<p>ಮೆಲ್ಬರ್ನ್: ಅಮೋಘ ಆಟವಾಡಿದ ಟೋಕಿಯೊ ಒಲಿಂಪಿಕ್ಸ್ ಚಿನ್ನದ ಪದಕ ವಿಜೇತ ಆಟಗಾರ ಜರ್ಮನಿಯ ಅಲೆಕ್ಸಾಂಡರ್ ಜ್ವೆರೆವ್ ಆಸ್ಟ್ರೇಲಿಯಾ ಓಪನ್ ಟೆನಿಸ್ ಟೂರ್ನಿಯ 16ರ ಘಟ್ಟಕ್ಕೆ ಪ್ರವೇಶಿಸಿದರು. ಇಟಲಿಯ ಮಟಿಯೊ ಬೆರೆಟಿನಿ ಪ್ರಯಾಸದ ಜಯ ಸಾಧಿಸಿ ಮುನ್ನಡೆದರು.</p>.<p>ವಿಶ್ವ ರ್ಯಾಂಕಿಂಗ್ನಲ್ಲಿ ಮೂರನೇ ಸ್ಥಾನದಲ್ಲಿರುವ ಜ್ವೆರೆವ್, ಜಾನ್ ಕೇನ್ ಅರೆನಾದಲ್ಲಿ ನಡೆದ ಪುರುಷರ ಸಿಂಗಲ್ಸ್ ಮೂರನೇ ಸುತ್ತಿನ ಹಣಾಹಣಿಯಲ್ಲಿ6-3, 6-4, 6-4ರಿಂದ ಮೊಲ್ದೊವಾದ ರಾಡು ಅಲ್ಬೊಟ್ ಅವರನ್ನು ಪರಾಭವಗೊಳಿಸಿದರು. ಬಿರುಬಿಸಿಲಿನ ನಡುವೆ ಈ ಪಂದ್ಯವು ಒಂದು ತಾಸು 57 ನಿಮಿಷಗಳ ಕಾಲ ನಡೆಯಿತು.</p>.<p>ವಿಶ್ವ ಕ್ರಮಾಂಕದಲ್ಲಿ 124ನೇ ಸ್ಥಾನದಲ್ಲಿರುವ ಅಲ್ಬೊಟ್ ಅವರ ಸರ್ವ್ಅನ್ನು ಜ್ವೆರೆವ್ ಮೂರು ಬಾರಿ ಮುರಿದರು. ತಮ್ಮದೇ ಸರ್ವ್ನಲ್ಲಿ ಮೂರು ಬ್ರೇಕ್ ಪಾಯಿಂಟ್ಸ್ ಉಳಿಸಿಕೊಂಡರು. ಮೊಲ್ದೊವಾ ಆಟಗಾರ 30 ಸ್ವಯಂ ತಪ್ಪುಗಳನ್ನು ಎಸಗಿದರು.</p>.<p>ಜ್ವೆರೆವ್ ಅವರಿಗೆ ಮುಂದಿನ ಪಂದ್ಯದಲ್ಲಿ 14ನೇ ಶ್ರೇಯಾಂಕದ ಆಟಗಾರ, ಕೆನಡಾದ ಡೆನಿಸ್ ಶಪೊವಲೊವ್ ಎದುರಾಗುವರು. ಇಲ್ಲಿ ಗೆದ್ದರೆ ಜರ್ಮನಿ ಆಟಗಾರನಿಗೆ ಕ್ವಾರ್ಟರ್ಫೈನಲ್ನಲ್ಲಿ 20 ಬಾರಿಯ ಗ್ರ್ಯಾನ್ಸ್ಲಾಮ್ ವಿಜೇತ ರಫೆಲ್ ನಡಾಲ್ ಸವಾಲು ಎದುರಾಗುವ ಸಾಧ್ಯತೆಯಿದೆ.</p>.<p>ಮೂರನೇ ಸುತ್ತಿನ ಇನ್ನೊಂದು ಹಣಾಹಣಿಯಲ್ಲಿ ಏಳನೇ ಶ್ರೇಯಾಂಕದ ಇಟಲಿಯ ಮಟಿಯೊ ಬೆರೆಟಿನಿ6-2, 7-6 (7/3), 4-6, 2-6, 7-6 (10/5)ರಿಂದ ಸ್ಪೇನ್ನ ಕಾರ್ಲೊಸ್ ಅಲ್ಕರಾಜ್ ಸವಾಲು ಮೀರಿದರು. ಸ್ಪೇನ್ನ 18 ವರ್ಷದ ಆಟಗಾರನನ್ನು ಮಣಿಸಲು ಬೆರೆಟಿನಿ ಭಾರಿ ಬೆವರು ಸುರಿಸಬೇಕಾಯಿತು.