ಐಎನ್‌ಎಸ್‌ ವಿಕ್ರಮಾದಿತ್ಯನ ಮೇಲೆ ಮೊದಲ ಸಲ ಇಳಿದ ಸ್ವದೇಶಿ ನಿರ್ಮಿತ 'ತೇಜಸ್‌'
ನವದೆಹಲಿ:ದೇಶೀಯ ನಿರ್ಮಿತ ನೌಕಾಪಡೆ ಆವೃತ್ತಿಯ ಲಘು ಯುದ್ಧ ವಿಮಾನ 'ತೇಜಸ್‌'ದೇಶದ ಏಕೈಕ ಯುದ್ಧವಿಮಾನ ವಾಹಕ ಹಡಗು 'ಐಎನ್‌ಎಸ್‌ ವಿಕ್ರಮಾದಿತ್ಯ'ದಲ್ಲಿ ಇಳಿದು, ಮತ್ತೆ ಹಾರಾಟ ನಡೆಸಿದೆ. ಹಡಗು ತಟ್ಟೆಯಿಂದ ಹಾರುವಯುದ್ಧ ವಿಮಾನದ ಸ್ವದೇಶಿ ನಿರ್ಮಾಣ ಕ್ಷೇತ್ರದಲ್ಲಿ ಇದೊಂದು ಪ್ರಮುಖ ಹೆಜ್ಜೆಯಾಗಿದೆ.
ಅರಬಿ ಸಮುದ್ರ ಭಾಗದಲ್ಲಿ ನಿಯೋಜನೆಗೊಂಡಿರುವ ಐಎನ್‌ಎಸ್‌ ವಿಕ್ರಮಾದಿತ್ಯ ಪ್ರಸ್ತುತ ನೌಕಾಪಡೆ ಆವೃತ್ತಿಯ 'ಮಿಗ್‌–29' ಯುದ್ಧ ವಿಮಾನ ಹೊಂದಿದೆ. ವಿಕ್ರಮಾದಿತ್ಯ 30 ಯುದ್ಧ ವಿಮಾನಗಳನ್ನು ಹೊತ್ತೊಯ್ಯುವ ವಿಸ್ತಾರ ಮತ್ತು ಸಾಮರ್ಥ್ಯ ಹೊಂದಿದೆ.
— DRDO (@DRDO_India) January 11, 2020
ಈ ವಿಮಾನವು ಕಳೆದ ಸೆಪ್ಟೆಂಬರ್‌ನಲ್ಲಿ 'ಅರೆಸ್ಟ್‌ ಲ್ಯಾಂಡಿಂಗ್‌' (ನಿರ್ಬಂಧಿತ ಇಳಿಕೆ) ಪರೀಕ್ಷೆಯಲ್ಲಿ ಯಶಸ್ವಿಯಾಗಿತ್ತು.
The developmental LCA (N) MK1 achieved an important milestone today with the successful Arrested Landing on board the #IndianNavy aircraft carrier #INSVikramaditya. @PMOIndia@DefenceMinIndia @SpokespersonMoD @DRDO_India @PIB_India @DDNational
— SpokespersonNavy (@indiannavy) January 11, 2020
'ಶನಿವಾರ ನಡೆದಿರುವ ಪರೀಕ್ಷೆಯಿಂದ ದೇಶೀಯವಾಗಿ ಅಭಿವೃದ್ಧಿ ಪಡಿಸಿದ ತಂತ್ರಜ್ಞಾನವು ನೌಕಾಪಡೆಯ ಕಾರ್ಯಾಚರಣೆಗೆ ಯಶಸ್ವಿಯಾಗಿ ಅಳವಡಿಸಿಕೊಳ್ಳುವುದು ಸ್ಪಷ್ಟವಾಗಿದೆ. ಟ್ವಿನ್‌ ಎಂಜಿನ್‌ ಯುದ್ಧ ವಿಮಾನಗಳನ್ನು ತಯಾರಿಸಲು ರಹದಾರಿ ಸೃಷ್ಟಿಯಾಗಿದೆ' ಎಂದು ಭಾರತೀಯ ನೌಕಾಪಡೆ ಟ್ವೀಟ್‌ ಮಾಡಿದೆ.
ಭಾರತಕ್ಕೆ ನೌಕಾಪಡೆ ಆವೃತ್ತಿಯ 57 ಯುದ್ಧ ವಿಮಾನಗಳ ಅವಶ್ಯಕತೆಯಿದೆ.
Extremely happy to learn of the maiden landing of DRDO developed LCA Navy on INS Vikramaditya.
— Rajnath Singh (@rajnathsingh) January 11, 2020
This successful landing is a great event in the history of Indian Fighter aircraft development programme.
Congratulations to Team @DRDO_India & @indiannavy for this achievement.
ಹಲವು ಬಾರಿ ನಿರ್ಬಂಧಿತ ಇಳಿಕೆ ಪರೀಕ್ಷೆ ನಡೆಸಿದ ಅನುಭವ ಹೊಂದಿರುವ ತೇಜಸ್‌ ಐಎನ್‌ಎಸ್‌ ವಿಕ್ರಮಾದಿತ್ಯದ ಮೇಲೆ ಬೆಳಿಗ್ಗೆ 10:02ಕ್ಕೆ ಯಶಸ್ವಿಯಾಗಿ ಇಳಿಯಿತು.ಪರೀಕ್ಷೆ ಯಶಸ್ವಿಯಾಗುತ್ತಿದ್ದಂತೆ ರಕ್ಷಣಾ ಸಚಿವ ರಾಜನಾಥ್‌ ಸಿಂಗ್‌ ಡಿಆರ್‌ಡಿಒ ಮತ್ತು ಭಾರತೀಯ ನೌಕಾಪಡೆಗೆ ಅಭಿನಂದನೆ ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.