<p><strong>ಬೆಂಗಳೂರು</strong>: ಆಸ್ಟ್ರೇಲಿಯಾ ಓಪನ್ ಟೆನಿಸ್ ಟೂರ್ನಿಯು ತಮಗೆ ಅತ್ಯಂತ ಅಚ್ಚುಮೆಚ್ಚಿನದ್ದು. ಗಾಯದಿಂದ ಸುದೀರ್ಘ ವಿಶ್ರಾಂತಿಯ ನಂತರ ಮಹತ್ವದ ಟೂರ್ನಿಗೆ ಮರಳಿದ್ದು ಉತ್ತಮ ಸಾಧನೆ ಮಾಡುವ ವಿಶ್ವಾಸವಿದೆ ಎಂದು ಟೆನಿಸ್ ಆಟಗಾರ ಯೂಕಿ ಬಾಂಭ್ರಿ ಹೇಳಿದರು.</p>.<p>ಇದೇ ವಾರ ಆರಂಭವಾಗಲಿರುವ ಆಸ್ಟ್ರೇಲಿಯನ್ ಓಪನ್ ಟೆನಿಸ್ನಲ್ಲಿ ಆಡಲಿರುವ 29 ವರ್ಷದ ಯೂಕಿ ಭಾನುವಾರ ಸುದ್ದಿಗಾರರೊಂದಿಗೆ ಮಾತನಾಡಿದರು.</p>.<p>‘ಇದು ನನ್ನ ಅಚ್ಚುಮೆಚ್ಚಿನ ತಾಣ. ಇಲ್ಲಿ ಬಹಳಷ್ಟು ಸಿಹಿಯಾದ ನೆನಪುಗಳಿವೆ. ಅವುಗಳಿಂದ ನನ್ನ ಆತ್ಮವಿಶ್ವಾಸ ಹೆಚ್ಚಲಿದೆ. ಇದರಿಂದಾಗಿ ಚೆನ್ನಾಗಿ ಆಡಲಿದ್ದೇನೆ‘ ಎಂದು ಯೂಕಿ ಹೇಳಿದರು.</p>.<p>ಯೂಕಿ 2009ರಲ್ಲಿ ಮೆಲ್ಬರ್ನ್ನಲ್ಲಿ ಜೂನಿಯರ್ ಪ್ರಶಸ್ತಿ ಗೆದ್ದಿದ್ದರು. ಆ ವಿಭಾಗದಲ್ಲಿ ವಿಶ್ವದ ಅಗ್ರಶ್ರೇಯಾಂಕದ ಆಟಗಾರನಾಗಿ ಬಡ್ತಿ ಪಡೆದಿದ್ದರು. 2018ರಲ್ಲಿ ಯೂಕಿ 83ನೇ ರ್ಯಾಂಕ್ ಪಡೆದಿದ್ದರು. ಆದರೆ ಮೊಣಕಾಲು ಗಾಯದಿಂದಾಗಿ ಅವರು ಬಹಳಷ್ಟು ಕಾಲ ಅಂಕಣದಿಂದ ದೂರವುಳಿದರು.</p>.<p>ಅವರು ಈ ಬಾರಿ ಆಸ್ಟ್ರೇಲಿಯಾ ಓಪ್ನಲ್ಲಿ ನ್ಯೂಜಿಲೆಂಡ್ನ ಮೈಕೆಲ್ ವೀನಸ್ ಅವರೊಂದಿಗೆ ಡಬಲ್ಸ್ನಲ್ಲಿ ಕಣಕ್ಕಿಳಿಯುವರು.</p>.<p>‘ಈ ಟೂರ್ನಿಯ ನಂತರ ಪುಣೆಯಲ್ಲಿ ನಡೆಯಲಿರುವ ಮಹಾರಾಷ್ಟ್ರ ಓಪನ್ ಮತ್ತು ಬೆಂಗಳೂರಿನಲ್ಲಿ ನಡೆಯಲಿರುವ ಓಪನ್ ಟೂರ್ನಿ ಹಾಗೂ ಡೇವಿಸ್ ಕಪ್ ಟೂರ್ನಿಯಲ್ಲಿ ಆಡಲು ಸಿದ್ಧತೆ ಮಾಡುತ್ತಿದ್ದೇನೆ. ಹುಲ್ಲಿನಂಕಣದಲ್ಲಿ ಆಡುವುದು ಉತ್ತಮ ಅನುಭವವಾಗಲಿದೆ’ ಎಂದರು.</p>.<p>ಇದೇ ಮಾರ್ಚ್ನಲ್ಲಿ ದೆಹಲಿಯ ಜಿಮ್ಖಾನಾ ಕ್ಲಬ್ನ ಹುಲ್ಲಿನಂಕಣದಲ್ಲಿ ಬೆಲ್ಜಿಯಂ ವಿರುದ್ಧ ಡೇವಿಸ್ ಕಪ್ ಟೂರ್ನಿ ನಡೆಯಲಿದೆ.</p>.<p>‘ಅಡಿಲೇಡ್ ಇಂಟರ್ನ್ಯಾಷನಲ್ ನಲ್ಲಿ ಪ್ರಶಸ್ತಿ ಜಯಿಸಿರುವ ರೋಹನ್ ಬೋಪಣ್ಣ ಮತ್ತು ರಾಮಕುಮಾರ್ ರಾಮನಾಥನ್ ಅವರ ಸಾಧನೆ ಅಮೋಘವಾದದ್ದು. ಭಾರತದ ಟೆನಿಸ್ ಬೆಳವಣಿಗೆಗೆ ಇದು ಸ್ಪೂರ್ತಿ ತುಂಬಲಿದೆ’ ಎಂದು ಯೂಕಿ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಆಸ್ಟ್ರೇಲಿಯಾ ಓಪನ್ ಟೆನಿಸ್ ಟೂರ್ನಿಯು ತಮಗೆ ಅತ್ಯಂತ ಅಚ್ಚುಮೆಚ್ಚಿನದ್ದು. ಗಾಯದಿಂದ ಸುದೀರ್ಘ ವಿಶ್ರಾಂತಿಯ ನಂತರ ಮಹತ್ವದ ಟೂರ್ನಿಗೆ ಮರಳಿದ್ದು ಉತ್ತಮ ಸಾಧನೆ ಮಾಡುವ ವಿಶ್ವಾಸವಿದೆ ಎಂದು ಟೆನಿಸ್ ಆಟಗಾರ ಯೂಕಿ ಬಾಂಭ್ರಿ ಹೇಳಿದರು.</p>.<p>ಇದೇ ವಾರ ಆರಂಭವಾಗಲಿರುವ ಆಸ್ಟ್ರೇಲಿಯನ್ ಓಪನ್ ಟೆನಿಸ್ನಲ್ಲಿ ಆಡಲಿರುವ 29 ವರ್ಷದ ಯೂಕಿ ಭಾನುವಾರ ಸುದ್ದಿಗಾರರೊಂದಿಗೆ ಮಾತನಾಡಿದರು.</p>.<p>‘ಇದು ನನ್ನ ಅಚ್ಚುಮೆಚ್ಚಿನ ತಾಣ. ಇಲ್ಲಿ ಬಹಳಷ್ಟು ಸಿಹಿಯಾದ ನೆನಪುಗಳಿವೆ. ಅವುಗಳಿಂದ ನನ್ನ ಆತ್ಮವಿಶ್ವಾಸ ಹೆಚ್ಚಲಿದೆ. ಇದರಿಂದಾಗಿ ಚೆನ್ನಾಗಿ ಆಡಲಿದ್ದೇನೆ‘ ಎಂದು ಯೂಕಿ ಹೇಳಿದರು.</p>.<p>ಯೂಕಿ 2009ರಲ್ಲಿ ಮೆಲ್ಬರ್ನ್ನಲ್ಲಿ ಜೂನಿಯರ್ ಪ್ರಶಸ್ತಿ ಗೆದ್ದಿದ್ದರು. ಆ ವಿಭಾಗದಲ್ಲಿ ವಿಶ್ವದ ಅಗ್ರಶ್ರೇಯಾಂಕದ ಆಟಗಾರನಾಗಿ ಬಡ್ತಿ ಪಡೆದಿದ್ದರು. 2018ರಲ್ಲಿ ಯೂಕಿ 83ನೇ ರ್ಯಾಂಕ್ ಪಡೆದಿದ್ದರು. ಆದರೆ ಮೊಣಕಾಲು ಗಾಯದಿಂದಾಗಿ ಅವರು ಬಹಳಷ್ಟು ಕಾಲ ಅಂಕಣದಿಂದ ದೂರವುಳಿದರು.</p>.<p>ಅವರು ಈ ಬಾರಿ ಆಸ್ಟ್ರೇಲಿಯಾ ಓಪ್ನಲ್ಲಿ ನ್ಯೂಜಿಲೆಂಡ್ನ ಮೈಕೆಲ್ ವೀನಸ್ ಅವರೊಂದಿಗೆ ಡಬಲ್ಸ್ನಲ್ಲಿ ಕಣಕ್ಕಿಳಿಯುವರು.</p>.<p>‘ಈ ಟೂರ್ನಿಯ ನಂತರ ಪುಣೆಯಲ್ಲಿ ನಡೆಯಲಿರುವ ಮಹಾರಾಷ್ಟ್ರ ಓಪನ್ ಮತ್ತು ಬೆಂಗಳೂರಿನಲ್ಲಿ ನಡೆಯಲಿರುವ ಓಪನ್ ಟೂರ್ನಿ ಹಾಗೂ ಡೇವಿಸ್ ಕಪ್ ಟೂರ್ನಿಯಲ್ಲಿ ಆಡಲು ಸಿದ್ಧತೆ ಮಾಡುತ್ತಿದ್ದೇನೆ. ಹುಲ್ಲಿನಂಕಣದಲ್ಲಿ ಆಡುವುದು ಉತ್ತಮ ಅನುಭವವಾಗಲಿದೆ’ ಎಂದರು.</p>.<p>ಇದೇ ಮಾರ್ಚ್ನಲ್ಲಿ ದೆಹಲಿಯ ಜಿಮ್ಖಾನಾ ಕ್ಲಬ್ನ ಹುಲ್ಲಿನಂಕಣದಲ್ಲಿ ಬೆಲ್ಜಿಯಂ ವಿರುದ್ಧ ಡೇವಿಸ್ ಕಪ್ ಟೂರ್ನಿ ನಡೆಯಲಿದೆ.</p>.<p>‘ಅಡಿಲೇಡ್ ಇಂಟರ್ನ್ಯಾಷನಲ್ ನಲ್ಲಿ ಪ್ರಶಸ್ತಿ ಜಯಿಸಿರುವ ರೋಹನ್ ಬೋಪಣ್ಣ ಮತ್ತು ರಾಮಕುಮಾರ್ ರಾಮನಾಥನ್ ಅವರ ಸಾಧನೆ ಅಮೋಘವಾದದ್ದು. ಭಾರತದ ಟೆನಿಸ್ ಬೆಳವಣಿಗೆಗೆ ಇದು ಸ್ಪೂರ್ತಿ ತುಂಬಲಿದೆ’ ಎಂದು ಯೂಕಿ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
