ಒಲಿಂಪಿಕ್ಸ್ ಸಕಾಲದಲ್ಲಿ ನಡೆಸುವುದು ಕಷ್ಟ

ಲೂಸನ್: ಟೋಕಿಯೊ ಒಲಿಂಪಿಕ್ ಕ್ರೀಡೆಗಳನ್ನು ನಿಗದಿತ ಸಮಯದಲ್ಲೇ ನಡೆಸುವುದು ಕಷ್ಟವಾಗಬಹುದು ಎಂದು ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿ ಬುಧವಾರ ಮೊದಲ ಬಾರಿ ಒಪ್ಪಿಕೊಂಡಿದೆ. ಕೊರೊನಾ ಸೋಂಕು ಎಗ್ಗಿಲ್ಲದೇ ವ್ಯಾಪಿಸುತ್ತಿದ್ದು, ಪ್ರಮುಖ ಅಥ್ಲೀಟುಗಳು ಕಳವಳ ವ್ಯಕ್ತಪಡಿಸುತ್ತಿರುವ ಬೆನ್ನಲ್ಲೇ ಈ ಮಾತನ್ನಾಡಿದೆ.

. ‘ಇದೊಂದು ಅಸಾಧಾರಣವಾದ ಸನ್ನಿವೇಶ. ಇದಕ್ಕೆ ಸೂಕ್ತವಾದ ಪರಿಹಾರ ಕಂಡುಕೊಳ್ಳುವುದು ಕಷ್ಟ’ ಎಂದು ಸಮಿತಿಯ ವಕ್ತಾರ ಹೇಳಿದ್ದಾರೆ. ಸೋಂಕು ಕಾಡ್ಗಿಚ್ಚಿನಂತೆ ಹಬ್ಬುತ್ತಿರುವ ಸಂದರ್ಭದಲ್ಲಿ, ಪೂರ್ವನಿಗದಿಯಂತೆ ಜುಲೈ 24 ರಿಂದ ಕ್ರೀಡೆಗಳನ್ನು ನಡೆಸಿದರೆ ಆರೋಗ್ಯವನ್ನೇ ಪಣಕ್ಕಿಡಬೇಕಾಗುತ್ತದೆ ಎಂದು ವಿಶ್ವದ ಕೆಲವು ಪ್ರಮುಖ ಅಥ್ಲೀಟುಗಳು ಆತಂಕ ವ್ಯಕ್ತಪಡಿಸಿದ್ದರು.

. ಸ್ಪರ್ಧೆಗಳ ಪಾವಿತ್ರ್ಯತೆ ಉಳಿಸುವ ಮತ್ತು ಅಥ್ಲೀಟುಗಳ ಆರೋಗ್ಯ ರಕ್ಷಣೆ ನಿಟ್ಟಿನಲ್ಲಿ ಸೂಕ್ತ ಪರಿಹಾರ ಕಂಡುಕೊಳ್ಳಲು ಐಒಸಿ ಬದ್ಧವಾಗಿದೆ. ಆ ಮೂಲಕ ಅವರಿಗೆ ಆಗುವ ತೊಂದರೆ ತೀರಾ ಕಡಿಮೆಯಾಗಲಿದೆ ಎಂದು ವಕ್ತಾರರು ತಿಳಿಸಿದ್ದಾರೆ.

. ‘ಸಕಾಲದಲ್ಲೇ ಕ್ರೀಡೆಗಳನ್ನು ನಡೆಸಲು ಬದ್ಧವಾಗಿದ್ದೇವೆ’ ಎಂದು ಐಒಸಿ ಹೇಳಿದ ಬೆನ್ನಲ್ಲೇ ಒಲಿಂಪಿಕ್ಸ್ ಪೋಲ್ವಾಲ್ಟ್ ಚಾಂಪಿಯನ್ ಕ್ಯಾತರಿನಾ ಸ್ಟೆಫಾಡಿನಿ ಮತ್ತು ಬ್ರಿಟನ್ನ ಹೆಪ್ಟಾಥ್ಲಾನ್ ತಾರೆ ಕ್ಯಾತರಿನಾ ಜಾನ್ಸನ್–ಥಾಮ್ಸನ್ ಇಬ್ಬರೂ ಕಳವಳ ವ್ಯಕ್ತಪಡಿಸಿದ್ದರು.

. ಗ್ರೀಸ್ನ ಆಗ್ರಗಣ್ಯ ಅಥ್ಲೀಟ್ ಆಗಿರುವ ಸ್ಟೆಫಾನಿಡಿ, ಗ್ರೀಕ್ ಲೆಗ್ ಮುಗಿಯುವ ಮೊದಲು ಕ್ರೀಡಾಜ್ಯೋತಿಯನ್ನು ಜಪಾನ್ ಅಧಿಕಾರಿಗಳಿಗೆ ಹಸ್ತಾಂತರ ಮಾಡಬೇಕಿತ್ತು. ಆದರೆ ಕೋವಿಡ್ –19 ಪಿಡುಗಿನ ಕಾರಣ ಜ್ಯೋತಿ ಹಸ್ತಾಂತರ ಸಮಾರಂಭ ರದ್ದುಗೊಳಿಸಲಾಯಿತು.

. ಜಾಗತಿಕವಾಗಿ, ಬುಧವಾರ ಬೆಳಗಿನವರೆಗೆ ಕೋವಿಡ್ ಸೋಂಕು ಪ್ರಕರಣಗಳ ಸಂಖ್ಯೆ 1,94,000 ಆಗಿದ್ದು, ಸಾವಿನ ಸಂಖ್ಯೆ 7,873 ಆಗಿದೆ. ಸುಮಾರು 150 ದೇಶಗಳು ಬಾಧಿತವಾಗಿವೆ.

. ‘ನಮ್ಮ ಆರೋಗ್ಯ, ಕುಟುಂಬದ ಆರೋಗ್ಯ ಮತ್ತು ಸಾರ್ವಜನಿಕದ ಆರೋಗ್ಯದ ಜೊತೆ ಐಒಸಿ ಚೆಲ್ಲಾಟವಾಡುತ್ತಿದೆ. ಇದಕ್ಕಾಗಿ ನಾವು ಪ್ರತಿದಿನ ತರಬೇತಿ ಪಡೆಯಬೇಕೇ’ ಎಂದು ಸ್ಟೆಫಾನಿಡಿ ಟ್ವಿಟರ್ನಲ್ಲಿ ಪ್ರಶ್ನಿಸಿದ್ದಾರೆ.

. ವಿಶ್ವ ಚಾಂಪಿಯನ್ಷಿಪ್ನ 110 ಮೀ. ಹರ್ಡಲ್ಸ್ ಓಟದ ಕಂಚಿನ ಪದಕ ವಿಜೇತ, ಫ್ರಾನ್ಸ್ನ ಪಾಸ್ಕಲ್ ಮಾರ್ಟಿನೊಟ್ ಲಗಾರ್ಡ್ ಅವರು ‘ಮುಂದೂಡಿಕೆಯೊಂದೆ ನ್ಯಾಯೋಚಿತ ಪರಿಹಾರ’ ಎಂದಿದ್ದಾರೆ. ಅವರುರಿಯೊ ಒಲಿಂಪಿಕ್ಸ್ನಲ್ಲಿ (2016) ನಾಲ್ಕನೇ ಸ್ಥಾನ ಪಡೆದಿದ್ದರು.

. ‘ಅಥ್ಲೀಟುಗಳೆಲ್ಲರೂ ಒಂದೇ ರೀತಿಯ ತಯಾರಿ ನಡೆಸಲು ಆಗುವುದಿಲ್ಲ. ಕ್ರೀಡೆಗಳನ್ನು ವರ್ಷಾಂತ್ಯಕ್ಕೆ ಅಥವಾ ಮುಂದಿನ ವರ್ಷ ನಡೆಸಬೇಕು’ ಎಂದು ಹೇಳಿದ್ದಾರೆ.

. ಮುಂದೂಡಿಕೆ: ಮಂಗಳವಾರ ಐಒಸಿ ಹೇಳಿಕೆ ನೀಡುವ ಮೊದಲು ಯುರೊ 2020 ಫುಟ್ಬಾಲ್ ಟೂರ್ನಿಯನ್ನು ಮುಂದಿನ ವರ್ಷಕ್ಕೆ ಮುಂದೂಡಲಾಗಿತ್ತು. ಯುರೋಪ್ನ ಇಟಲಿ, ಸ್ಪೇನ್ ಮೊದಲಾದ ಕೆಲವು ದೇಶಗಳಲ್ಲಿ ಸೋಂಕು ವ್ಯಾಪಕವಾಗಿದೆ.

. ಹಲವು ಕ್ರೀಡೆಗಳಲ್ಲಿ ಒಲಿಂಪಿಕ್ ಕ್ವಾಲಿಫೈಯಿಂಗ್ ಟೂರ್ನಿಗಳನ್ನು ಮುಂದೂಡಲಾಗಿದೆ. ಕೆಲವನ್ನು ರದ್ದು ಮಾಡಲಾಗಿದೆ. ಇದುವರೆಗೆ ಶೇ 57ರಷ್ಟು ಆಥ್ಲೀಟುಗಳು ಮಾತ್ರ ಅರ್ಹತೆ ಪಡೆದಿದ್ದಾರೆ.

. ಅನುಮಾನ: ಸೋಂಕು ಶರವೇಗದಿಂದ ಹರಡುತ್ತಿರುವ ಕಾರಣ ಒಲಿಂಪಿಕ್ಸ್ ಕೂಡ ಸಕಾಲಕ್ಕೆ ನಡೆಯುವ ಬಗ್ಗೆ ಸಂದೇಹಗಳು ಮೂಡಿದ್ದವು. ಒಂದು ದಿನ ಹಿಂದೆಯಷ್ಟೇ, ಜಪಾನ್ ಒಲಿಂಪಿಕ್ ಸಮಿತಿ ಉಪಮುಖ್ಯಸ್ಥರು ‘ತಮಗೆ ಕೊರೊನಾ ಸೋಂಕು ಇದೆ’ ಎಂದು ಹೇಳಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಒಲಿಂಪಿಕ್ಸ್ ಸಕಾಲದಲ್ಲಿ ನಡೆಸುವುದು ಕಷ್ಟ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ತುಮಕೂರಿನಲ್ಲಿ ದಾವಣಗೆರೆ ಪಿಎಸ್‌ಐ ಬಿ.ಆರ್‌.ನಾಗರಾಜಪ್ಪ ಆತ್ಮಹತ್ಯೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ENG vs IND Test | ಆಂಗ್ಲರಿಗೆ ಆಕಾಶ್ ಆಘಾತ: ಭಾರತಕ್ಕೆ 336 ರನ್ ಜಯ

ಲಂಡನ್‌ನಲ್ಲಿ ಮಹಿಳಾ ಕ್ರಿಕೆಟ್ ತಂಡಕ್ಕೆ ಅದ್ದೂರಿ ಸ್ವಾಗತ

ENG vs IND | ಪಂದ್ಯವೊಂದರಲ್ಲಿ ಗರಿಷ್ಠ ಮೊತ್ತ: ಇಂಗ್ಲೆಂಡ್ ಪರ ಸ್ಮಿತ್ ದಾಖಲೆ

'ಇದಕ್ಕೆಲ್ಲ ಅರ್ಹ ನೀನು': ದಾಖಲೆ ಬರೆದ ಗಿಲ್‌ಗೆ ಬೆನ್ನುತಟ್ಟಿದ ಕೊಹ್ಲಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ತುಮಕೂರಿನಲ್ಲಿ ದಾವಣಗೆರೆ ಪಿಎಸ್‌ಐ ಬಿ.ಆರ್‌.ನಾಗರಾಜಪ್ಪ ಆತ್ಮಹತ್ಯೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