ಗಾಯಕ ಮಿಕಾ ಸಿಂಗ್‌ ಮ್ಯಾನೇಜರ್‌ ಸೌಮ್ಯಾ ಸಾವು
ಮುಂಬೈ: ಬಾಲಿವುಡ್‌ ಖ್ಯಾತ ಗಾಯಕ ಮಿಕಾ ಸಿಂಗ್‌ ಅವರ ಮ್ಯಾನೇಜರ್‌ ಸೌಮ್ಯಾ ಜೊಹೆಬ್‌ಖಾನ್‌ (30) ಮೃತಪಟ್ಟಿದ್ದಾರೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.
ಸೌಮ್ಯಾ ಫೆಬ್ರುವರಿ 3ರಂದು ಸಾವನ್ನಪ್ಪಿದ್ದಾರೆ.ಅತಿಯಾದ ಡ್ರಗ್ಸ್‌ ಸೇವನೆಯೇಸಾವಿಗೆ ಕಾರಣ ಎಂದು ಮುಂಬೈ ಪೊಲೀಸರು ತಿಳಿಸಿದ್ದಾರೆ. ಮಿಕಾ ಸಿಂಗ್‌ ಫೆಬ್ರುವರಿ 3ರಂದೇ ಸೌಮ್ಯಾ ಸಾವಿಗೆ ಸಂತಾಪ ಸೂಚಿಸಿ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್‌ ಹಾಕಿದ್ದಾರೆ.
ಮಿಕಾ ಸಿಂಗ್‌ ಅವರನಾಲ್ಕು ಅಂತಸ್ತಿನ ಕಟ್ಟಡದಲ್ಲಿರುವ ಸ್ಟುಡಿಯೊದಲ್ಲಿ ಕೆಲಸ ಮಾಡುತ್ತಿದ್ದರು. ಅದೇ ಕಟ್ಟಡದ ಮೊದಲ ಮಹಡಿಯಲ್ಲಿರುವ ಫ್ಲ್ಯಾಟ್‌ನಲ್ಲಿ ಸೌಮ್ಯಾ ಒಂಟಿಯಾಗಿ ವಾಸಿಸುತ್ತಿದ್ದರು.
ಸೌಮ್ಯ ಕೌಟುಂಬಿಕ ಸಮಸ್ಯೆಗಳಿಂದಾಗಿ ಖಿನ್ನತೆಯಿಂದ ಬಳಲುತ್ತಿದ್ದರು ಎಂದು ಅವರ ಆಪ್ತರು ಮಾಹಿತಿ ನೀಡಿದ್ದಾರೆ. ಸೌಮ್ಯ ಮೃತದೇಹವನ್ನು ಪಂಜಾಬಿನಲ್ಲಿರುವ ಅವರು ಕುಟುಂಬಸ್ಥರಿಗೆ ನೀಡಿರುವ ಬಗ್ಗೆ ಪೊಲೀಸರು ಹೇಳಿದ್ದಾರೆ.
ಅವರ ಸಾವಿನ ಕುರಿತಾದ ಹೆಚ್ಚಿನ ಮಾಹಿತಿಗಳು ಲಭ್ಯವಾಗಿಲ್ಲ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.