</p>.<p>ಪುರುಷರ ಸಿಂಗಲ್ಸ್ ವಿಭಾಗದ ಮೂರನೇ ಸುತ್ತಿನ ಇನ್ನುಳಿದ ಪಂದ್ಯಗಳಲ್ಲಿ, ಫ್ರಾನ್ಸ್ನ ಗೇಲ್ ಮೊಂಫಿಲ್ಸ್7-6 (7/4), 6-1, 6-3ರಿಂದ ಚಿಲಿಯ ಕ್ರಿಸ್ಟಿಯನ್ ಗರಿನ್ ಎದುರು, ಸರ್ಬಿಯಾದ ಮಿಯೊಮಿರ್ ಕೆಸ್ಮೊನೊವಿಚ್6-4, 6-7 (8/10), 6-2, 7-5ರಿಂದ ಇಟಲಿಯ ಲೊರೆಂಜೊ ಸೊನೆಗೊ ಎದುರು, ಸ್ಪೇನ್ನ ಪ್ಯಾಬ್ಲೊ ಕರೆನೊ ಬುಸ್ಟಾ6-4, 7-5, 6-7 (6/8), 6-3ರಿಂದ ಅಮೆರಿಕದ ಸೆಬಾಸ್ಟಿಯನ್ ಕೊರ್ಡಾ ವಿರುದ್ಧ, ಕೆನಡಾದ ಡೆನಿಸ್ ಶಪವಲೊವ್7-6 (7/4), 4-6, 6-3, 6-4ರಿಂದ ಅಮೆರಿಕದ ರೇಲಿ ಒಪೆಲ್ಕಾ ವಿರುದ್ಧ ಗೆಲುವು ಸಾಧಿಸಿದರು.</p>.<p>ಸ್ವಿಟೊಲಿನಾಗೆ ಆಘಾತ ನೀಡಿದ ಅಜರೆಂಕಾ: ಎರಡು ಬಾರಿಯ ಚಾಂಪಿಯನ್, ಬೆಲಾರಸ್ನ ವಿಕ್ಟೊರಿಯಾ ಅಜರೆಂಕಾ6-0, 6-2ರಿಂದ ಉಕ್ರೇನ್ನ ಎಲಿನಾ ಸ್ವಿಟೊಲಿನಾ ಅವರನ್ನು ಮಣಿಸಿ ಪ್ರೀಕ್ವಾರ್ಟರ್ ತಲುಪಿದರು. ಮುಂದಿನ ಸುತ್ತಿನಲ್ಲಿ ಅವರಿಗೆ ಫ್ರೆಂಚ್ ಓಪನ್ ಚಾಂಪಿಯನ್ ಬಾರ್ಬೊರಾ ಕ್ರೇಸಿಕೊವಾ ಸವಾಲು ಎದುರಾಗಿದೆ.</p>.<p>ಮಹಿಳಾ ಸಿಂಗಲ್ಸ್ನ ಮೂರನೇ ಸುತ್ತಿನ ಇನ್ನುಳಿದ ಪಂದ್ಯಗಳಲ್ಲಿ ಜೆಕ್ ಗಣರಾಜ್ಯದ ಬಾರ್ಬೊರಾ ಕ್ರೇಸಿಕೊವಾ2-6, 6-4, 6-4ರಿಂದ ಲಾತ್ವಿಯಾದ ಎಲೆನಾ ಒಸ್ತಾಪೆಂಕೊ ಎದುರು, ಗ್ರೀಸ್ನ ಮರಿಯಾ ಸಕರಿ6-4, 6-1ರಿಂದ ರಷ್ಯಾದ ವೆರೋನಿಕಾ ಕುದರ್ಮೆಟೊವಾ ಎದುರು, ಅಮೆರಿಕದ ಮ್ಯಾಡಿಸನ್ ಕೀಸ್ 4-6, 6-3, 7-6ರಿಂದ ಚೀನಾದ ಕಿಯಾಂಗ್ ವಾಂಗ್ ಎದುರು ಜಯಿಸಿ 16ರ ಘಟ್ಟ ಪ್ರವೇಶಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮೆಲ್ಬರ್ನ್: