ಲಂಡನ್‌ : ಅಬುಧಾಬಿಯಲ್ಲಿ ಈ ವರ್ಷದ ಡಿಸೆಂಬರ್‌ನಲ್ಲಿ ನಡೆಯಬೇಕಾಗಿದ್ದ ವಿಶ್ವ ಈಜು ಚಾಂಪಿಯನ್‌ಷಿಪ್‌ ಅನ್ನು ಕೋವಿಡ್‌–19 ಸಾಂಕ್ರಾಮಿಕ ಪಿಡುಗಿನ ಕಾರಣ ಮುಂದಿನ ವರ್ಷದ ಡಿಸೆಂಬರ್‌ಗೆ ಮುಂದೂಡಲಾಗಿದೆ ಎಂದು ವಿಶ್ವ ಈಜು ಸಂಸ್ಥೆ (ಫಿನಾ) ಗುರುವಾರ ತಿಳಿಸಿದೆ.
ಈ ಕೂಟ 2021ರ ಡಿಸೆಂಬರ್‌ 13 ರಿಂದ 18 ರವರೆಗೆ ಅಬುಧಾಬಿಯಲ್ಲೇ ನಡೆಯಲಿದೆ ಎಂದು ಫಿನಾ ಹೇಳಿಕೆಯಲ್ಲಿ ತಿಳಿಸಿದೆ.
ಫಿನಾ ಈ ಹಿಂದೆ 2021ರಮೇ 13 ರಿಂದ 29ರವರೆಗೆ ಜಪಾನ್‌ನ ಫುಕುವೊಕಾದಲ್ಲಿ ನಿಗದಿಯಾಗಿದ್ದ ವಿಶ್ವ ಈಜು ಕೂಟವನ್ನು ಮುಂದೂಡಿತ್ತು. ಟೋಕಿಯೊ ಒಲಿಂಪಿಕ್‌ ಕೂಟ ಹತ್ತಿರವಿದ್ದ ಕಾರಣ ಈ ನಿರ್ಧಾರಕ್ಕೆ ಬಂದಿತ್ತು.
