ್ನು ಪ್ರತಿನಿಧಿಸಿದವರು.</p>.<p>‘ಜಿ’ ಗುಂಪಿಗೆ ಸೇರುವ ಆಗ್ನೇಯ ಏಷ್ಯಾ– ಒಷಾನಿಯಾ ವಲಯದ ‘ಇಂಡಿವಿಜುವಲ್ ಇವೆಂಟಿಂಗ್’ ವಿಭಾಗದಲ್ಲಿ ಯುರೋಪ್ ಹಂತದ ಸ್ಪರ್ಧೆಯ ನಂತರ ಅವರು ಅಗ್ರಕ್ರಮಾಂಕದ ರೈಡರ್ ಎನಿಸಿದ್ದಾರೆ. ಈ ತಿಂಗಳ ಆರಂಭದಲ್ಲಿ ಯುರೋಪ್ ಹಂತ ಮುಗಿದಿತ್ತು.</p>.<p>ಮಿರ್ಜಾ ಒಟ್ಟು ಆರು ಅರ್ಹತಾ ಸುತ್ತಿನ ಸ್ಪರ್ಧೆಗಳಿಂದ 64 ಪಾಯಿಂಟ್ಸ್ ಕಲೆಹಾಕಿದ್ದಾರೆ. ಅವರು ‘ಫೆರ್ನ್ಹಿಲ್ ಪೇಸ್ಟೈಮ್’ ಕುದುರೆಯ ಮೇಲೆ ಸವಾರಿಯಲ್ಲಿ 34 ಪಾಯಿಂಟ್ಸ್ ಮತ್ತು ಎರಡನೆಯದಾದ ‘ಟಚಿಂಗ್ವುಡ್’ ಕುದುರೆಯ ಮೇಲಿಂದ 30 ಪಾಯಿಂಟ್ಸ್ ಕೂಡಿಹಾಕಿದ್ದಾರೆ.</p>.<p>ಆದರೆ ಅವರು ಅರ್ಹತೆ ಪಡೆದಿರುವುದನ್ನು ಅಂತರರಾಷ್ಟ್ರೀಯ ಈಕ್ವೆಸ್ಟ್ರಿಯನ್ ಫೆಡರೇಷನ್ (ಎಫ್ಇಐ) ಅಧಿಕೃತವಾಗಿ ಫೆಬ್ರುವರಿ 20ರಂದು ಪ್ರಕಟಿಸಲಿದೆ.</p>.<p>‘ನನಗೆ ಸಂತಸವಾಗಿದೆ. ಆದರೆ ಕ್ರಮಿಸಬೇಕಾದ ಹಾದಿ, ಹಾಕಬೇಕಾದ ಶ್ರಮ ಸಾಕಷ್ಟಿದೆ. ಶ್ರೇಷ್ಠ ಅಶ್ವಸವಾರರ ಎದುರು ಸ್ಪರ್ಧೆಗೆ ಸಜ್ಜಾಗಬೇಕಾಗುತ್ತದೆ’ ಎಂದು ಅವರು ಜರ್ಮನಿಯಿಂದ ಸುದ್ದಿಸಂಸ್ಥೆಗೆ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>