Tokyo Olympics: ಭಾರತ; ಮಿಶ್ರ ಶೂಟಿಂಗ್, ಬ್ಯಾಡ್ಮಿಂಟನ್, ಟಿ.ಟಿಯಲ್ಲಿ ನಿರಾಸೆ
ಅಕ್ಷರ ಗಾತ್ರ :ಆ |ಆ |ಆ
ಟೋಕಿಯೊ: ಮಿಶ್ರ ಏರ್‌ ರೈಫಲ್‌ ಶೂಟಿಂಗ್ ಹಾಗೂ ಬ್ಯಾಡ್ಮಿಂಟನ್‌ನ ಪುರುಷರ ಡಬಲ್ಸ್‌ನಲ್ಲಿ ಭಾರತಕ್ಕೆ ನಿರಾಸೆ ಉಂಟಾಗಿದೆ. ಪದಕದ ಭರವಸೆ ಮೂಡಿಸಿದ್ದ ಈ ಎರಡು ವಿಭಾಗಗಳಲ್ಲಿ ಭಾರತೀಯ ಕ್ರೀಡಾಪಟುಗಳು ಸೋಲು ಕಂಡಿದ್ದಾರೆ.
ಮಿಶ್ರ ಶೂಟಿಂಗ್ 10 ಮೀಟರ್‌ ಏರ್‌ ರೈಫಲ್‌ ವಿಭಾಗದ ಅರ್ಹತಾ ಸುತ್ತಿನಲ್ಲಿ ಇಳವೆನ್ನಿಲ ವಾಳರಿವನ್, ದಿವ್ಯಾಂಶು ಸಿಂಗ್‌ ಹಾಗೂ ದೀಪಕ್‌ ಕುಮಾರ್‌, ಅಂಜುಮ್‌ ಮೌದ್ಗಿಲ್‌ ಅವರು ಎರಡನೇ ಹಂತ ಪ್ರವೇಶಿಸಲು ವಿಫಲರಾದರು. ಪದಕದ ಭರವಸೆ ಮೂಡಿಸಿದ್ದ ಈ ಜೋಡಿಗಳು ಅರ್ಹತಾ ಸುತ್ತಿನಲ್ಲಿ ಎಡವಿದರು.
ಒಲಿಂಪಿಕ್ಸ್ ಬ್ಯಾಡ್ಮಿಂಟನ್‌ನ ಪುರುಷರ ಡಬಲ್ಸ್ ವಿಭಾಗದ ಮೂರನೇ ಪಂದ್ಯದಲ್ಲಿ ಚಿರಾಗ್–ಸಾತ್ವಿಕ್ ಇಂಗ್ಲೆಂಡ್‌ನ ಬೆನ್ ಲೇನ್ ಮತ್ತು ಸೀನ್ ವೆಂಡಿ ವಿರುದ್ಧ ಗೆಲುವು ದಾಖಲಿಸಿದರೂ ಮುಂದಿನ ಹಂತಕ್ಕೆ ಪ್ರವೇಶ ಪಡೆಯುವಲ್ಲಿ ವಿಫಲರಾದರು. ನಿನ್ನೆ ಈ ಜೋಡಿ ಇಂಡೋನೆಷ್ಯಾ ವಿರುದ್ಧ ಸೋಲು ಕಂಡಿತ್ತು.
ಭಾರತದ ಭರವಸೆಯಾಗಿರುವ ಅನುಭವಿ ಟೇಬಲ್ ಟೆನಿಸ್ (ಟಿ.ಟಿ)ಪಟು ಶರತ್ ಕಮಲ್, ಮೂರನೇ ಸುತ್ತಿನಲ್ಲಿ ನಿರಾಸೆ ಅನುಭವಿಸಿದರು.
ಶರತ್ ಅವರು ರಿಯೋ ಒಲಿಂಪಿಕ್ಸ್ ಚಾಂಪಿಯನ್ ಮಾ ಲಾಂಗ್ ಎದುರು 7-11 11-8 11-13 4-11 4-11 ನೇರ ಸೆಟ್‌ಗಳಿಂದ ಸೋತರು. ಆ ಮೂಲಕ ಅವರ ಸಿಂಗಲ್ಸ್‌ ಹೋರಾಟ ಕೊನೆಗೊಂಡಿತು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
