ಬುಧವಾರ, ಮೇ 12, 2021
25 °C

ಕಾಶ್ಮೀರದಿಂದ ಕನ್ಯಾಕುಮಾರಿ: ಪ್ಯಾರಾ ಸೈಕ್ಲಿಸ್ಟ್‌ಗಳ ಪಯಣ ಮುಕ್ತಾಯ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ಆದಿತ್ಯ ಮೆಹ್ತಾ ಫೌಂಡೇಷನ್‌ (ಎಎಂಎಫ್) ಆಯೋಜಿಸಿರುವ ಇನ್ಫಿನಿಟಿ ರೈಡ್ 2020 ಗುರುವಾರ ಕನ್ಯಾಕುಮಾರಿ ತಲುಪಿತು. ಫೌಂಡೇಷನ್‌ನ ಸ್ಥಾಪಕ ಆದಿತ್ಯ ಮೆಹ್ತಾ ಅವರನ್ನು ಒಳಗೊಂಡ 30 ಪ್ಯಾರಾ ಸೈಕ್ಲಿಸ್ಟ್‌ಗಳ ತಂಡ ಈ ಕ್ರೀಡೆಯ ಬಗ್ಗೆ ಜಾಗೃತಿ ಮೂಡಿಸುವುದಕ್ಕಾಗಿ ಕಾಶ್ಮೀರದಿಂದ 45 ದಿನಗಳ ಹಿಂದೆ ಪ್ರಯಾಣ ಹೊರಟಿದ್ದರು.

ಬೆಂಗಳೂರು ಒಳಗೊಂಡಂತೆ 36 ನಗರಗಳಿಗೆ ಭೇಟಿ ನೀಡಿದ ಸೈಕ್ಲಿಸ್ಟ್‌ಗಳು ಒಟ್ಟು 3842 ಕಿ.ಮೀ ದೂರ ಕ್ರಮಿಸಿದ್ದರು. ವಿವೇಕಾನಂದ ಸ್ಮಾರಕದ ಬಳಿ ಸೈಕ್ಲಿಸ್ಟ್‌ಗಳನ್ನು ಕೇಂದ್ರ ಸಶಸ್ತ್ರ ದಳದ ಸಿಬ್ಬಂದಿ ಗುರುವಾರ ಸ್ವಾಗತಿಸಿದರು.

‘2013ರಲ್ಲೂ ನಾನು ಸೈಕಲ್ ಪ್ರಯಾಣ ಮಾಡಿದ್ದೆ. ಆ ಸಂದರ್ಭದಲ್ಲಿ ಮಾನಸಿಕ ಮತ್ತು ದೈಹಿಕವಾಗಿ ಭಾರಿ ಸವಾಲು ಎದುರಾಗಿತ್ತು. ಆದರೆ ದಾರಿಯುದ್ದಕ್ಕೂ ಜನರು ತೋರಿದ ಪ್ರೀತಿ ಭರವಸೆ ಮೂಡಿಸಿತ್ತು. ಈ ಬಾರಿಯೂ ಅದೇ ರೀತಿಯಲ್ಲಿ ಜನರು ಪ್ರೋತ್ಸಾಹಿಸಿದರು. ಪ್ಯಾರಾ ಸೈಕ್ಲಿಂಗ್‌ನಲ್ಲಿ ಚಾಂಪಿಯನ್ನರನ್ನು ಬೆಳೆಸುವ ನನ್ನ ಉದ್ದೇಶಕ್ಕೆ ಇದರಿಂದ ಬಲ ಸಿಕ್ಕಿದೆ’ ಎಂದು ಆದಿತ್ಯ ಮೆಹ್ತಾ ತಿಳಿಸಿದರು.

ಕಳೆದ ವಾರ ಬೆಂಗಳೂರು ತಲುಪಿದ್ದ ಸೈಕ್ಲಿಸ್ಟ್‌ಗಳು ನಂತರ ಧರ್ಮಪುರಿಯತ್ತ ಪ್ರಯಾಣ ಬೆಳೆಸಿದ್ದರು. ಉದ್ಯಾನನಗರಿಯಲ್ಲಿ ಅಂಗವಿಕಲರು ನಡೆಸುತ್ತಿರುವ ಮಿಟ್ಟೆ ಕೆಫೆಗೆ ಭೇಟಿ ನೀಡಿದ ರೈಡರ್‌ಗಳು ಪಯಣದ ಅನುಭವಗಳನ್ನು ಕೆಫೆ ಉದ್ಯೋಗಿಗಳೊಂದಿಗೆ ಹಂಚಿಕೊಂಡಿದ್ದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು