ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಕೋವಿಡ್‌ಗೆ ತುತ್ತಾದವರು ಎಷ್ಟು ಗೊತ್ತಾ?
ಅಕ್ಷರ ಗಾತ್ರ :ಆ |ಆ |ಆ
ಟೋಕಿಯೊ: ಒಲಿಂಪಿಕ್ಸ್‌ಗೆ ಸಂಬಂಧಿಸಿ 28 ಹೊಸ ಕೋವಿಡ್ ಪ್ರಕರಣಗಳು ಸೋಮವಾರ ಪತ್ತೆಯಾಗಿವೆ. ಆದರೆ ಇವರಲ್ಲಿ ಯಾರೂ ಕ್ರೀಡಾಪಟುಗಳು ಅಲ್ಲ. ಇದರೊಂದಿಗೆ ಒಲಿಂಪಿಕ್ಸ್‌ನಲ್ಲಿ ಭಾಗಿಯಾದವರಲ್ಲಿ ಕಾಣಿಸಿಕೊಂಡ ಕೋವಿಡ್ ಪ್ರಕರಣಗಳ ಒಟ್ಟು ಸಂಖ್ಯೆ 458 ಆಗಿದೆ ಎಂದು ಆಯೋಜಕರು ತಿಳಿಸಿದ್ದಾರೆ.
ಸೋಂಕು ಕಾಣಿಸಿಕೊಂಡವರಲ್ಲಿ 13 ಮಂದಿ ಗುತ್ತಿಗೆದಾರರು ಆಗಿದ್ದು ಆರು ಮಂದಿ ಇತರ ಸಿಬ್ಬಂದಿ. ಆರು ಮಂದಿ ಸ್ವಯಂಸೇವಕರು, ಇಬ್ಬರು ಉದ್ಯೋಗಿ ಮತ್ತು ಒಬ್ಬರು ಮಾಧ್ಯಮ ಕಾರ್ಯಕರ್ತ. ಈ ಪೈಕಿ 21 ಮಂದಿ ಜಪಾನ್‌ ನಿವಾಸಿಗಳು ಎಂದು ಆಯೋಜಕರು ವಿವರಿಸಿದ್ದಾರೆ.
ಜನತೆಗೆ ಧನ್ಯವಾದ ಹೇಳಿದ ಪ್ರಧಾನಿ: ಕೋವಿಡ್ ಆತಂಕದ ನಡುವೆಯೂ ಒಲಿಂಪಿಕ್ ಕೂಟವನ್ನು ಸುಸೂತ್ರವಾಗಿ ಆಯೋಜಿಸಲು ನೆರವಾದ ಜನರಿಗೆ ಪ್ರಧಾನಿ ಯೊಶಿಹಿಡೆ ಸುಗಾ ಧನ್ಯವಾದ ಅರ್ಪಿಸಿದ್ದಾರೆ.
ದಾಖಲೆಯ 58 ಪದಕಗಳನ್ನು ಗೆದ್ದ ಜಪಾನ್‌ನ ಕ್ರೀಡಾಪಟುಗಳಿಗೆ ಅಭಿನಂದನೆ ಸಲ್ಲಿಸಿದ ಅವರು ‘ಕೆಲವರು ಪದಕ ಗೆದ್ದಿದ್ದಾರೆ. ಕೆಲವರು ವಿಫಲರಾಗಿದ್ದಾರೆ. ಆದರೆ ಎಲ್ಲರೂ ಅಮೋಘ ಸಾಮರ್ಥ್ಯ ತೋರಿ ಮನ ಗೆದ್ದಿದ್ದಾರೆ’ ಎಂದರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
