<p><strong>ನವದೆಹಲಿ:</strong> ಒಲಿಂಪಿಕ್ಸ್ ಮತ್ತು ವಿಶ್ವ ಚಾಂಪಿಯನ್ಷಿಪ್ಗಳಲ್ಲಿ ಬೆಳ್ಳಿಯ ಪದಕಗಳನ್ನು ಗೆದ್ದ ಸಾಧನೆ ಮಾಡಿರುವ ಭಾರತದ ಬ್ಯಾಡ್ಮಿಂಟನ್ ತಾರೆ ಪಿ.ವಿ.ಸಿಂಧು ಅವರು ಚೀನಾದ ಕ್ರೀಡಾ ಉತ್ಪನ್ನ ತಯಾರಿಕಾ ಸಂಸ್ಥೆ ಲೀ ನಿಂಗ್ ಜೊತೆ ₹ 50 ಕೋಟಿ ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ.</p>.<p>ಆಟಗಾರ್ತಿಯೊಬ್ಬರು ಸಂಸ್ಥೆಯೊಂದರ ಜೊತೆ ಇಷ್ಟು ದೊಡ್ಡ ಮೊತ್ತದ ಒಡಂಬಡಿಕೆಗೆ ಸಹಿ ಮಾಡಿರುವುದು ಬ್ಯಾಡ್ಮಿಂಟನ್ ಇತಿಹಾಸದಲ್ಲೇ ಮೊದಲು.</p>.<p>‘ಸಿಂಧು ಅವರೊಂದಿಗೆ ನಾಲ್ಕು ವರ್ಷಗಳ ಅವಧಿಗೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಪ್ರಾಯೋಜಕತ್ವದಿಂದ ಅವರಿಗೆ ₹40 ಕೋಟಿ ಸಿಗಲಿದೆ. ಉಳಿದ ಮೊತ್ತದಲ್ಲಿ ಅವರಿಗೆ ಕ್ರೀಡಾ ಪರಿಕರಗಳನ್ನು ಪೂರೈಸಲಾಗುತ್ತದೆ’ ಎಂದು ಲೀ ನಿಂಗ್ ಜೊತೆ ಸಹಯೋಗ ಹೊಂದಿರುವ ಸನ್ಲೈಟ್ ಸ್ಪೋರ್ಟ್ಸ್ ಪ್ರೈವೇಟ್ ಲಿಮಿಟೆಡ್ನ ನಿರ್ದೇಶಕ ಮಹೇಂದರ್ ಕಪೂರ್ ತಿಳಿಸಿದ್ದಾರೆ.</p>.<p>ಸಿಂಧು ಅವರು ಲೀ ನಿಂಗ್ ಜೊತೆ ಎರಡನೇ ಸಲ ಒಪ್ಪಂದ ಮಾಡಿಕೊಂಡಿದ್ದಾರೆ. ಈ ಮೊದಲು ಎರಡು ವರ್ಷಗಳ ಅವಧಿಗೆ (2014 ರಿಂದ 2015) ₹2.5 ಕೋಟಿ ಮೊತ್ತ ಪಡೆದಿದ್ದರು.</p>.<p>2016ರಲ್ಲಿ ಅವರು ಯೂನೆಕ್ಸ್ ಸಂಸ್ಥೆ ಜೊತೆ ಮೂರು ವರ್ಷಗಳ ಅವಧಿಗೆ ₹10.5 ಕೋಟಿಗೆ ಒಪ್ಪಂದ ಮಾಡಿಕೊಂಡಿದ್ದರು.</p>.<p>ವಾರ್ಷಿಕ ಪ್ರಾಯೋಜಕತ್ವದ ಲೆಕ್ಕಾಚಾರದಲ್ಲಿ ಸಿಂಧು, ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಅವರ ದಾಖಲೆಯ ಸನಿಹವಿದ್ದಾರೆ ಎಂದು ವಿಶ್ಲೇಷಿಸಲಾಗಿದೆ. ವಿರಾಟ್ ಅವರು 2017ರಲ್ಲಿ ಪೂಮಾ ಸಂಸ್ಥೆಯ ಜೊತೆ ಒಟ್ಟು ₹100 ಕೋಟಿಯ ಒಡಂಬಡಿಕೆ (ಎಂಟು ವರ್ಷ) ಮಾಡಿಕೊಂಡಿದ್ದರು. ಇದರನ್ವಯ ಅವರಿಗೆ ವಾರ್ಷಿಕ ₹12.5 ಕೋಟಿ ಸಿಗುತ್ತಿದೆ.</p>.<p>ಒಲಿಂಪಿಕ್ಸ್ನಲ್ಲಿ ಬೆಳ್ಳಿಯ ಪದಕ ಜಯಿಸಿದ ಭಾರತದ ಮೊದಲ ಆಟಗಾರ್ತಿ ಎಂಬ ಹಿರಿಮೆ ಹೊಂದಿರುವ ಸಿಂಧು, ಹೋದ ವರ್ಷ ಫೋಬ್ಸ್ ನಿಯತಕಾಲಿಕೆ ಬಿಡುಗಡೆ ಮಾಡಿದ್ದ ವಿಶ್ವದ ಶ್ರೀಮಂತ ಮಹಿಳಾ ಕ್ರೀಡಾಪಟುಗಳ ಪಟ್ಟಿಯಲ್ಲಿ ಏಳನೇ ಸ್ಥಾನ ಪಡೆದಿದ್ದರು.</p>.<p>ಲೀ ನಿಂಗ್ ಸಂಸ್ಥೆಯು ಹೋದ ತಿಂಗಳು ಕಿದಂಬಿ ಶ್ರೀಕಾಂತ್ ಜೊತೆ ₹35 ಕೋಟಿಯ (ನಾಲ್ಕು ವರ್ಷ) ಒಪ್ಪಂದ ಮಾಡಿಕೊಂಡಿತ್ತು. ಈಗ ಡಬಲ್ಸ್ ವಿಭಾಗದ ಆಟಗಾರರಾದ ಮನು ಅತ್ರಿ ಮತ್ತು ಬಿ.ಸುಮೀತ್ ರೆಡ್ಡಿ ಅವರೊಂದಿಗೆ ಎರಡು ವರ್ಷ (ಒಬ್ಬರಿಗೆ ₹ 4 ಕೋಟಿ) ಹಾಗೂ ಸಿಂಗಲ್ಸ್ ವಿಭಾಗದ ಆಟಗಾರ ಪರುಪಳ್ಳಿ ಕಶ್ಯಪ್ ಜೊತೆ ₹ 8 ಕೋಟಿಯ (ಎರಡು ವರ್ಷ) ಒಪ್ಪಂದ ಮಾಡಿಕೊಂಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಒಲಿಂಪಿಕ್ಸ್ ಮತ್ತು ವಿಶ್ವ ಚಾಂಪಿಯನ್ಷಿಪ್ಗಳಲ್ಲಿ ಬೆಳ್ಳಿಯ ಪದಕಗಳನ್ನು ಗೆದ್ದ ಸಾಧನೆ ಮಾಡಿರುವ ಭಾರತದ ಬ್ಯಾಡ್ಮಿಂಟನ್ ತಾರೆ ಪಿ.ವಿ.ಸಿಂಧು ಅವರು ಚೀನಾದ ಕ್ರೀಡಾ ಉತ್ಪನ್ನ ತಯಾರಿಕಾ ಸಂಸ್ಥೆ ಲೀ ನಿಂಗ್ ಜೊತೆ ₹ 50 ಕೋಟಿ ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ.</p>.<p>ಆಟಗಾರ್ತಿಯೊಬ್ಬರು ಸಂಸ್ಥೆಯೊಂದರ ಜೊತೆ ಇಷ್ಟು ದೊಡ್ಡ ಮೊತ್ತದ ಒಡಂಬಡಿಕೆಗೆ ಸಹಿ ಮಾಡಿರುವುದು ಬ್ಯಾಡ್ಮಿಂಟನ್ ಇತಿಹಾಸದಲ್ಲೇ ಮೊದಲು.</p>.<p>‘ಸಿಂಧು ಅವರೊಂದಿಗೆ ನಾಲ್ಕು ವರ್ಷಗಳ ಅವಧಿಗೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಪ್ರಾಯೋಜಕತ್ವದಿಂದ ಅವರಿಗೆ ₹40 ಕೋಟಿ ಸಿಗಲಿದೆ. ಉಳಿದ ಮೊತ್ತದಲ್ಲಿ ಅವರಿಗೆ ಕ್ರೀಡಾ ಪರಿಕರಗಳನ್ನು ಪೂರೈಸಲಾಗುತ್ತದೆ’ ಎಂದು ಲೀ ನಿಂಗ್ ಜೊತೆ ಸಹಯೋಗ ಹೊಂದಿರುವ ಸನ್ಲೈಟ್ ಸ್ಪೋರ್ಟ್ಸ್ ಪ್ರೈವೇಟ್ ಲಿಮಿಟೆಡ್ನ ನಿರ್ದೇಶಕ ಮಹೇಂದರ್ ಕಪೂರ್ ತಿಳಿಸಿದ್ದಾರೆ.