ಜಿಎಸ್‌ಟಿ ರಿಟರ್ನ್ಸ್‌ ನಿಯಮ ಶೀಘ್ರವೇ ಸಡಿಲಿಕೆ ನಿರ್ಧಾರ

ನವದೆಹಲಿ: ಸತತ ಆರು ತಿಂಗಳವರೆಗೆ ಉದ್ದಿಮೆ ಸಂಸ್ಥೆಯೊಂದು ತೆರಿಗೆ ಪಾವತಿಸುವ ಬಾಧ್ಯತೆ ಹೊಂದಿರದಿದ್ದರೆ, ವರ್ಷಕ್ಕೆ ಎರಡು ಬಾರಿ ಮಾತ್ರ ಸರಕು ಮತ್ತು ಸೇವಾ ತೆರಿಗೆ ಲೆಕ್ಕಪತ್ರ ವಿವರ (ರಿಟರ್ನ್) ಸಲ್ಲಿಸುವ ಸೌಲಭ್ಯಕ್ಕೆ ಪಾತ್ರವಾಗಲಿದೆ.

. ಹೊಸ ಸರಳೀಕೃತ ರಿಟರ್ನ್ ಸಲ್ಲಿಕೆಯ ನಿಯಮಗಳನ್ನು ಅಂತಿಮಗೊಳಿಸುತ್ತಿದ್ದಂತೆ ಈ ಪ್ರಯೋಜನ ಜಾರಿಗೆ ಬರಲಿದೆ. ಉದ್ದಿಮೆ ಸಂಸ್ಥೆಗಳು ಆರು ತಿಂಗಳ ಕಾಲ ಯಾವುದೇ ಮೊತ್ತವನ್ನು ತೆರಿಗೆ ರೂಪದಲ್ಲಿ ಪಾವತಿಸಿರದಿದ್ದರೆ ವರ್ಷಕ್ಕೆ ಎರಡು ಬಾರಿ ಮಾತ್ರ ರಿಟರ್ನ್ ಸಲ್ಲಿಸಲು ಅರ್ಹತೆ ಪಡೆಯಲಿವೆ. ಪ್ರತಿ ತಿಂಗಳೂ ರಿಟರ್ನ್ ಸಲ್ಲಿಸುವುದರಿಂದ ಇಂತಹ ವಹಿವಾಟುದಾರರು ವಿನಾಯ್ತಿ ಪಡೆಯಲಿದ್ದಾರೆ.

. ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ರಿಟರ್ನ್ ಸಲ್ಲಿಕೆ ಸರಳೀಕರಣಗೊಳಿಸಲು ಜಿಎಸ್ಟಿ ಮಂಡಳಿಯು ಈಗಾಗಲೇ ಕಾರ್ಯಪ್ರವೃತ್ತವಾಗಿದೆ. ಮಂಡಳಿಯ ಮುಂದಿನ ಸಭೆಯಲ್ಲಿ ರಿಟರ್ನ್ ಸಲ್ಲಿಸುವುದನ್ನು ಸರಳಗೊಳಿಸುವ ನಿರ್ಧಾರ ಕೈಗೊಳ್ಳುವ ನಿರೀಕ್ಷೆ ಇದೆ. 6 ತಿಂಗಳ ಕಾಲ ನಿರಂತರವಾಗಿ ಶೂನ್ಯ ತೆರಿಗೆ ಪಾವತಿಸಿದ ತೆರಿಗೆದಾರರ ಪ್ರಮಾಣ ಶೇ 40ರಷ್ಟಿದೆ. ಇವರೆಲ್ಲ ವರ್ಷದಲ್ಲಿ ಎರಡು ಬಾರಿ ರಿಟರ್ನ್ ಸಲ್ಲಿಸಲು ಅರ್ಹರಾಗಲಿದ್ದಾರೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

. ₹ 1.50 ಕೋಟಿಗಳವರೆಗೆ ವಾರ್ಷಿಕ ವಹಿವಾಟು ನಡೆಸುವ ಉದ್ಯಮಗಳು ವಹಿವಾಟಿನ ಎರಡನೇ ತಿಂಗಳ 10ರ ಒಳಗೆ ಮತ್ತು ಇತರರು 20ರ ಒಳಗೆ ರಿಟರ್ನ್ ಸಲ್ಲಿಸಬೇಕು. ಸಣ್ಣ ಮತ್ತು ದೊಡ್ಡ ತೆರಿಗೆದಾರರು ವರ್ಷಕ್ಕೆ 12 ಬಾರಿ ರಿಟರ್ನ್ ಸಲ್ಲಿಸಬೇಕು.

. 2017ರ ಜುಲೈ ತಿಂಗಳಿನಿಂದ ಜಾರಿಗೆ ಬಂದಿರುವ ಜಿಎಸ್ಟಿ ವ್ಯವಸ್ಥೆಯಡಿ, ವಹಿವಾಟುದಾರರು ತಿಂಗಳಿಗೆ ಮೂರು ರಿಟರ್ನ್ಸ್ ಮತ್ತು ಒಂದು ವಾರ್ಷಿಕ ರಿಟರ್ನ್ ಸಲ್ಲಿಸಬೇಕಾಗುತ್ತದೆ. ಇದರಿಂದ ವರ್ಷಕ್ಕೆ 37 ರಿಟರ್ನ್ಸ್ ಸಲ್ಲಿಸಬೇಕಾಗುತ್ತದೆ. ರಿಟರ್ನ್ ಸಲ್ಲಿಕೆಯ ಸಂಕೀರ್ಣ ಸ್ವರೂಪ ಮತ್ತು ಜಿಎಸ್ಟಿಎನ್ನಲ್ಲಿನ ತಾಂತ್ರಿಕ ದೋಷದ ಕಾರಣಕ್ಕೆ ವಹಿವಾಟುದಾರರಿಂದ ವ್ಯಾಪಕ ದೂರುಗಳು ಕೇಳಿಬಂದಿದ್ದವು. ಈ ಕಾರಣಕ್ಕೆ ರಿಟರ್ನ್ ಸಲ್ಲಿಕೆ ಪ್ರಕ್ರಿಯೆ ಸರಳಗೊಳಿಸುವ ಬಗ್ಗೆ ಸಲಹೆ ನೀಡಲು ಜಿಎಸ್ಟಿ ಮಂಡಳಿಯು ಸಮಿತಿಯೊಂದನ್ನು ರಚಿಸಿದೆ.

. ‘ರಿಟರ್ನ್ಗಳ ಸಂಖ್ಯೆ ಕಡಿತ ಮತ್ತು ದಿನ ವಿಸ್ತರಣೆಯು ಬಹುತೇಕ ಸಮಸ್ಯೆಗಳನ್ನು ಬಗೆಹರಿಸಲಿದೆ’ ಎಂದು ಎಎಂಆರ್ಜಿ ಆ್ಯಂಡ್ ಅಸೋಸಿಯೇಟ್ಸ್ ಪಾರ್ಟ್ನರ್ ರಜತ್ ಮೋಹನ್ ಪ್ರತಿಕ್ರಿಯಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಜಿಎಸ್‌ಟಿ ರಿಟರ್ನ್ಸ್‌ ನಿಯಮ ಶೀಘ್ರವೇ ಸಡಿಲಿಕೆ ನಿರ್ಧಾರ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು