‘ಕೆಲವು ಜಾಹೀರಾತು ಏಜೆನ್ಸಿಗಳು ಡೀಮ್ಡ್ ಅನುಮೋದನೆ ಸಿಕ್ಕಿದೆ ಎಂಬ ನೆಪ ಹೇಳಿ ಜಾಹೀರಾತು ಅಳವಡಿಸಿದರೆ ಅವರ ವಿರುದ್ಧವೂ ಕ್ರಮ ಕೈಗೊಳ್ಳುತ್ತೇವೆ. ಕೆಎಂಸಿ ಕಾಯ್ದೆಯ ಸೆಕ್ಷನ್ 443 (10) ಹೊಸ ಪರವಾನಗಿಗೆ ಸಂಬಂಧಿಸಿದ ಅರ್ಜಿಗಳಿಗೆ ಮಾತ್ರ ಡೀಮ್ಡ್ ಅನುಮತಿ ಅನ್ವಯವಾಗುತ್ತದೆಯೇ ಹೊರತು, ನವೀಕರಣದ ಅರ್ಜಿಗಳಿಗೆ ಅಲ್ಲ. ರೈಂಬೋ ಅಡ್ವರ್ಟೈಸಿಂಗ್ ಮತ್ತು ಪಾಲಿಕೆ ನಡುವಿನ ಪ್ರಕರಣದಲ್ಲಿ ಹೈಕೋರ್ಟ್ 2002ರಲ್ಲಿ ನೀಡಿದ್ದ ಆದೇಶದಲ್ಲಿ ಇದನ್ನು ಸ್ಪಷ್ಟಪಡಿಸಲಾಗಿದೆ’ ಎಂದು ವಿವರಿಸಿದರು.