ಭಾನುವಾರ, ಏಪ್ರಿಲ್ 5, 2020
19 °C

ಹಾಕಿ ಟೂರ್ನಿ: ಸದರ್ನ್‌ ಕಮಾಂಡ್‌-ಸಾಯ್‌ ಫೈನಲ್‌

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ಸದರ್ನ್‌ ಕಮಾಂಡ್‌ ಹಾಗೂ ಭಾರತ ಕ್ರೀಡಾ ಪ್ರಾಧಿಕಾರ (ಸಾಯ್‌) ತಂಡಗಳು ಫೀಲ್ಡ್‌ ಮಾರ್ಷಲ್‌ ಕೆ.ಎಂ.ಕಾರ್ಯಪ್ಪ ಸ್ಮಾರಕ ರಾಜ್ಯಮಟ್ಟದ ಹಾಕಿ ಟೂರ್ನಿಯ ಫೈನಲ್‌ಗೆ ಲಗ್ಗೆಯಿಟ್ಟಿವೆ. 

ಶಾಂತಿನಗರದ ಕೆ.ಎಂ. ಕಾರ್ಯಪ್ಪ ಅರೇನಾದಲ್ಲಿ ನಡೆಯುತ್ತಿರುವ ಟೂರ್ನಿಯ ಮೊದಲ ಸೆಮಿಫೈನಲ್‌ ಹಣಾಹಣಿಯಲ್ಲಿ ಸದರ್ನ್‌ ಕಮಾಂಡ್‌ ತಂಡವು 2–1ರಿಂದ ಕೆನರಾ ಬ್ಯಾಂಕ್‌ ಎದುರು ಗೆದ್ದಿತು.

ಸಾಯ್‌ ಹಾಗೂ ಎಂಇಜಿ ತಂಡಗಳ ನಡುವಿನ ಪಂದ್ಯ 2–2 ಗೋಲುಗಳಿಂದ ಸಮಬಲ ಕಂಡಿತ್ತು. ಆದರೆ ಶೂಟೌ ಟ್‌ನಲ್ಲಿ ಸಾಯ್‌ 4–3ರಿಂದ ಜಯ ಒಲಿಸಿಕೊಂಡಿತು.

ಸದರ್ನ್‌ ಕಮಾಂಡ್‌ ಪರ 11ನೇ ನಿಮಿಷದಲ್ಲೇ ಅಜಿತ್‌ ಶಿಂಧೆ ಗೋಲು ದಾಖಲಿಸಿದರು. ಕೆನರಾ ಬ್ಯಾಂಕ್‌ನ ಕೆ.ಎಂ.ಸೋಮಣ್ಣ 19ನೇ ನಿಮಿಷದಲ್ಲಿ ಕಾಲ್ಚಳಕ ತೋರಿ ಸಮಬಲಕ್ಕೆ ಕಾರಣ ವಾದರು. 55ನೇ ನಿಮಿಷದಲ್ಲಿ ಯಶಸ್ಸು ಕಂಡ ಎಂ.ಎಸ್‌. ಬೋಪಣ್ಣ ಕಮಾಂಡ್‌ನ ಜಯ ಖಚಿತಪಡಿಸಿದರು. 

ಸಾಯ್‌ ಪರ ವೀರಣ್ಣ ಗೌಡ (13ನೇ ನಿಮಿಷ) ಹಾಗೂ ಮೊಹಮ್ಮದ್‌ ರಾಹೀಲ್‌ (41ನೇ ನಿಮಿಷ) ಚೆಂಡನ್ನು ಗೋಲುಪೆಟ್ಟಿಗೆಗೆ ಸೇರಿಸಿದರು. ಎಂಇಜಿ ತಂಡದ ಕುಂಜಪ್ಪ (13ನೇ ನಿ.) ಮತ್ತು ಮಂಜೀತ್‌ (27ನೇ ನಿ.) ಗೋಲು ಗಳಿಸಿದರು. ಶೂಟೌಟ್‌ನಲ್ಲಿ ಸಾಯ್‌ ತಂಡದ ವೀರಣ್ಣ ಗೌಡ, ಡಿ.ಎಂ. ಅಚ್ಚಯ್ಯ, ಹರೀಶ್‌ ಮುಟಗಾರ್‌, ಬಿ.ಎಂ.ಲಿಖಿತ್‌ ಯಶಸ್ಸು ಸಾಧಿಸಿದರು. ಎಂಇಜಿ ತಂಡದ ರಜಂತ್‌, ಕುಂಜಪ್ಪ, ಸುರಸ್ ಸಿಂಗ್ ಗೋಲು ಹೊಡೆದರು.‌

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು