Covid-19 World Update: ವಿಶ್ವದಾದ್ಯಂತ 3.19 ಲಕ್ಷ ದಾಟಿದ ಸಾವಿನ ಸಂಖ್ಯೆ

ಜಗತ್ತಿನಾದ್ಯಂತ ಸೋಂಕಿತರ ಸಂಖ್ಯೆ 48 ಲಕ್ಷ ದಾಟಿದೆ. ಜಾನ್ಸ್‌ ಹಾಪ್‌ಕಿನ್ಸ್ ಕೊರೊನಾ ವೈರಸ್ ರಿಸೋರ್ಸ್ ಸೆಂಟರ್ ಮಾಹಿತಿ ಪ್ರಕಾರ, ಜಗತ್ತಿನಾದ್ಯಂತ ಈವರೆಗೆ 4,836,329 ಜನರಿಗೆ ಸೋಂಕು ತಗುಲಿದೆ. 319,213 ಜನ ಮೃತಪಟ್ಟಿದ್ದು, 1,805,093 ಜನ ಚೇತರಿಸಿಕೊಂಡಿದ್ದಾರೆ.

ಕೊರೊನಾದಿಂದ ತತ್ತರಿಸಿರುವ ಅಮೆರಿಕದಲ್ಲಿ ಸೋಂಕಿನಿಂದ ಮೃತಪಟ್ಟವರ ಸಂಖ್ಯೆ 90,432ಕ್ಕೆ ಏರಿಕೆಯಾಗಿದೆ. ರಷ್ಯಾದಲ್ಲಿ ಈವರೆಗೆ 299,941 ಜನರಿಗೆ ಸೋಂಕು ದೃಢಪಟ್ಟಿದೆ. ಈ ಪೈಕಿ, 2,837 ಮಂದಿ ಮೃತಪಟ್ಟಿದ್ದಾರೆ.

ಇದನ್ನೂ ಓದಿ:ಲಸಿಕೆಯಿಲ್ಲದೆ ಕೊರೊನಾ ಗುಣಪಡಿಸಬಲ್ಲ ಔಷಧಿ ಸಿದ್ಧಪಡಿಸಲಾಗಿದೆ ಎಂದ ಚೀನಾ

ಸ್ಪೇನ್‌ನಲ್ಲಿ ಸೋಂಕಿತರ ಸಂಖ್ಯೆ 231,606ಕ್ಕೆ ಏರಿಕೆಯಾಗಿದ್ದು, 27,709 ಮಂದಿ ಸಾವಿಗೀಡಾಗಿದ್ದಾರೆ. ಬ್ರಿಟನ್‌ನಲ್ಲಿ ಸೋಂಕಿತರ ಸಂಖ್ಯೆ 247,709ಕ್ಕೆ ಏರಿಕೆಯಾಗಿದ್ದು, 34,876 ಸೋಂಕಿತರು ಅಸುನೀಗಿದ್ದಾರೆ.

ಪಾಕ್‌ನಲ್ಲಿ ಒಂದೇ ದಿನ 1,841 ಪ್ರಕರಣ: ಪಾಕಿಸ್ತಾನದಲ್ಲಿ ಒಂದೇ ದಿನ 1,841 ಕೊರೊನಾ ಪ್ರಕರಣ ಪತ್ತೆಯಾಗಿದ್ದು, ಸೋಂಕಿತರ ಸಂಖ್ಯೆ 43,966ಕ್ಕೆ ಏರಿಕೆಯಾಗಿದೆ. ಈವರೆಗೆ 939 ಸೋಂಕಿತರು ಸಾವಿಗೀಡಾಗಿದ್ದಾರೆ. ರಾಷ್ಟ್ರ ರಾಜಧಾನಿ ಇಸ್ಲಾಮಾಬಾದ್‌ನಲ್ಲಿ ಸೋಂಕಿತರ ಸಂಖ್ಯೆ ಸಾವಿರ ದಾಟಿದೆ.

ಈವರೆಗೆ ಸಿಂಧ್‌ನಲ್ಲಿ 17,241, ಪಂಜಾಬ್‌ನಲ್ಲಿ 15,976, ಖೈಬರ್ ಪಖ್ತುಂಖ್ವಾದಲ್ಲಿ 6,230, ಬಲೂಚಿಸ್ತಾನದಲ್ಲಿ 2,820, ಇಸ್ಲಾಮಾಬಾದ್‌ನಲ್ಲಿ 1,034, ಗಿಲ್ಗಿಟ್–ಬಾಲ್ಟಿಸ್ತಾನದಲ್ಲಿ 550 ಮತ್ತು ಪಾಕ್‌ ಆಕ್ರಮಿತ ಕಾಶ್ಮೀರದಲ್ಲಿ 115 ಪ್ರಕರಣಗಳು ದೃಢಪಟ್ಟಿವೆ ಎಂದು ಪಾಕಿಸ್ತಾನದ ಆರೋಗ್ಯ ಸಚಿವಾಲಯ ತಿಳಿಸಿದೆ.

ಇದನ್ನೂ ಓದಿ:ಭಾರತಕ್ಕೆ 200 ವೆಂಟಿಲೇಟರ್ ಒದಗಿಸಲು ಅಮೆರಿಕ ನಿರ್ಧಾರ