ಕಾಬೂಲ್: ಉತ್ತರ ಅಫ್ಗಾನಿಸ್ತಾನದಲ್ಲಿನ ಪೊಲೀಸ್ ನೆಲೆಯ ಮೇಲೆ ದಾಳಿ ನಡೆಸಿರುವ ತಾಲಿಬಾನ್ ಉಗ್ರರು, 11 ಜನ ಪೊಲೀಸರನ್ನು ಕೊಂದಿದ್ದಾರೆ ಎಂದು ಮಂಗಳವಾರ ಸರ್ಕಾರಿ ಅಧಿಕಾರಿಗಳು ತಿಳಿಸಿದ್ದಾರೆ.
ಪೊಲೀಸ್ ನೆಲೆಯಲ್ಲಿದ್ದ ಸಿಬ್ಬಂದಿಯೊಬ್ಬನ ಸಹಾಯದಿಂದ ಈ ದಾಳಿ ನಡೆಸಲಾಗಿದೆ ಎಂದು ಅಧಿಕಾರಿಗಳು ಸಂಶಯ ವ್ಯಕ್ತಪಡಿಸಿದ್ದಾರೆ.
ಸೋಮವಾರ ರಾತ್ರಿ ಪೊಲೀಸ್ ನೆಲೆ ಬಳಿಯ ಚೆಕ್ಪಾಯಿಂಟ್ ಅನ್ನು ಅತಿಕ್ರಮಿಸಿದ ತಾಲಿಬಾನ್ ಉಗ್ರರಿಗೆ ಪೊಲೀಸ್ ಸಿಬ್ಬಂದಿಯೊಬ್ಬ ಸಹಾಯ ಮಾಡಿದ್ದ ಎಂದುದಾಳಿಯ ಕುರಿತು ಬಾಗ್ಲಾನ್ ಪ್ರಾಂತ್ಯದ ಅಧಿಕಾರಿ ಮಾಬೊಬುಲ್ಲಾ ಗಫಾರಿ ವಿವರ ನೀಡಿದ್ದಾರೆ.