ಪ್ರತಿಭಟನೆ: ಹಾಂಗ್‌ಕಾಂಗ್‌ನಲ್ಲಿ 210 ಯೂಟ್ಯೂಬ್‌ ಚಾನಲ್‌ ಸ್ಥಗಿತ
ಅಕ್ಷರ ಗಾತ್ರ :ಆ |ಆ |ಆ
ಸ್ಯಾನ್‌ಫ್ರಾನ್ಸಿಸ್ಕೊ: ಹಾಂಗ್‌ಕಾಂಗ್‌ ಪ್ರತಿಭಟನೆಯಲ್ಲಿ, ಸುಸಂಘಟಿತವಾಗಿ ಯೂಟ್ಯೂಬ್‌ ಮೂಲಕ ಪ್ರಭಾವ ಬೀರುವ ಅಭಿಯಾನ ನಡೆಸುತ್ತಿದ್ದ 210 ಚಾನಲ್‌ಗಳನ್ನು ಸ್ಥಗಿತಗೊಳಿಸಲಾಗಿದೆ ಎಂದು ಯೂಟ್ಯೂಬ್‌ ತಿಳಿಸಿದೆ.
ಚೀನಾ ಸರ್ಕಾರ ಸಾಮಾಜಿಕ ಜಾಲತಾಣದಲ್ಲಿನ ಅಭಿಯಾನವೊಂದಕ್ಕೆ ಬೆಂಬಲ ನೀಡುವುದರ ಮೂಲಕ ಪ್ರತಿಭಟನೆ ಹತ್ತಿಕ್ಕಲು ಪ್ರಯತ್ನಿಸುತ್ತಿದೆ. ಈ ಮೂಲಕ ನಗರದಲ್ಲಿ ರಾಜಕೀಯ ವೈಷಮ್ಯ ಬಿತ್ತಲು ಪ್ರಯತ್ನಿಸುತ್ತಿದೆ ಎಂದು ಟ್ವಿಟರ್‌ ಮತ್ತು ಫೇಸ್ಬುಕ್ ಆರೋಪಿಸಿತ್ತು. ಇದರ ಬೆನ್ನಲ್ಲೇ ಗೂಗಲ್ ಮಾಲಿಕತ್ವದ ಯೂಟ್ಯೂಬ್‌ ಈ ಕ್ರಮ ಕೈಗೊಂಡಿದೆ.
ಸುಸಂಘಟಿತವಾಗಿ ಪ್ರಭಾವ ಬೀರುವ ಅಭಿಯಾನ ನಡೆಸುತ್ತಿದ್ದ ಸಾವಿರಕ್ಕೂ ಅಧಿಕ ಖಾತೆಗಳನ್ನು ಸ್ಥಗಿತಗೊಳಿಸಿರುವುದಾಗಿ ಫೇಸ್ಬುಕ್ ತಿಳಿಸಿತ್ತು. ಜತೆಗೆ ಹೆಚ್ಚಿನ ಹಾನಿಯಾಗುವುದರ ಮೊದಲೇ 2 ಲಕ್ಷ ಖಾತೆಗಳನ್ನು ಸ್ಥಗಿತಗೊಳಿಸಿರುವುದಾಗಿ ಟ್ವಿಟರ್‌ ತಿಳಿಸಿತ್ತು. ಪ್ರತಿಭಟನಾಕಾರರನ್ನು ಇಸ್ಲಾಮಿಕ್‌ ಸ್ಟೇಟ್‌ ಉಗ್ರ ಸಂಘಟನೆ ಸದಸ್ಯರಿಗೆ ಹೋಲಿಸಿದ, ಜಿರಳೆಗಳು ಎಂದು ಟೀಕಿಸಿದ ಪೋಸ್ಟ್‌ಗಳನ್ನು ನಿಷೇಧಿಸಿದ್ದೇವೆ ಎಂದು ಫೇಸ್ಬುಕ್ ತಿಳಿಸಿತ್ತು.
ಪ್ರಜಾವಾಣಿ ಫೇಸ್ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
