ಟೋಕಿಯೊ:ಜಪಾನ್‌ನಲ್ಲಿ ನಡೆಯುತ್ತಿರುವ ಪ್ಯಾರಾಲಿಂಪಿಕ್ಸ್‌ನ ಆರ್ಚರಿ ಸ್ಪರ್ಧೆಯಲ್ಲಿಭಾರತದ ಹರ್ವಿಂದರ್ ಸಿಂಗ್ ಕಂಚಿನ ಪದಕ ಗೆದ್ದ ಸಾಧನೆ ಮಾಡಿದ್ದಾರೆ. ಆ ಮೂಲಕ ಪ್ಯಾರಾ ಕ್ರೀಡೆಗಳ ಈ ಸ್ಪರ್ಧೆಯಲ್ಲಿ ದೇಶಕ್ಕೆ ಮೊದಲ ಪದಕ ಗೆದ್ದುಕೊಟ್ಟ ಶ್ರೇಯಕ್ಕೆ ಭಾಜನರಾಗಿದ್ದಾರೆ.
ಸೆಮಿಫೈನಲ್‌ನಲ್ಲಿ ಅಮೆರಿಕದ ಕೆವಿನ್‌ ಮಥರ್ ಎದುರು 6-4 ಅಂತರದಿಂದ ಮಣಿದಸಿಂಗ್‌, ಕಂಚಿನ ಪದಕಕ್ಕಾಗಿಕೊರಿಯಾದ ಕಿಮ್‌ ಮಿನ್‌ ಸು ಜೊತೆ ಸೆಣಸಿದರು. ಕಿಮ್‌ ವಿರುದ್ಧ 6-5 ಅಂತರದ ಗೆಲುವು ಸಾಧಿಸಿದರು.
ಸಿಂಗ್ ಎದುರು ಸೆಮಿಯಲ್ಲಿ ಜಯ ಸಾಧಿಸಿದ ಮಥರ್ ಫೈನಲ್‌ನಲ್ಲಿ ಚೀನಾದಝಾವೋ ಎಲ್ ಎದುರು6-4 ಅಂತರದಿಂದ ಗೆದ್ದು ಚಿನ್ನದ ಪದಕಕ್ಕೆ ಕೊರಳೊಡ್ಡಿದರು.
ವಿಶ್ವದ ನಂ.23 ಶ್ರೇಯಾಂಕದ ಸಿಂಗ್ ಪಂಜಾಬ್‌ನವರು. 2018ರ ಏಷಿಯನ್‌ ಗೇಮ್ಸ್‌ನಲ್ಲಿ ಚಿನ್ನದ ಪದಕ ಗೆದ್ದ ಸಾಧನೆ ಮಾಡಿದ್ದರು.
