ಗುರುವಾರ , ಜುಲೈ 29, 2021
23 °C

ರಾವಿ ನದಿಯಲ್ಲಿ 64.33 ಕಿ.ಲೋ ಹೆರಾಯಿನ್ ಪತ್ತೆ

ಪಿಟಿಐ Updated:

ಅಕ್ಷರ ಗಾತ್ರ : | |

ನವದೆಹಲಿ/ಗುರುದಾಸ್‌ಪುರ: ಭಾರತ–ಪಾಕಿಸ್ತಾನದ ಅಂತರರಾಷ್ಟ್ರೀಯ ಗಡಿಭಾಗದಲ್ಲಿ ಹರಿಯುವ ರಾವಿ ನದಿಯಲ್ಲಿ 64.33 ಕೆ.ಜಿ ಮಾದಕವಸ್ತು ಹೆರಾಯಿನ್ ಪತ್ತೆಯಾಗಿದೆ ಎಂದು ಭಾನುವಾರ ಅಧಿಕಾರಿಯೊಬ್ಬರು ತಿಳಿಸಿದರು.

60 ಪ್ಯಾಕೆಟ್‌ಗಳಲ್ಲಿ ಹೆರಾಯಿನ್ ತುಂಬಿ, ಅದನ್ನು ಬಟ್ಟೆಯೊಂದರಲ್ಲಿ ಸುತ್ತಿ, ನದಿ ನೀರಿನಲ್ಲಿ ಹರಿ ಬಿಡಲಾಗಿತ್ತು. ಅದು ಪಾಕಿಸ್ತಾನ ಕಡೆಯಿಂದ ಭಾರತದ ಕಡೆಗೆ ಬಂದಿತ್ತು ಎಂದು ಅವರು ಹೇಳಿದರು.

ಗಡಿಯ ಔಟ್‌ಪೋಸ್ಟ್‌ ಬಳಿ ಗಡಿ ಭದ್ರತಾ ಪಡೆಯ (ಬಿಎಸ್‌ಎಫ್‌) ಸಿಬ್ಬಂದಿ ಶನಿವಾರ ನಡುರಾತ್ರಿ ಸುಮಾರು 2 ಗಂಟೆ ವೇಳೆಯಲ್ಲಿ ಇದನ್ನು ಗಮನಿಸಿದ್ದಾರೆ. ಸಂಶಯದ ಮೇಲೆ ಬಿಎಸ್‌ಎಫ್‌ ಸಿಬ್ಬಂದಿ ಅದರ ಸಮೀಪಕ್ಕೆ ಹೋದಾಗ ಕೆಲ ದುಷ್ಕರ್ಮಿಗಳು ಪರಾರಿಯಾಗಿದ್ದಾರೆ. ಹೆರಾಯಿನ್‌ ತುಂಬಿದ್ದ ಬಟ್ಟೆಯು ನೀರಿನಲ್ಲಿ ಸಾಗುವುದನ್ನು ನಿಯಂತ್ರಿಸಲು ಸುಮಾರು 1500 ಮೀಟರ್‌ ಉದ್ದದ ನೈಲಾನ್‌ ಹಗ್ಗವನ್ನು ಕಟ್ಟಲಾಗಿತ್ತು ಎಂದು ಹಿರಿಯ ಪೊಲೀಸ್‌ ಅಧಿಕಾರಿ ರಾಜೇಶ್‌ ಶರ್ಮಾ ಮಾಹಿತಿ ನೀಡಿದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು