ಒಟ್ಟು 17 ಗ್ರ್ಯಾನ್ ಸ್ಲ್ಯಾಮ್ ಟೂರ್ನಿಗಳಲ್ಲಿ ಪ್ರಶಸ್ತಿ ಗೆದ್ದಿರುವಸರ್ಬಿಯಾದ ಜೊಕೊವಿಚ್ ಅವರ ಈ ನಿರ್ಧಾರವು ಆಯೋಜಕರಲ್ಲಿ ಹುರುಪು ತುಂಬಿದೆ. ಯಾಕೆಂದರೆ ಪ್ರಮುಖ ಟೆನಿಸ್ ಪಟುಗಳಾದ ರಫೇಲ್ ನಡಾಲ್, ಸ್ಟ್ಯಾನ್ ವಾವ್ರಿಂಕಾ ಮತ್ತಿತರರು ಕೋವಿಡ್–19 ಭೀತಿಯಿಂದಾಗಿ ಟೂರ್ನಿಯಿಂದ ಈಗಾಗಲೇ ಹಿಂದೆ ಸರಿದಿದ್ದಾರೆ. ಅಮೆರಿಕ ಓಪನ್ನಲ್ಲಿ ಪಾಲ್ಗೊಳ್ಳುವುದು ಅಸಾಧ್ಯ ಎಂದು ಜೂನ್ನಲ್ಲಿ ಹೇಳಿದ್ದ ಜೊಕೊವಿಚ್ ಈಗ ನಿರ್ಧಾರ ಬದಲಿಸಿರುವುದು ಟೆನಿಸ್ ಲೋಕದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.