<p><strong>ನ್ಯೂಯಾರ್ಕ್</strong>: ಹಾಲಿ ಚಾಂಪಿಯನ್ ಡೇನಿಯಲ್ ಮೆಡ್ವೆಡೆವ್ ಅಮೆರಿಕ ಓಪನ್ ಟೆನಿಸ್ ಟೂರ್ನಿಯಲ್ಲಿ ಆಘಾತ ಅನುಭವಿಸಿದ್ದಾರೆ. ಅಮೆರಿಕದ ಯುವ ಆಟಗಾರ್ತಿ ಕೊಕೊ ಗಫ್ ಮೊದಲ ಬಾರಿ ಕ್ವಾರ್ಟರ್ಫೈನಲ್ ತಲುಪಿದ ಶ್ರೇಯ ಗಳಿಸಿದರು.</p>.<p>ಅರ್ಥರ್ ಆ್ಯಶ್ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ನಾಲ್ಕನೇ ಸುತ್ತಿನ ಹಣಾಹಣಿಯಲ್ಲಿ ಆಸ್ಟ್ರೇಲಿಯಾದ ನಿಕ್ ಕಿರ್ಗಿಯೊಸ್7-6 (13/11), 3-6, 6-3, 6-2ರಿಂದ ರಷ್ಯಾ ಆಟಗಾರ, ವಿಶ್ವ ರ್ಯಾಂಕಿಂಗ್ನಲ್ಲಿ ಮೊದಲ ಸ್ಥಾನದಲ್ಲಿರುವ ಮೆಡ್ವೆಡೆವ್ ಅವರಿಗೆ ಸೋಲುಣಿಸಿ ಎಂಟರಘಟ್ಟಕ್ಕೆ ಲಗ್ಗೆಯಿಟ್ಟರು.</p>.<p>ಜುಲೈನಲ್ಲಿ ನಡೆದ ವಿಂಬಲ್ಡನ್ ಟೂರ್ನಿಯ ಫೈನಲ್ನಲ್ಲಿ ನಡಾಲ್ ಎದುರು ಎಡವಿದ್ದ ಕಿರ್ಗಿಯೊಸ್ ಇಲ್ಲಿ ದಿಟ್ಟ ಆಟದ ಮೂಲಕ ಗಮನಸೆಳೆದರು. ಶಾಟ್ಗಳ ಆಯ್ಕೆಯಲ್ಲಿ ಜಾಣತನ ತೋರಿದ ಅವರು, ಮೊದಲ ಸೆಟ್ನಲ್ಲಿ ಮೂರು ಪಾಯಿಂಟ್ಸ್ ಉಳಿಸಿಕೊಂಡರು. ಟೈಬ್ರೇಕ್ವರೆಗೆ ಸಾಗಿದ ಈ ಸೆಟ್ನಲ್ಲಿ ಒತ್ತಡವನ್ನು ಮೀರಿನಿಂತು ಗೆಲುವು ಕಂಡರು.</p>.<p>ಎರಡನೇ ಸೆಟ್ನಲ್ಲಿ ಮೆಡ್ವೆಡೆವ್ ತಿರುಗೇಟು ನೀಡಿದರೂ ನಿಕ್ ಛಲ ಕಳೆದುಕೊಳ್ಳಲಿಲ್ಲ. ಮೂರು ಮತ್ತು ನಾಲ್ಕನೇ ಸೆಟ್ನಲ್ಲಿ ಜಯ ಸಾಧಿಸುವ ಮೂಲಕ ಎರಡು ತಾಸು 53 ನಿಮಿಷಗಳಲ್ಲಿ ಪಂದ್ಯ ಗೆದ್ದ ಸಂತಸದಲ್ಲಿ ಅಲೆಯಲ್ಲಿ ತೇಲಿದರು.</p>.