</p>.<p>ಸಿಂಧು ಅವರು ಲೀ ನಿಂಗ್ ಜೊತೆ ಎರಡನೇ ಸಲ ಒಪ್ಪಂದ ಮಾಡಿಕೊಂಡಿದ್ದಾರೆ. ಈ ಮೊದಲು ಎರಡು ವರ್ಷಗಳ ಅವಧಿಗೆ (2014 ರಿಂದ 2015) ₹2.5 ಕೋಟಿ ಮೊತ್ತ ಪಡೆದಿದ್ದರು.</p>.<p>2016ರಲ್ಲಿ ಅವರು ಯೂನೆಕ್ಸ್ ಸಂಸ್ಥೆ ಜೊತೆ ಮೂರು ವರ್ಷಗಳ ಅವಧಿಗೆ ₹10.5 ಕೋಟಿಗೆ ಒಪ್ಪಂದ ಮಾಡಿಕೊಂಡಿದ್ದರು.</p>.<p>ವಾರ್ಷಿಕ ಪ್ರಾಯೋಜಕತ್ವದ ಲೆಕ್ಕಾಚಾರದಲ್ಲಿ ಸಿಂಧು, ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಅವರ ದಾಖಲೆಯ ಸನಿಹವಿದ್ದಾರೆ ಎಂದು ವಿಶ್ಲೇಷಿಸಲಾಗಿದೆ. ವಿರಾಟ್ ಅವರು 2017ರಲ್ಲಿ ಪೂಮಾ ಸಂಸ್ಥೆಯ ಜೊತೆ ಒಟ್ಟು ₹100 ಕೋಟಿಯ ಒಡಂಬಡಿಕೆ (ಎಂಟು ವರ್ಷ) ಮಾಡಿಕೊಂಡಿದ್ದರು. ಇದರನ್ವಯ ಅವರಿಗೆ ವಾರ್ಷಿಕ ₹12.5 ಕೋಟಿ ಸಿಗುತ್ತಿದೆ.</p>.<p>ಒಲಿಂಪಿಕ್ಸ್ನಲ್ಲಿ ಬೆಳ್ಳಿಯ ಪದಕ ಜಯಿಸಿದ ಭಾರತದ ಮೊದಲ ಆಟಗಾರ್ತಿ ಎಂಬ ಹಿರಿಮೆ ಹೊಂದಿರುವ ಸಿಂಧು, ಹೋದ ವರ್ಷ ಫೋಬ್ಸ್ ನಿಯತಕಾಲಿಕೆ ಬಿಡುಗಡೆ ಮಾಡಿದ್ದ ವಿಶ್ವದ ಶ್ರೀಮಂತ ಮಹಿಳಾ ಕ್ರೀಡಾಪಟುಗಳ ಪಟ್ಟಿಯಲ್ಲಿ ಏಳನೇ ಸ್ಥಾನ ಪಡೆದಿದ್ದರು.</p>.<p>ಲೀ ನಿಂಗ್ ಸಂಸ್ಥೆಯು ಹೋದ ತಿಂಗಳು ಕಿದಂಬಿ ಶ್ರೀಕಾಂತ್ ಜೊತೆ ₹35 ಕೋಟಿಯ (ನಾಲ್ಕು ವರ್ಷ) ಒಪ್ಪಂದ ಮಾಡಿಕೊಂಡಿತ್ತು. ಈಗ ಡಬಲ್ಸ್ ವಿಭಾಗದ ಆಟಗಾರರಾದ ಮನು ಅತ್ರಿ ಮತ್ತು ಬಿ.ಸುಮೀತ್ ರೆಡ್ಡಿ ಅವರೊಂದಿಗೆ ಎರಡು ವರ್ಷ (ಒಬ್ಬರಿಗೆ ₹ 4 ಕೋಟಿ) ಹಾಗೂ ಸಿಂಗಲ್ಸ್ ವಿಭಾಗದ ಆಟಗಾರ ಪರುಪಳ್ಳಿ ಕಶ್ಯಪ್ ಜೊತೆ ₹ 8 ಕೋಟಿಯ (ಎರಡು ವರ್ಷ) ಒಪ್ಪಂದ ಮಾಡಿಕೊಂಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
