ನಿರೀಕ್ಷೆ ಮೂಡಿಸಿದ ಸೀಮಾ; ನಿಶಾ, ಪೂಜಾಗೆ ನಿರಾಸೆ

ಸೋಫಿಯಾ, ಬಲ್ಗೇರಿಯ: ಎದುರಾಳಿಗಳ ಪ್ರಬಲ ಸ್ಪರ್ಧೆಯನ್ನು ಮೀರಿ ಸೆಮಿಫೈನಲ್ ತಲುಪಿರುವ ಭಾರತದ ಸೀಮಾ ಬಿಸ್ಲಾ ಅವರು ಟೋಕಿಯೊ ಒಲಿಂಪಿಕ್ಸ್ ಅರ್ಹತೆಗಾಗಿ ಇಲ್ಲಿ ನಡೆಯುತ್ತಿರುವ ಕುಸ್ತಿ ಟೂರ್ನಿಯಲ್ಲಿ ಭರವಸೆ ಮೂಡಿಸಿದ್ದಾರೆ. ಆದರೆ ನಿಶಾ ಮತ್ತು ಪೂಜಾ ನಿರಾಸೆಗೊಂಡಿದ್ದಾರೆ.

. 50 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸುತ್ತಿರುವ ಸೀಮಾ ಶುಕ್ರವಾರ ನಡೆದ ಕ್ವಾರ್ಟರ್ ಫೈನಲ್ನಲ್ಲಿ ಬೆಲಾರಸ್ನ ಅನಸ್ತೇಸಿಯಾ ಎನಟೋವಾ ವಿರುದ್ಧ 8–0ಯಿಂದ ಜಯ ಗಳಿಸಿದರು. ನಾಲ್ಕರ ಘಟ್ಟದಲ್ಲಿ ಪೋಲೆಂಡ್ನ ಅನಾ ಲುಕಾಸಿಯಾಕ್ ಎದುರು ಗೆದ್ದು ಪ್ರಶಸ್ತಿ ಸುತ್ತು ಪ್ರವೇಶಿಸಿದರೆ ಅವರಿಗೆ ಒಲಿಂಪಿಕ್ ಟಿಕೆಟ್ ಖಚಿತವಾಗಲಿದೆ.

. ಅಲ್ಮಾಟಿಯಲ್ಲಿ ಈಚೆಗೆ ನಡೆದ ಏಷ್ಯನ್ ಚಾಂಪಿಯನ್ಷಿಪ್ನಲ್ಲಿ ಕಂಚಿನ ಪದಕ ಗೆದ್ದಿದ್ದ ಸೀಮಾ ಮೊದಲ ಸುತ್ತಿನಲ್ಲಿ ಸ್ವೀಡನ್ನ ಎಮಾ ಜೊನಾ ಡೆನಿಸ್ ಅವರನ್ನು ಕೇವಲ 43 ಸೆಕೆಂಡುಗಳಲ್ಲಿ ಮಣಿಸಿದರು.

. 68 ಕೆಜಿ ವಿಭಾಗದಲ್ಲಿ ನಿಶಾ ಬಲ್ಗೇರಿಯದ ಮಿಮಿ ಹೃಸ್ಟೋವಗೆ ಮಣಿದರು. ಪ್ರಬಲ ಪಟ್ಟುಗಳನ್ನು ಪ್ರಯೋಗಿಸಿದ ಮಿಮಿ ರಕ್ಷಣಾತ್ಮಕ ಆಟದಲ್ಲೂ ಪಾರಮ್ಯ ಮೆರೆದರು. ಹೀಗಾಗಿ ಪಾಯಿಂಟ್ ಗಳಿಸಲು ಭಾರತದ ಕುಸ್ತಿಪಟು ಪರದಾಡಿದರು. ತಾಂತ್ರಿಕವಾಗಿ ಮೇಲುಗೈ ಸಾಧಿಸುವ ಮೂಲಕ ಮಿಮಿ ಸೆಮಿಫೈನಲ್ ಪ್ರವೇಶಿಸಿದರು. ಮೊದಲ ಸುತ್ತಿನಲ್ಲಿ ನಿಶಾ ಗೆಲುವು ಸಾಧಿಸಿದ್ದರು. ಆದರೆ ಕ್ವಾರ್ಟರ್ ಫೈನಲ್ ಬೌಟ್ನಲ್ಲಿ ಪೋಲೆಂಡ್ನ ನತಾಲಿಯಾ ಇವೋನಾ ಎದುರು ಸೋತರು.

. 76 ಕೆಜಿ ವಿಭಾಗದಲ್ಲಿ ಪೂಜಾ ಮೊದಲ ಸುತ್ತಿನಲ್ಲೇ ಸೋತು ಹೊರಬಿದ್ದರು. ಅವರನ್ನು ಲಿಥುವೇನಿಯಾದ ಕಮಿಲೆ ಗೌಜೇಟ್ 4–3ರಲ್ಲಿ ಮಣಿಸಿದರು.

. ಮಹಿಳಾ ವಿಭಾಗದಲ್ಲಿ ವಿನೇಶಾ ಪೋಗಟ್ (53 ಕೆಜಿ), ಅನ್ಶು ಮಲಿಕ್ (57 ಕೆಜಿ) ಮತ್ತು ಸೋನಂ ಮಲಿಕ್ (62 ಕೆಜಿ) ಈಗಾಗಲೇ ಟೋಕಿಯೊ ಒಲಿಂಪಿಕ್ಸ್ಗೆ ಅರ್ಹತೆ ಗಳಿಸಿದ್ದಾರೆ. ಗುರುವಾರ ನಡೆದ ಪುರುಷರ ಬೌಟ್ನಲ್ಲಿ ಸುಮಿತ್ ಮಲಿಕ್ (125 ಕೆಜಿ) ಫೈನಲ್ ಪ್ರವೇಶಿಸುವ ಮೂಲಕ ಅರ್ಹತೆ ಗಳಿಸಿದ್ದರು. ಅವರು ಒಲಿಂಪಿಕ್ಸ್ಗೆ ಟಿಕೆಟ್ ಗಿಟ್ಟಿಸಿಕೊಂಡ ಪುರುಷರ ವಿಭಾಗದ ನಾಲ್ಕನೇ ಕುಸ್ತಿಪಟು ಆಗಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಿರೀಕ್ಷೆ ಮೂಡಿಸಿದ ಸೀಮಾ; ನಿಶಾ, ಪೂಜಾಗೆ ನಿರಾಸೆ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