ಶುಕ್ರವಾರ, ಆಗಸ್ಟ್ 14, 2020
26 °C
‘ಏರ್ ಬ್ರಿಡ್ಜ್’ ಬ್ರ್ಯಾಂಡ್‌ ಹೆಸರಿನಲ್ಲಿ ಬಿಡುಗಡೆ

ಕೇರಳದ ವೈದ್ಯಕೀಯ ವಿಜ್ಞಾನ ಸಂಸ್ಥೆ, ವಿಪ್ರೊದಿಂದ ತುರ್ತು ಉಸಿರಾಟ ಸಾಧನ ಅಭಿವೃದ್ಧಿ

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

Kerala institute WIPRO develop emergency breathing system to assist ventilation

ತಿರುವನಂತಪುರ: ಇಲ್ಲಿನ ‘ಶ್ರೀ ಚಿತ್ರ ತಿರುನಾಳ್ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆ’ಯು ಬೆಂಗಳೂರಿನ ‘ವಿಪ್ರೊ 3ಡಿ’ ಸಂಸ್ಥೆಯ ಸಹಾಯದೊಂದಿಗೆ ತುರ್ತು ಉಸಿರಾಟ ಸಹಾಯ ಸಾಧನವನ್ನು (ಎಸ್‌ಸಿಟಿಐಎಂಎಸ್‌ಟಿ) ಅಭಿವೃದ್ಧಿಪಡಿಸಿದೆ. ಈ ಸಾಧನವು ವೆಂಟಿಲೇಟರ್‌ಗೆ ಪರ್ಯಾಯ ಅಲ್ಲವಾದರೂ ಕೆಲವು ಗಂಟೆಗಳಿಂದ ಕೆಲವು ದಿನಗಳವರೆಗೆ ತಾತ್ಕಾಲಿಕವಾಗಿ ಬಳಸಬಹುದಾಗಿದೆ.

ಈ ಸಾಧನವು ಉಸಿರಾಟಕ್ಕೆ ನೆರವಾಗಲು ಬೇಕಾದ ಎಲ್ಲ ವ್ಯವಸ್ಥೆ ಹೊಂದಿದ್ದು, ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಮಾನದಂಡಗಳು, ಮಾರ್ಗಸೂಚಿಗಳಿಗೆ ಅನುಗುಣವಾಗಿ ಇದೆ ಎಂದು ಸಂಸ್ಥೆಯ ಪ್ರಕಟಣೆ ತಿಳಿಸಿದೆ.

ಸಂಸ್ಥೆಯ ಅರಿವಳಿಕೆ ವಿಭಾಗದ ಪ್ರೊಫೆಸರ್‌ಗಳಾದ ಮಣಿಕಂಠನ್, ಥಾಮಸ್ ಕೋಶಿ ಮತ್ತು ಮೆಡಿಕಲ್ ಡಿವೈಸ್ ಎಂಜಿನಿಯರಿಂಗ್ ವಿಭಾಗದ ಎಂಜಿನಿಯರ್‌ಗಳಾದ ಶರತ್ ಎಸ್ ನಾಯರ್, ವಿನೋದ್ ಕುಮಾರ್ ವಿ, ನಾಗೇಶ್ ಡಿ.ಎಸ್ ಸಾಧನ ಅಭಿವೃದ್ಧಿಪಡಿಸಿದ್ದಾರೆ.

ತುರ್ತು ಉಸಿರಾಟ ಸಹಾಯ ಸಾಧನದ ವಿನ್ಯಾಸ, ಗುಣಮಟ್ಟವನ್ನು ಮತ್ತಷ್ಟು ಅಭಿವೃದ್ಧಿಪಡಿಸುವ ಸಲುವಾಗಿ ಏಪ್ರಿಲ್‌ನಲ್ಲಿ ‘ವಿಪ್ರೊ 3ಡಿ’ ಜತೆ ಒಪ್ಪಂದ ಮಾಡಿಕೊಂಡು ಮಾಹಿತಿ ಹಂಚಿಳ್ಳಲಾಗಿತ್ತು. ಪರಿಣಾಮವಾಗಿ ಇದೀಗ ಸಾಧನವು ‘ಏರ್ ಬ್ರಿಡ್ಜ್’ ಬ್ರ್ಯಾಂಡ್‌ ಹೆಸರಿನಲ್ಲಿ ವಾಣಿಜ್ಯ ಉತ್ಪಾದನೆಯ ಹಂತಕ್ಕೆ ತಲುಪಿದೆ.

ಸಾಧನವನ್ನು ಬೆಂಗಳೂರಿನ ‘ವಿಪ್ರೊ 3ಡಿ’ ಮತ್ತು ತಿರುವನಂತಪುರದ ‘ಶ್ರೀ ಚಿತ್ರ ತಿರುನಾಳ್ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆ’ ಜಂಟಿಯಾಗಿ ವಿಡಿಯೊ ಕಾನ್ಫರೆನ್ಸ್‌ ಮೂಲಕ ಇಂದು (ಸೋಮವಾರ) ಬಿಡುಗಡೆ ಮಾಡಿವೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು