ಶನಿವಾರ, ಆಗಸ್ಟ್ 15, 2020
26 °C
ಕಡಿಮೆ ಸಂಬಳ, ಸಿಗದ ರಜೆ

ನಾಲ್ಕೇ ವರ್ಷದಲ್ಲಿ 577 ಕಾನ್‌ಸ್ಟೆಬಲ್‌ ರಾಜೀನಾಮೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಕಳೆದ ನಾಲ್ಕು ವರ್ಷಗಳಲ್ಲಿ ರಾಜ್ಯದ 577 ಕಾನ್‌ಸ್ಟೆಬಲ್‌ಗಳು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿ, ಬೇರೆ ಕೆಲಸಕ್ಕೆ ಸೇರಿದ್ದಾರೆ.

ಪೊಲೀಸ್ ಇಲಾಖೆ ನೇಮಕಾತಿ ಅಂಕಿ– ಅಂಶಗಳಿಂದ ಈ ಸಂಗತಿ ಗೊತ್ತಾಗಿದೆ.

‘ಇಲಾಖೆ ನೀಡುವ ಕಡಿಮೆ ಸಂಬಳ, ರಜೆ ಸಿಗದಿರುವುದು, ಬಡ್ತಿ ಸೇರಿದಂತೆ ಹಲವು ಸೌಲಭ್ಯ ದೊರೆಯದಿದ್ದರಿಂದ ಬೇಸತ್ತು ಕಾನ್‌ಸ್ಟೆಬಲ್‌ಗಳು ಕೆಲಸ ಬಿಟ್ಟಿದ್ದಾರೆ’ ಎಂದು ಹಿರಿಯ ಅಧಿಕಾರಿಗಳು ಹೇಳುತ್ತಿದ್ದಾರೆ.

‘ಸ್ಪರ್ಧಾತ್ಮಕ ಪರೀಕ್ಷೆ ಮೂಲಕ ಕಾನ್‌ಸ್ಟೆಬಲ್‌ ಹುದ್ದೆಗಳ ಭರ್ತಿ ಪ್ರಕ್ರಿಯೆ ನಡೆಯುತ್ತದೆ. ಆಯ್ಕೆಯಾದ ಅಭ್ಯರ್ಥಿಗಳಿಗೆ ರಾಜ್ಯದ ವಿವಿಧ ನಗರಗಳಲ್ಲಿರುವ ಪೊಲೀಸ್ ಅಕಾಡೆಮಿಗಳಲ್ಲಿ ತರಬೇತಿ ನೀಡಲಾಗುತ್ತದೆ. ಇಂಥ ತರಬೇತಿ ವೇಳೆಯಲ್ಲೂ ಕಾನ್‌ಸ್ಟೆಬಲ್‌ಗಳಿಗೆ ರಜೆ ಸಿಗುತ್ತಿಲ್ಲ. ಹೀಗಾಗಿ, ಅವರು ಬೇರೆ ಕೆಲಸಗಳತ್ತ ಮುಖ ಮಾಡುತ್ತಿದ್ದಾರೆ’ ಎಂದು ತಿಳಿಸುತ್ತಾರೆ.

‘ಒಬ್ಬ ಕಾನ್‌ಸ್ಟೆಬಲ್‌ಗೆ ತರಬೇತಿ ನೀಡಲು ಸರ್ಕಾರ ₹ 2 ಲಕ್ಷದಿಂದ ₹ 3 ಲಕ್ಷ ಖರ್ಚು ಮಾಡುತ್ತದೆ. ಈಗ 577 ಮಂದಿ ಕೆಲಸ ಬಿಟ್ಟು ಹೋಗಿರುವುದರಿಂದ, ಅವರಿಗೆ ಖರ್ಚು ಮಾಡಿದ್ದ ಹಣವೆಲ್ಲ ವ್ಯರ್ಥವಾದಂತೆ’ ಎಂದು ಹೇಳುತ್ತಾರೆ. 

‘ಸದ್ಯ ಕಾನ್‌ಸ್ಟೆಬಲ್‌ಗೆ ತಲಾ ₹ 25 ಸಾವಿರದಿಂದ 28 ಸಾವಿರ ಸಂಬಳ ಇದೆ. ಅದರಲ್ಲಿ ₹ 20 ಸಾವಿರದಿಂದ ₹ 23 ಸಾವಿರ ಮಾತ್ರ ಕೈಗೆ ಸಿಗುತ್ತದೆ. ಕ್ಯಾಬ್‌ ಚಾಲಕರೇ ಅದಕ್ಕಿಂತ ಹೆಚ್ಚು ಸಂಬಳ ಪಡೆಯುತ್ತಿದ್ದಾರೆ. ವೇತನ ಪರಿಷ್ಕರಣೆ ಸಂಬಂಧ ರಾಘವೇಂದ್ರ ಔರಾದಕರ್ ನೀಡಿರುವ ವರದಿ ಜಾರಿಗೆ ಸರ್ಕಾರ ಹಿಂದೇಟು ಹಾಕುತ್ತಿದೆ. ಇದು ಪೊಲೀಸರಿಗೆ ನಿರಾಶೆಯನ್ನುಂಟು ಮಾಡಿದೆ’ ಎಂದು ದೂರುತ್ತಾರೆ.

**

ಕಾನ್‌ಸ್ಟೆಬಲ್‌ಗಳ ನೇಮಕಾತಿ ವಿವರ (2014ರಿಂದ 2018ರವರೆಗೆ)

ವಿಭಾಗ

 ನೇಮಕಾತಿ ಆದವರು

ಕೆಲಸ ಬಿಟ್ಟವರು

ಸಿವಿಲ್ ಪೊಲೀಸ್

12, 408337 

ನಗರ ಸಶಸ್ತ್ರ ಮೀಸಲು ಪಡೆ

5,06093  
ರಾಜ್ಯ ಮೀಸಲು ಪೊಲೀಸ್ ಪಡೆ 4,023147

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು