VIDEO| ಕೊರೊನಾ ವೈರಸ್‌ನಿಂದ ಹಾನಿಗೀಡಾಗುವ ಶ್ವಾಸಕೋಶ ಹೇಗಿರುತ್ತದೆ ಗೊತ್ತೆ?
ಅಕ್ಷರ ಗಾತ್ರ :ಆ |ಆ |ಆ
ಇಷ್ಟು ದಿನ ಕೊರೊನಾ ವೈರಸ್‌ ಹೇಗಿರುತ್ತದೆ, ಅದು ಸೂಕ್ಷ್ಮ ದರ್ಶಕದಲ್ಲಿ ಹೇಗೆ ಕಾಣುತ್ತದೆ ಎಂಬುದನ್ನಷ್ಟೇ ಜಗತ್ತು ನೋಡಿದೆ. ಆದರೆ, ಅದು ಶ್ವಾಸಕೋಶದ ಮೇಲೆ ಮಾಡುವ ದಾಳಿ, ಅದರಿಂದ ಶ್ವಾಸಕೋಶಕ್ಕೆ ಉಂಟಾಗುವ ಹಾನಿಯ ಕುರಿತ ವಿಡಿಯೊವೊಂದು ಈಗ ಬಿಡುಗಡೆಯಾಗಿದೆ.
ಸರ್ಜಿಕಲ್‌ ಥಿಯೇಟರ್‌ ಟೆಕ್ನಾಲಜಿ ನೆರವಿನೊಂದಿಗೆ ಕೊರೊನಾ ವೈರಸ್‌ ರೋಗಿಯ ಶ್ವಾಸಕೋಶದ ವಿಡಿಯೊವನ್ನು 'ವಾಷಿಂಗ್ಟನ್‌ ಯೂನಿವರ್ಸಿಟಿ ಆಫ್‌ ಹಾಸ್ಪಿಟಲ್‌'ನ ವೈದ್ಯೆ ಡಾ. ಕೈತ್‌ ಮೋರ್ಟ್‌ಮನ್‌ ಅವರು ಸಿದ್ಧಪಡಿಸಿದ್ದಾರೆ. ಈ 360 ಡಿಗ್ರಿ ವಿಡಿಯೋದಲ್ಲಿ ಕೊರೊನಾ ವೈರಸ್‌ನಿಂದ ಶ್ವಾಸಕೋಶಕ್ಕೆ ಆಗುವ ಹಾನಿಯನ್ನು ತೋರಿಸಲಾಗಿದೆ.
ಕೊರೊನಾ ವೈರಸ್‌ ದಾಳಿ ಮಾಡಿದರೆ, ಯಾವುದೇ ವ್ಯಕ್ತಿಯ ಶ್ವಾಸಕೋಶವೂ ಸೂಕ್ತ ರೀತಿಯಲ್ಲಿ ಕಾರ್ಯನಿರ್ವಹಿಸುವುದಿಲ್ಲ ಎಂದು ಡಾ. ಕೈತ್‌ ಹೇಳಿದ್ದಾರೆ. 59 ವರ್ಷ ಪ್ರಾಯದ, ಅತಿ ರಕ್ತದೊತ್ತಡವುಳ್ಳ ವ್ಯಕ್ತಿಯೊಬ್ಬರ ಶ್ವಾಸಕೋಶಕ್ಕೆ ಕೊರೊನಾ ವೈರಸ್‌ ಮಾಡಿದ್ದ ಹಾನಿಯನ್ನೇ ತಾವು 3ಡಿ ವಿಡಿಯೊ ಮೂಲಕ ವಿವರಿಸಿರುವುದಾಗಿ ಅವರು ಹೇಳಿದ್ದಾರೆ. ಈ ಕುರಿತು ‘ಸಿಎನ್‌ಎನ್‌ ಹೆಲ್ತ್‌’ ವರದಿ ಮಾಡಿದೆ.
‘ಕೊರೊನಾ ವೈರಸ್‌ ರೋಗಿಗಳಿಗೆ ವೆಂಟಿಲೇಟರ್‌ಗಳ ಅಗತ್ಯವಿರುತ್ತದೆ. ಒಂದೊಂದು ಬಾರಿ ಅದೂ ಕೂಡ ಸಾಲದೇ ಹೋಗಬಹುದು. ರಕ್ತಕ್ಕೆ ಆಮ್ಲಜನಕ ಒದಗಿಸುವ ವೈದ್ಯಕೀಯ ಯಂತ್ರಗಳು ಅಗತ್ಯವಾಗುತ್ತವೆ’ ಎಂದು ಅವರು ವಿವ‌ರಿಸಿದ್ದಾರೆ.
ವಿಡಿಯೊ ನೋಡಿ
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
