<p><strong>ಟೋಕಿಯೊ: </strong>ಕೋವಿಡ್–19ರ ಆತಂಕದಿಂದ ಅಮೆರಿಕದ ಪ್ರಯಾಣ ನಿರ್ಬಂಧಗಳ ಎಚ್ಚರಿಕೆಗೆ ಜಗ್ಗದ ಜಪಾನ್ ಸರ್ಕಾರ ಒಲಿಂಪಿಕ್ಸ್ ಕೂಟ ಯಾವುದೇ ಕಾರಣಕ್ಕೂ ರದ್ದಾಗುವುದಿಲ್ಲ ಎಂದು ಮಂಗಳವಾರ ಹೇಳಿದೆ. ಒಲಿಂಪಿಕ್ಸ್ ಆಯೋಜಕರೂ ಇದಕ್ಕೆ ದನಿಗೂಡಿಸಿದ್ದಾರೆ.</p>.<p>ಜಪಾನ್ ಪ್ರವಾಸ ಕೈಗೊಳ್ಳುವುದರಿಂದ ಆದಷ್ಟೂ ದೂರ ಇರುವಂತೆ ಅಮೆರಿಕ ತನ್ನ ಪ್ರಜೆಗಳಿಗೆ ಸೋಮವಾರ ಸೂಚಿಸಿತ್ತು. ಒಲಿಂಪಿಕ್ಸ್ ಕೂಟದ ಉದ್ಘಾಟನೆಗೆ ಕೆಲವೇ ವಾರಗಳು ಬಾಕಿ ಇರುವಾಗ ನೀಡಿರುವ ಈ ಎಚ್ಚರಿಕೆ ಕುತೂಹಲ ಕೆರಳಿಸಿತ್ತು.</p>.<p>‘ಪ್ರಯಾಣ ನಿರ್ಬಂಧ ಹೇರಿದ್ದರೂ ಒಲಿಂಪಿಕ್ಸ್ಗೆ ಅಮೆರಿಕದ ಬೆಂಬಲ ಮುಂದುವರಿಯಲಿದೆ. ಕ್ರೀಡಾಪಟುಗಳಿಗೆ ಈ ನಿರ್ಬಂಧ ಬಾಧಕವಾಗುವುದಿಲ್ಲ ಎಂಬ ವಿಸ್ವಾಸವಿದೆ’ ಎಂದು ಜಪಾನ್ ಸರ್ಕಾರದ ವಕ್ತಾರ ಕಸುನೊಬು ಕಾಟೊ ಹೇಳಿದ್ದಾರೆ.</p>.<p>ಈ ನಡುವೆ ಒಲಿಂಪಿಕ್ಸ್ ಸುರಕ್ಷಿತ ವಾತಾವರಣದಲ್ಲಿ ನಡೆಯುವ ವಿಶ್ವಾಸವಿದೆ ಎಂದು ಅಮೆರಿಕ ಒಲಿಂಪಿಕ್ ಮತ್ತು ಪ್ಯಾರಾಲಿಂಪಿಕ್ ಸಮಿತಿ ಹೇಳಿದೆ. ಪಾನ್ ಅಮೇರಿಕ ಕ್ರೀಡಾ ಸಂಘ, ಮೆಕ್ಸಿಕೊ ಕಾನ್ಸುಲೇಟ್ ಮತ್ತು ಮರ್ಸೋನಿ ಫೌಂಡೇಷನ್ ಆಶ್ರಯದಲ್ಲಿ ಮಿಯಾಮಿಯಲ್ಲಿ ಅಥ್ಲೀಟ್ಗಳಿಗೆ ಲಸಿಕೆ ನೀಡುವ ಕಾರ್ಯ ಆರಂಭವಾಗಿದೆ.</p>.<p><strong>ಆಸ್ಟ್ರೇಲಿಯಾ: ಲಸಿಕೆ ಕಡ್ಡಾಯ</strong><br />ಟೋಕಿಯೊ ಪ್ಯಾರಾಲಿಂಪಿಕ್ಸ್ಗೆ ತೆರಳುವವರು ಕಡ್ಡಾಯವಾಗಿ ಲಸಿಕೆ ಹಾಕಿಸಿಕೊಳ್ಳಬೇಕು ಆಸ್ಟ್ರೇಲಿಯಾ ಸೂಚಿಸಿದೆ. ಪ್ಯಾರಾಲಿಂಪಿಕ್ ಕೂಟ ಆಗಸ್ಟ್ 24ರಿಂದ ಸೆಪ್ಟೆಂಬರ್ 5ರ ವರೆಗೆ ನಡೆಯಲಿದೆ. ಲಸಿಕೆ ಹಾಕಿಸಿಕೊಳ್ಳುವಂತೆ ಅಂತರರಾಷ್ಟ್ರೀಯ ಪ್ಯಾರಾಲಿಂಪಿಕ್ ಸಮಿತಿ ಕೂಡ ಸೂಚಿಸಿದೆ. ಆದರೆ ಕಡ್ಡಾಯ ಮಾಡಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಟೋಕಿಯೊ: </strong>ಕೋವಿಡ್–19ರ ಆತಂಕದಿಂದ ಅಮೆರಿಕದ ಪ್ರಯಾಣ ನಿರ್ಬಂಧಗಳ ಎಚ್ಚರಿಕೆಗೆ ಜಗ್ಗದ ಜಪಾನ್ ಸರ್ಕಾರ ಒಲಿಂಪಿಕ್ಸ್ ಕೂಟ ಯಾವುದೇ ಕಾರಣಕ್ಕೂ ರದ್ದಾಗುವುದಿಲ್ಲ ಎಂದು ಮಂಗಳವಾರ ಹೇಳಿದೆ. ಒಲಿಂಪಿಕ್ಸ್ ಆಯೋಜಕರೂ ಇದಕ್ಕೆ ದನಿಗೂಡಿಸಿದ್ದಾರೆ.</p>.<p>ಜಪಾನ್ ಪ್ರವಾಸ ಕೈಗೊಳ್ಳುವುದರಿಂದ ಆದಷ್ಟೂ ದೂರ ಇರುವಂತೆ ಅಮೆರಿಕ ತನ್ನ ಪ್ರಜೆಗಳಿಗೆ ಸೋಮವಾರ ಸೂಚಿಸಿತ್ತು. ಒಲಿಂಪಿಕ್ಸ್ ಕೂಟದ ಉದ್ಘಾಟನೆಗೆ ಕೆಲವೇ ವಾರಗಳು ಬಾಕಿ ಇರುವಾಗ ನೀಡಿರುವ ಈ ಎಚ್ಚರಿಕೆ ಕುತೂಹಲ ಕೆರಳಿಸಿತ್ತು.</p>.<p>‘ಪ್ರಯಾಣ ನಿರ್ಬಂಧ ಹೇರಿದ್ದರೂ ಒಲಿಂಪಿಕ್ಸ್ಗೆ ಅಮೆರಿಕದ ಬೆಂಬಲ ಮುಂದುವರಿಯಲಿದೆ. ಕ್ರೀಡಾಪಟುಗಳಿಗೆ ಈ ನಿರ್ಬಂಧ ಬಾಧಕವಾಗುವುದಿಲ್ಲ ಎಂಬ ವಿಸ್ವಾಸವಿದೆ’ ಎಂದು ಜಪಾನ್ ಸರ್ಕಾರದ ವಕ್ತಾರ ಕಸುನೊಬು ಕಾಟೊ ಹೇಳಿದ್ದಾರೆ.</p>.<p>ಈ ನಡುವೆ ಒಲಿಂಪಿಕ್ಸ್ ಸುರಕ್ಷಿತ ವಾತಾವರಣದಲ್ಲಿ ನಡೆಯುವ ವಿಶ್ವಾಸವಿದೆ ಎಂದು ಅಮೆರಿಕ ಒಲಿಂಪಿಕ್ ಮತ್ತು ಪ್ಯಾರಾಲಿಂಪಿಕ್ ಸಮಿತಿ ಹೇಳಿದೆ. ಪಾನ್ ಅಮೇರಿಕ ಕ್ರೀಡಾ ಸಂಘ, ಮೆಕ್ಸಿಕೊ ಕಾನ್ಸುಲೇಟ್ ಮತ್ತು ಮರ್ಸೋನಿ ಫೌಂಡೇಷನ್ ಆಶ್ರಯದಲ್ಲಿ ಮಿಯಾಮಿಯಲ್ಲಿ ಅಥ್ಲೀಟ್ಗಳಿಗೆ ಲಸಿಕೆ ನೀಡುವ ಕಾರ್ಯ ಆರಂಭವಾಗಿದೆ.</p>.<p><strong>ಆಸ್ಟ್ರೇಲಿಯಾ: ಲಸಿಕೆ ಕಡ್ಡಾಯ</strong><br />ಟೋಕಿಯೊ ಪ್ಯಾರಾಲಿಂಪಿಕ್ಸ್ಗೆ ತೆರಳುವವರು ಕಡ್ಡಾಯವಾಗಿ ಲಸಿಕೆ ಹಾಕಿಸಿಕೊಳ್ಳಬೇಕು ಆಸ್ಟ್ರೇಲಿಯಾ ಸೂಚಿಸಿದೆ. ಪ್ಯಾರಾಲಿಂಪಿಕ್ ಕೂಟ ಆಗಸ್ಟ್ 24ರಿಂದ ಸೆಪ್ಟೆಂಬರ್ 5ರ ವರೆಗೆ ನಡೆಯಲಿದೆ. ಲಸಿಕೆ ಹಾಕಿಸಿಕೊಳ್ಳುವಂತೆ ಅಂತರರಾಷ್ಟ್ರೀಯ ಪ್ಯಾರಾಲಿಂಪಿಕ್ ಸಮಿತಿ ಕೂಡ ಸೂಚಿಸಿದೆ. ಆದರೆ ಕಡ್ಡಾಯ ಮಾಡಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>