ಅಮೋಘ ಆಟವಾಡಿದ ಟೋಕಿಯೊ ಒಲಿಂಪಿಕ್ಸ್ ಚಿನ್ನದ ಪದಕ ವಿಜೇತ ಆಟಗಾರ ಜರ್ಮನಿಯ ಅಲೆಕ್ಸಾಂಡರ್ ಜ್ವೆರೆವ್ ಆಸ್ಟ್ರೇಲಿಯಾ ಓಪನ್ ಟೆನಿಸ್ ಟೂರ್ನಿಯ 16ರ ಘಟ್ಟಕ್ಕೆ ಪ್ರವೇಶಿಸಿದರು. ಇಟಲಿಯ ಮಟಿಯೊ ಬೆರೆಟಿನಿ ಪ್ರಯಾಸದ ಜಯ ಸಾಧಿಸಿ ಮುನ್ನಡೆದರು.</p>.<p>ವಿಶ್ವ ರ್ಯಾಂಕಿಂಗ್ನಲ್ಲಿ ಮೂರನೇ ಸ್ಥಾನದಲ್ಲಿರುವ ಜ್ವೆರೆವ್, ಜಾನ್ ಕೇನ್ ಅರೆನಾದಲ್ಲಿ ನಡೆದ ಪುರುಷರ ಸಿಂಗಲ್ಸ್ ಮೂರನೇ ಸುತ್ತಿನ ಹಣಾಹಣಿಯಲ್ಲಿ6-3, 6-4, 6-4ರಿಂದ ಮೊಲ್ದೊವಾದ ರಾಡು ಅಲ್ಬೊಟ್ ಅವರನ್ನು ಪರಾಭವಗೊಳಿಸಿದರು. ಬಿರುಬಿಸಿಲಿನ ನಡುವೆ ಈ ಪಂದ್ಯವು ಒಂದು ತಾಸು 57 ನಿಮಿಷಗಳ ಕಾಲ ನಡೆಯಿತು.</p>.<p>ವಿಶ್ವ ಕ್ರಮಾಂಕದಲ್ಲಿ 124ನೇ ಸ್ಥಾನದಲ್ಲಿರುವ ಅಲ್ಬೊಟ್ ಅವರ ಸರ್ವ್ಅನ್ನು ಜ್ವೆರೆವ್ ಮೂರು ಬಾರಿ ಮುರಿದರು. ತಮ್ಮದೇ ಸರ್ವ್ನಲ್ಲಿ ಮೂರು ಬ್ರೇಕ್ ಪಾಯಿಂಟ್ಸ್ ಉಳಿಸಿಕೊಂಡರು. ಮೊಲ್ದೊವಾ ಆಟಗಾರ 30 ಸ್ವಯಂ ತಪ್ಪುಗಳನ್ನು ಎಸಗಿದರು.</p>.<p>ಜ್ವೆರೆವ್ ಅವರಿಗೆ ಮುಂದಿನ ಪಂದ್ಯದಲ್ಲಿ 14ನೇ ಶ್ರೇಯಾಂಕದ ಆಟಗಾರ, ಕೆನಡಾದ ಡೆನಿಸ್ ಶಪೊವಲೊವ್ ಎದುರಾಗುವರು. ಇಲ್ಲಿ ಗೆದ್ದರೆ ಜರ್ಮನಿ ಆಟಗಾರನಿಗೆ ಕ್ವಾರ್ಟರ್ಫೈನಲ್ನಲ್ಲಿ 20 ಬಾರಿಯ ಗ್ರ್ಯಾನ್ಸ್ಲಾಮ್ ವಿಜೇತ ರಫೆಲ್ ನಡಾಲ್ ಸವಾಲು ಎದುರಾಗುವ ಸಾಧ್ಯತೆಯಿದೆ.</p>.<p>ಮೂರನೇ ಸುತ್ತಿನ ಇನ್ನೊಂದು ಹಣಾಹಣಿಯಲ್ಲಿ ಏಳನೇ ಶ್ರೇಯಾಂಕದ ಇಟಲಿಯ ಮಟಿಯೊ ಬೆರೆಟಿನಿ6-2, 7-6 (7/3), 4-6, 2-6, 7-6 (10/5)ರಿಂದ ಸ್ಪೇನ್ನ ಕಾರ್ಲೊಸ್ ಅಲ್ಕರಾಜ್ ಸವಾಲು ಮೀರಿದರು. ಸ್ಪೇನ್ನ 18 ವರ್ಷದ ಆಟಗಾರನನ್ನು ಮಣಿಸಲು ಬೆರೆಟಿನಿ ಭಾರಿ ಬೆವರು ಸುರಿಸಬೇಕಾಯಿತು.