ಲಾಕ್‌ಡೌನ್: ಕೇರಳದಲ್ಲಿ ಜಾತ್ರೆಗಳು ರದ್ದಾದ ಕಾರಣ ಆನೆಗಳು ನಿರಾಳ 

ಏತನ್ಮಧ್ಯೆ, ಲಾಕ್‌ಡೌನ್‌ನಿಂದಾಗಿ ಕೇರಳದಲ್ಲಿ ಸುಮಾರು 1,000 ದೇವಾಲಯಗಳು ಜಾತ್ರೆ ರದ್ದು ಮಾಡಿವೆ. ಇದರಿಂದಾಗಿ ಸುಮಾರು 500 ಆನೆಗಳು ನಿರಾಳವಾಗಿವೆ.ಅತೀ ದೊಡ್ಡ ಜಾತ್ರೆ ಎಂದು ಕರೆಯಲ್ಪಡುವ ತ್ರಿಶ್ಶೂರ್ ಪೂರಂನಲ್ಲಿ ಸುಮಾರು 30 ಆನೆಗಳು ಪಾಲ್ಗೊಳ್ಳುತ್ತವೆ. ಕೊರೊನಾವೈರಸ್ ಕಾರಣಮೇ.3ರಂದು ನಡೆಯಲಿರುವ ತ್ರಿಶ್ಶೂರ್ ಪೂರಂನ್ನು ಕೂಡಾ ರದ್ದಾಗುವ ಸಾಧ್ಯತೆ ಇದೆ.

ಈ ಬಗ್ಗೆ 'ಪ್ರಜಾವಾಣಿ' ಜತೆ ಮಾತನಾಡಿದ ಕೇರಳ ಆನೆ ಮಾಲೀಕರ ಸಂಘಟನೆಯ ಕಾರ್ಯದರ್ಶಿ ಕೆ. ಶಶಿಕುಮಾರ್, ತ್ರಿಶ್ಶೂರ್ ಜಿಲ್ಲೆಯಲ್ಲಿ ಮಾರ್ಚ್ ತಿಂಗಳಲ್ಲಿ ನಿಗದಿಯಾಗಿದ್ದ 55 ಜಾತ್ರೆಗಳನ್ನು ರದ್ದು ಮಾಡಲಾಗಿದೆ. ಒಟ್ಟಾರೆ ಈ ವರ್ಷ ಕೇರಳದಲ್ಲಿ ಸುಮಾರು 1000 ದೇವಾಲಯಗಳ ಜಾತ್ರೆ ರದ್ದಾಗಿದೆ ಎಂದಿದ್ದಾರೆ.

ಜಾತ್ರೆಗಳಲ್ಲಿ ಆನೆಗಳು ಅನುಭವಿಸುವ ಮಾನಸಿಕ ಮತ್ತು ದೈಹಿಕ ಕಿರುಕುಳದಿಂದ ಅವುಗಳಿಗೆ ಮುಕ್ತಿ ಸಿಕ್ಕಿದೆ. ಜಾತ್ರಾ ಸಮಯಗಳಲ್ಲಿ ಅವುಗಳಿಗೆ ಸರಿಯಾದ ವಿಶ್ರಾಂತಿ ನೀಡದೆ ದೀರ್ಘಕಾಲ ನಿಲ್ಲುವ ಅಥವಾ ಗಂಟೆಗಳ ಕಾಲ ನಡೆಯುವ ಕೆಲಸ ನೀಡಲಾಗುತ್ತಿತ್ತು. ಹೀಗಿರುವಾಗ ಲಾಕ್‍ಡೌನ್ ಅವುಗಳಿಗೆ ವರವಾಗಿ ಪರಿಣಮಿಸಿದೆ ಎಂದುಪ್ರಾಣಿಗಳ ಹಕ್ಕು ಕಾರ್ಯಕರ್ತ ವಿ.ಕೆ ವೆಂಕಿಟಾಚಲಂ ಹೇಳಿದ್ದಾರೆ.