<p>ಕ್ವಾರ್ಟರ್ಫೈನಲ್ ಪಂದ್ಯದಲ್ಲಿ ಕಿರ್ಗಿಯೊಸ್ ಅವರಿಗೆ ರಷ್ಯಾದ ಇನ್ನೋರ್ವ ಆಟಗಾರ ಕರೆನ್ ಕಚನೊವ್ ಸವಾಲು ಎದುರಾಗಿದೆ. ಪ್ರೀಕ್ವಾರ್ಟರ್ನ ಮತ್ತೊಂದು ಸೆಣಸಾಟದಲ್ಲಿ ಕರೆನ್4-6, 6-3, 6-1, 4-6, 6-3ರಿಂದ ಸ್ಪೇನ್ನ ಪ್ಯಾಬ್ಲೊ ಕರೆನೊ ಬುಸ್ಟಾ ಸವಾಲು ಮೀರಿದರು. ಮೂರು ತಾಸು 21 ನಿಮಿಷಗಳ ಕಾಲ ನಡೆದ ಪಂದ್ಯದಲ್ಲಿ ಉಭಯ ಆಟಗಾರರ ಮಧ್ಯೆ ತುರುಸಿನ ಪೈಪೋಟಿ ನಡೆಯಿತು.</p>.<p>ಪ್ರೀಕ್ವಾರ್ಟರ್ಫೈನಲ್ನ ಇನ್ನುಳಿದ ಪಂದ್ಯಗಳಲ್ಲಿ ಇಟಲಿಯ ಮ್ಯಾಟಿಯೊ ಬೆರೆಟಿನಿ3-6, 7-6 (7/2), 6-3, 4-6, 6-2ರಿಂದ ಸ್ಪೇನ್ನ ಅಲೆಜಾಂಡ್ರೊ ಫೊಕಿನಾ ಎದುರು, ನಾರ್ವೆಯ ಕಾಸ್ಪರ್ ರೂಡ್6-1, 6-2, 6-7 (4/7), 6-2ರಿಂದ ಕೊರೆಂಟಿನ್ ಮೌಟೆಟ್ ಅವರನ್ನು ಪರಾಭವಗೊಳಿಸಿದರು.</p>.<p><strong>ಗಫ್ ಗೆಲುವಿನ ಓಟ:</strong> ಉದಯೋನ್ಮುಖ ಆಟಗಾರ್ತಿ ಕೊಕೊ ಗಫ್, ಮಹಿಳೆಯರ ಸಿಂಗಲ್ಸ್ ವಿಭಾಗದ ಪ್ರೀಕ್ವಾರ್ಟರ್ಫೈನಲ್ನಲ್ಲಿ7-5, 7-5ರಿಂದ ಚೀನಾದ ಜಾಂಗ್ ಶುವಾಯಿ ಅವರನ್ನು ಮಣಿಸಿದರು. 18 ವರ್ಷದ ಗಫ್, ಮುಂದಿನ ಪಂದ್ಯದಲ್ಲಿ ಫ್ರಾನ್ಸ್ನ ಕರೋಲಿನಾ ಗಾರ್ಸಿಯಾ ಅವರಿಗೆ ಮುಖಾಮಖಿಯಾಗುವರು.</p>.<p>16ರ ಘಟ್ಟದ ಇನ್ನುಳಿದ ಪಂದ್ಯಗಳಲ್ಲಿ ಗಾರ್ಸಿಯಾ6-4, 6-1ರಿಂದ ಅಮೆರಿಕದ ಅಲಿಸನ್ ರಿಸ್ಕೆ ಅಮೃತರಾಜ್ ಎದುರು, ಟ್ಯೂನಿಷಿಯಾದ ಆನ್ಸ್ ಜಬೆವುರ್7-6 (7/1), 6-4ರಿಂದ ವೆರೊನಿಕಾ ಕುದರ್ಮೆಟೊವಾ ವಿರುದ್ಧ, ಆಸ್ಟ್ರೇಲಿಯಾದ ಅಜ್ಲಾ ಟೊಮ್ಲಾನೊವಿಚ್7-6 (10/8), 6-1ರಿಂದ ಲ್ಯೂಡ್ಮಿಲಾ ಸಮ್ಸೊನೊವಾ ಎದುರು ಜಯ ಸಾಧಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನ್ಯೂಯಾರ್ಕ್</strong>: ಹಾಲಿ ಚಾಂಪಿಯನ್ ಡೇನಿಯಲ್ ಮೆಡ್ವೆಡೆವ್ ಅಮೆರಿಕ ಓಪನ್ ಟೆನಿಸ್ ಟೂರ್ನಿಯಲ್ಲಿ ಆಘಾತ ಅನುಭವಿಸಿದ್ದಾರೆ. ಅಮೆರಿಕದ ಯುವ ಆಟಗಾರ್ತಿ ಕೊಕೊ ಗಫ್ ಮೊದಲ ಬಾರಿ ಕ್ವಾರ್ಟರ್ಫೈನಲ್ ತಲುಪಿದ ಶ್ರೇಯ ಗಳಿಸಿದರು.</p>.<p>ಅರ್ಥರ್ ಆ್ಯಶ್ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ನಾಲ್ಕನೇ ಸುತ್ತಿನ ಹಣಾಹಣಿಯಲ್ಲಿ ಆಸ್ಟ್ರೇಲಿಯಾದ ನಿಕ್ ಕಿರ್ಗಿಯೊಸ್7-6 (13/11), 3-6, 6-3, 6-2ರಿಂದ ರಷ್ಯಾ ಆಟಗಾರ, ವಿಶ್ವ ರ್ಯಾಂಕಿಂಗ್ನಲ್ಲಿ ಮೊದಲ ಸ್ಥಾನದಲ್ಲಿರುವ ಮೆಡ್ವೆಡೆವ್ ಅವರಿಗೆ ಸೋಲುಣಿಸಿ ಎಂಟರಘಟ್ಟಕ್ಕೆ ಲಗ್ಗೆಯಿಟ್ಟರು.</p>.<p>ಜುಲೈನಲ್ಲಿ ನಡೆದ ವಿಂಬಲ್ಡನ್ ಟೂರ್ನಿಯ ಫೈನಲ್ನಲ್ಲಿ ನಡಾಲ್ ಎದುರು ಎಡವಿದ್ದ ಕಿರ್ಗಿಯೊಸ್ ಇಲ್ಲಿ ದಿಟ್ಟ ಆಟದ ಮೂಲಕ ಗಮನಸೆಳೆದರು. ಶಾಟ್ಗಳ ಆಯ್ಕೆಯಲ್ಲಿ ಜಾಣತನ ತೋರಿದ ಅವರು, ಮೊದಲ ಸೆಟ್ನಲ್ಲಿ ಮೂರು ಪಾಯಿಂಟ್ಸ್ ಉಳಿಸಿಕೊಂಡರು. ಟೈಬ್ರೇಕ್ವರೆಗೆ ಸಾಗಿದ ಈ ಸೆಟ್ನಲ್ಲಿ ಒತ್ತಡವನ್ನು ಮೀರಿನಿಂತು ಗೆಲುವು ಕಂಡರು.</p>.<p>ಎರಡನೇ ಸೆಟ್ನಲ್ಲಿ ಮೆಡ್ವೆಡೆವ್ ತಿರುಗೇಟು ನೀಡಿದರೂ ನಿಕ್ ಛಲ ಕಳೆದುಕೊಳ್ಳಲಿಲ್ಲ. ಮೂರು ಮತ್ತು ನಾಲ್ಕನೇ ಸೆಟ್ನಲ್ಲಿ ಜಯ ಸಾಧಿಸುವ ಮೂಲಕ ಎರಡು ತಾಸು 53 ನಿಮಿಷಗಳಲ್ಲಿ ಪಂದ್ಯ ಗೆದ್ದ ಸಂತಸದಲ್ಲಿ ಅಲೆಯಲ್ಲಿ ತೇಲಿದರು.</p>.