</p>.<p>ಪುರುಷರ ಸಿಂಗಲ್ಸ್ ವಿಭಾಗದ ಮೂರನೇ ಸುತ್ತಿನ ಇನ್ನುಳಿದ ಪಂದ್ಯಗಳಲ್ಲಿ, ಫ್ರಾನ್ಸ್ನ ಗೇಲ್ ಮೊಂಫಿಲ್ಸ್7-6 (7/4), 6-1, 6-3ರಿಂದ ಚಿಲಿಯ ಕ್ರಿಸ್ಟಿಯನ್ ಗರಿನ್ ಎದುರು, ಸರ್ಬಿಯಾದ ಮಿಯೊಮಿರ್ ಕೆಸ್ಮೊನೊವಿಚ್6-4, 6-7 (8/10), 6-2, 7-5ರಿಂದ ಇಟಲಿಯ ಲೊರೆಂಜೊ ಸೊನೆಗೊ ಎದುರು, ಸ್ಪೇನ್ನ ಪ್ಯಾಬ್ಲೊ ಕರೆನೊ ಬುಸ್ಟಾ6-4, 7-5, 6-7 (6/8), 6-3ರಿಂದ ಅಮೆರಿಕದ ಸೆಬಾಸ್ಟಿಯನ್ ಕೊರ್ಡಾ ವಿರುದ್ಧ, ಕೆನಡಾದ ಡೆನಿಸ್ ಶಪವಲೊವ್7-6 (7/4), 4-6, 6-3, 6-4ರಿಂದ ಅಮೆರಿಕದ ರೇಲಿ ಒಪೆಲ್ಕಾ ವಿರುದ್ಧ ಗೆಲುವು ಸಾಧಿಸಿದರು.</p>.<p>ಸ್ವಿಟೊಲಿನಾಗೆ ಆಘಾತ ನೀಡಿದ ಅಜರೆಂಕಾ: ಎರಡು ಬಾರಿಯ ಚಾಂಪಿಯನ್, ಬೆಲಾರಸ್ನ ವಿಕ್ಟೊರಿಯಾ ಅಜರೆಂಕಾ6-0, 6-2ರಿಂದ ಉಕ್ರೇನ್ನ ಎಲಿನಾ ಸ್ವಿಟೊಲಿನಾ ಅವರನ್ನು ಮಣಿಸಿ ಪ್ರೀಕ್ವಾರ್ಟರ್ ತಲುಪಿದರು. ಮುಂದಿನ ಸುತ್ತಿನಲ್ಲಿ ಅವರಿಗೆ ಫ್ರೆಂಚ್ ಓಪನ್ ಚಾಂಪಿಯನ್ ಬಾರ್ಬೊರಾ ಕ್ರೇಸಿಕೊವಾ ಸವಾಲು ಎದುರಾಗಿದೆ.</p>.<p>ಮಹಿಳಾ ಸಿಂಗಲ್ಸ್ನ ಮೂರನೇ ಸುತ್ತಿನ ಇನ್ನುಳಿದ ಪಂದ್ಯಗಳಲ್ಲಿ ಜೆಕ್ ಗಣರಾಜ್ಯದ ಬಾರ್ಬೊರಾ ಕ್ರೇಸಿಕೊವಾ2-6, 6-4, 6-4ರಿಂದ ಲಾತ್ವಿಯಾದ ಎಲೆನಾ ಒಸ್ತಾಪೆಂಕೊ ಎದುರು, ಗ್ರೀಸ್ನ ಮರಿಯಾ ಸಕರಿ6-4, 6-1ರಿಂದ ರಷ್ಯಾದ ವೆರೋನಿಕಾ ಕುದರ್ಮೆಟೊವಾ ಎದುರು, ಅಮೆರಿಕದ ಮ್ಯಾಡಿಸನ್ ಕೀಸ್ 4-6, 6-3, 7-6ರಿಂದ ಚೀನಾದ ಕಿಯಾಂಗ್ ವಾಂಗ್ ಎದುರು ಜಯಿಸಿ 16ರ ಘಟ್ಟ ಪ್ರವೇಶಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
