ಶನಿವಾರ, ಜೂಲೈ 11, 2020
27 °C

ಗೂಗಲ್‌ ಮ್ಯಾಪ್‌ನಿಂದ ಕೋವಿಡ್‌–19 ಸಂಚಾರ ನಿರ್ಬಂಧ ಮಾಹಿತಿ

ರಾಯಿಟರ್ಸ್ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಕೋವಿಡ್‌–19 ಸಂಬಂಧ ವಿಧಿಸಲಾಗಿರುವ ಸಂಚಾರ ನಿರ್ಬಂಧಗಳ ಮಾಹಿತಿ ಈಗ ಗೂಗಲ್‌ ಮ್ಯಾಪ್‌ಗಳಲ್ಲಿಯೂ ಬಳಕೆದಾರರಿಗೆ ಲಭ್ಯ.

‘ಗೂಗಲ್’‌ ಇಂಥದೊಂದು ಸೌಲಭ್ಯವನ್ನು ಈಗ ಮ್ಯಾಪ್ಸ್‌ನಲ್ಲಿ ಅಳವಡಿಸಿದೆ ಎಂದು ಸೋಮವಾರ ಆಲ್ಪಬೆಟ್‌ ಇಂಕ್‌ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

ನೂತನ ಸೌಲಭ್ಯದಿಂದಾಗಿ ಬಳಕೆದಾರರಿಗೆ ನಿರ್ದಿಷ್ಟ ವೇಳೆಯಲ್ಲಿ ರೈಲ್ವೆ ನಿಲ್ದಾಣ ಅಥವಾ ಬಸ್‌ಗಳಲ್ಲಿ ಎಷ್ಟು ಜನದಟ್ಟಣೆ ಇರುತ್ತದೆ ಎಂಬುದರ ಮಾಹಿತಿಯೂ ಸಿಗಲಿದೆ. 

ಸಂಚಾರದ ಎಚ್ಚರಿಕೆ ಸಂದೇಶಗಳು ಬರುವ ಈ ಸೌಲಭ್ಯವನ್ನು ಸದ್ಯ ಭಾರತ, ಅಮೆರಿಕ ಸೇರಿದಂತೆ ಹಲವು ದೇಶಗಳಲ್ಲಿ ಜಾರಿಗೊಳಿಸಲಾಗಿದೆ.

ಗೂಗಲ್‌ ತನ್ನ ಬ್ಲಾಗ್‌ನಲ್ಲಿ ಈ ಮಾಹಿತಿ ಹಂಚಿಕೊಂಡಿದೆ. ನೂತನ ಸೌಲಭ್ಯದಲ್ಲಿ ಕೆನಡಾ, ಮೆಕ್ಸಿಕೊ, ಅಮೆರಿಕದಲ್ಲಿ ದೇಶದ ಗಡಿ ದಾಟುವಾಗ ಸಿಗುವ ಕೋವಿಡ್‌ ಚೆಕ್‌ಪಾಯಿಂಟ್‌ಗಳ ವಿವರವೂ ಸಿಗಲಿದೆ.

ವಿಶ್ವದ ಭೌಗೋಳಿಕ ನಕ್ಷೆಯನ್ನು ಡಿಜಿಟಲ್ ಸ್ವರೂಪಕ್ಕೆ ಪರಿವರ್ತಿಸಲು ಗೂಗಲ್ ಕೋಟ್ಯಂತರ ರೂಪಾಯಿ ಹೂಡಿಕೆ ಮಾಡಿದೆ. ಅಸಂಖ್ಯ ಜನರು ಗೂಗಲ್‌ ಮ್ಯಾಪ್‌ ಸೌಲಭ್ಯವನ್ನು ಪಡೆಯುತ್ತಿದ್ದಾರೆ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು