ಬುಧವಾರ, ಅಕ್ಟೋಬರ್ 16, 2019
21 °C

ಬಿಬಿಎಂಪಿ ಮೇಯರ್‌ ಚುನಾವಣೆಯಲ್ಲಿ ಬಣ್ಣದ ರಾಜಕೀಯ 

Published:
Updated:
BBMP elections Bangalore

ಬೆಂಗಳೂರು: ಬೃಹತ್‌ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ)ಯ ಮೇಯರ್‌ ಮತ್ತು ಉಪ ಮೇಯರ್‌ ಸ್ಥಾನಗಳಿಗೆ ಇಂದು ಚುನಾವಣೆ ನಡೆಯುತ್ತಿದ್ದು, ಬಿಜೆಪಿ ಮತ್ತು ಕಾಂಗ್ರೆಸ್‌–ಜೆಡಿಎಸ್‌ ಮೈತ್ರಿಕೂಟದ ನಡುವೆ ಜಿದ್ದಾ ಜಿದ್ದಿ ಏರ್ಪಟ್ಟಿದೆ. ಅದೇ ಹೊತ್ತಲ್ಲೇ ಪಾಲಿಕೆ ಸಭಾಂಗಣದಲ್ಲಿ ಬಣ್ಣದ ರಾಜಕಾರಣವೂ ಕಾಣಿಸಿಕೊಂಡಿದೆ. 

ಕಾಂಗ್ರೆಸ್‌ನ ಕಾರ್ಪೊರೇಟರ್‌ಗಳು ಕೇಸರು, ಬಿಳಿ, ಹಸಿರು ಬಣ್ಣಗಳುಳ್ಳ ತ್ರಿವರ್ಣದ ಶಾಲುಗಳನ್ನು ಹೊದ್ದು ಚುನಾವಣೆಗಾಗಿ ಪಾಲಿಕೆ ಸಭಾಂಗಣಕ್ಕೆ ಆಗಮಿಸಿದರು.

ಶಾಲಿನ ವಿಚಾರದಲ್ಲಿ ಕಾಂಗ್ರೆಸ್‌ ನಡೆಯನ್ನೇ ಅನುಸರಿಸಿದ ಬಿಜೆಪಿ ನಾಯಕರು ಕೂಡಲೇ ಕೇಸರಿ ಬಣ್ಣದ ಶಾಲುಗಳನ್ನು ಎರಡು ಚೀಲಗಳಲ್ಲಿ ತರಿಸಿ ತಮ್ಮೆಲ್ಲ ಕಾರ್ಪೊರೇಟರ್‌ಗಳಿಗೂ ಹಂಚಿದರು. ಸ್ವತಃ ಬಿಜೆಪಿಯ ಉಪಮೇಯರ್ ಅಭ್ಯರ್ಥಿ ರಾಮ್ ಮೋಹನ್ ರಾಜ್ ಅವರೇ ಕೇಸರಿ ಶಾಲುಗಳನ್ಗನು ಬಿಬಿಎಂಪಿ ಕೌನ್ಸಿಲ್ ಸಭಾಂಗಣಕ್ಕೆ ಹೊತ್ತು ತಂದರು. 

ಜೆಡಿಎಸ್‌ ಸದಸ್ಯರು ಹಸಿರು ಬಣ್ಣದ ಶಾಲು ಹೊದ್ದು ಬಂದಿದ್ದರು. 

Post Comments (+)