<p>ಕ್ವಾರ್ಟರ್ಫೈನಲ್ ಪಂದ್ಯದಲ್ಲಿ ಕಿರ್ಗಿಯೊಸ್ ಅವರಿಗೆ ರಷ್ಯಾದ ಇನ್ನೋರ್ವ ಆಟಗಾರ ಕರೆನ್ ಕಚನೊವ್ ಸವಾಲು ಎದುರಾಗಿದೆ. ಪ್ರೀಕ್ವಾರ್ಟರ್ನ ಮತ್ತೊಂದು ಸೆಣಸಾಟದಲ್ಲಿ ಕರೆನ್4-6, 6-3, 6-1, 4-6, 6-3ರಿಂದ ಸ್ಪೇನ್ನ ಪ್ಯಾಬ್ಲೊ ಕರೆನೊ ಬುಸ್ಟಾ ಸವಾಲು ಮೀರಿದರು. ಮೂರು ತಾಸು 21 ನಿಮಿಷಗಳ ಕಾಲ ನಡೆದ ಪಂದ್ಯದಲ್ಲಿ ಉಭಯ ಆಟಗಾರರ ಮಧ್ಯೆ ತುರುಸಿನ ಪೈಪೋಟಿ ನಡೆಯಿತು.</p>.<p>ಪ್ರೀಕ್ವಾರ್ಟರ್ಫೈನಲ್ನ ಇನ್ನುಳಿದ ಪಂದ್ಯಗಳಲ್ಲಿ ಇಟಲಿಯ ಮ್ಯಾಟಿಯೊ ಬೆರೆಟಿನಿ3-6, 7-6 (7/2), 6-3, 4-6, 6-2ರಿಂದ ಸ್ಪೇನ್ನ ಅಲೆಜಾಂಡ್ರೊ ಫೊಕಿನಾ ಎದುರು, ನಾರ್ವೆಯ ಕಾಸ್ಪರ್ ರೂಡ್6-1, 6-2, 6-7 (4/7), 6-2ರಿಂದ ಕೊರೆಂಟಿನ್ ಮೌಟೆಟ್ ಅವರನ್ನು ಪರಾಭವಗೊಳಿಸಿದರು.</p>.<p><strong>ಗಫ್ ಗೆಲುವಿನ ಓಟ:</strong> ಉದಯೋನ್ಮುಖ ಆಟಗಾರ್ತಿ ಕೊಕೊ ಗಫ್, ಮಹಿಳೆಯರ ಸಿಂಗಲ್ಸ್ ವಿಭಾಗದ ಪ್ರೀಕ್ವಾರ್ಟರ್ಫೈನಲ್ನಲ್ಲಿ7-5, 7-5ರಿಂದ ಚೀನಾದ ಜಾಂಗ್ ಶುವಾಯಿ ಅವರನ್ನು ಮಣಿಸಿದರು. 18 ವರ್ಷದ ಗಫ್, ಮುಂದಿನ ಪಂದ್ಯದಲ್ಲಿ ಫ್ರಾನ್ಸ್ನ ಕರೋಲಿನಾ ಗಾರ್ಸಿಯಾ ಅವರಿಗೆ ಮುಖಾಮಖಿಯಾಗುವರು.</p>.<p>16ರ ಘಟ್ಟದ ಇನ್ನುಳಿದ ಪಂದ್ಯಗಳಲ್ಲಿ ಗಾರ್ಸಿಯಾ6-4, 6-1ರಿಂದ ಅಮೆರಿಕದ ಅಲಿಸನ್ ರಿಸ್ಕೆ ಅಮೃತರಾಜ್ ಎದುರು, ಟ್ಯೂನಿಷಿಯಾದ ಆನ್ಸ್ ಜಬೆವುರ್7-6 (7/1), 6-4ರಿಂದ ವೆರೊನಿಕಾ ಕುದರ್ಮೆಟೊವಾ ವಿರುದ್ಧ, ಆಸ್ಟ್ರೇಲಿಯಾದ ಅಜ್ಲಾ ಟೊಮ್ಲಾನೊವಿಚ್7-6 (10/8), 6-1ರಿಂದ ಲ್ಯೂಡ್ಮಿಲಾ ಸಮ್ಸೊನೊವಾ ಎದುರು ಜಯ ಸಾಧಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
