ನವದೆಹಲಿ: ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರನ್ನು ಒಳಗೊಂಡಿರುವ ಡಿಸ್ಕವರಿ ಚಾನೆಲ್ನ ಸಾಹಸಮಯ ಕಾರ್ಯಕ್ರಮ ‘ಮ್ಯಾನ್ ವರ್ಸಸ್ ವೈಲ್ಡ್’ನವಿಶೇಷ ಸಂಚಿಕೆ ಇಂದು ರಾತ್ರಿ 9 ಗಂಟೆಗೆ ಡಿಸ್ಕವರಿ ಚಾನೆಲ್ನಲ್ಲಿ ಪ್ರಸಾರವಾಗಲಿದೆ. ವಿಶೇಷವೆಂದರೆ ಬಹುನಿರೀಕ್ಷೆಯ ಈ ಕಾರ್ಯಕ್ರಮ ಕನ್ನಡ ಅವೃತ್ತಿಯಲ್ಲೂ ಲಭ್ಯವಾಗುತ್ತಿದೆ.
ಮೋದಿ ಅವರ ಈ ಕಾರ್ಯಕ್ರಮ ಕನ್ನಡದಲ್ಲೂ ಸಿಗಬಹುದೇ ಎಂದು ಕುಂದಾಪುರ ಮೂಲದ ಕಿರಣ್ ಎಂಬುವವರು ಟ್ವಿಟರ್ನಲ್ಲಿ ಕೇಳಿದ್ದ ಪ್ರಶ್ನೆಗೆ ಪ್ರತಿಕ್ರಿಯಿಸಿರುವ ಡಿಸ್ಕವರಿ ನೆಟ್ವರ್ಕ್ನ ದಕ್ಷಿಣ ಏಷ್ಯಾದ ಎಂಡಿ ಮೇಘಾ ಟಾಟಾ ಹೌದು ಎಂದಿದ್ದಾರೆ.
Yes it will be!
— Megha Tata (@mtata0503) August 11, 2019
‘ಡಿಸ್ಕವರಿ ಚಾನೆಲ್’ನ ಕನ್ನಡ ಅವತರಣಿಕೆ ಇಂದಿನಿಂದ ಆರಂಭವಾಗುತ್ತಿದೆ. ಇದೇ ದಿನವೇ ಮೋದಿ ಅವರ ಕಾರ್ಯಕ್ರಮವೂ ಪ್ರಸಾರವಾಗುತ್ತಿದೆ.
ಉತ್ತರಾಖಂಡದ ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನದಲ್ಲಿ ಈ ಕಾರ್ಯಕ್ರಮವನ್ನು ಚಿತ್ರೀಕರಿಸಲಾಗಿದೆ. 180 ದೇಶಗಳಲ್ಲಿ ಕಾರ್ಯಕ್ರಮ ಇಂದು ಪ್ರಸಾರವಾಗುತ್ತಿದೆ.
Join us today as Bear Grylls and Prime Minister Narendra Modi begin an unmissable adventure.
— Discovery Channel IN (@DiscoveryIN) August 12, 2019
Watch #ManVSWild with Bear Grylls and Prime Minister Modi tonight at 9 PM, exclusively on the Discovery Network. #PMModionDiscovery pic.twitter.com/F8TvHAcJRW
ಬೇರ್ ಗ್ರಿಲ್ಸ್ ಅವರ ನಿರೂಪಣೆಯಿಂದ ಪ್ರಸಿದ್ಧಿ ಪಡೆದಿರುವ ಈ ಕಾರ್ಯಕ್ರಮ, ಪರಿಚಯವೇ ಇಲ್ಲದ ಕಾಡಿನಲ್ಲಿ ವ್ಯಕ್ತಿಯೊಬ್ಬ ಒಂಟಿಯಾಗಿ ಸಂಚರಿಸುತ್ತ, ಸಂಕಷ್ಟಗಳನ್ನು ದಾಟಿ, ಬದುಕಬಹುದಾದ ಸಾಧ್ಯತೆಗಳನ್ನು ತೋರಿಸಿಕೊಡುತ್ತದೆ. ಈ ಕಾರ್ಯಕ್ರಮಕ್ಕೆ ಜಗತ್ತಿನಾದ್ಯಂತ ಅಸಂಖ್ಯ ಅಭಿಮಾನಿ ವೀಕ್ಷಕರಿದ್ದಾರೆ.
ಇನ್ನು ಮೋದಿ ಅವರ ಈ ಕಾರ್ಯಕ್ರಮ ವಿವಾದಗಳಿಂದೇನೂ ಹೊರತಾಗಿಲ್ಲ. ಈ ಸಂಚಿಕೆಯನ್ನು ಚಿತ್ರೀಕರಿಸಿದ್ದು ಪುಲ್ವಾಮಾ ದಾಳಿಯ ವೇಳೆಯಲ್ಲಿ ಎಂಬ ವಾದವಿದೆ. ಹೀಗಾಗಿ ಈ ಕಾರ್ಯಕ್ರಮ ತೀವ್ರ ಚರ್ಚೆಗೆ ಗುರಿಯಾಗಿತ್ತು.
ಇನ್ನಷ್ಟು...
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.