<p><strong>ಮೈಸೂರು: </strong>ವಿಶ್ವವಿದ್ಯಾಲಯ ಅನುದಾನ ಆಯೋಗ (ಯುಜಿಸಿ) ಆರಂಭಿಸಿರುವ ವಿಶಾಲ ಮುಕ್ತ ಆನ್ಲೈನ್ ಕೋರ್ಸ್ (ಮೂಕ್ಸ್) ಗಳಿಗೆ ಮೈಸೂರು ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳು ಅತ್ಯಧಿಕ ಸಂಖ್ಯೆಯಲ್ಲಿ ನೋಂದಣಿಯಾಗಿದ್ದು, ದೇಶದಲ್ಲೇ ಅಗ್ರಸ್ಥಾನ ಲಭಿಸಿದೆ.</p>.<p>ದೇಶದಲ್ಲಿ ಒಟ್ಟು 20 ಸರ್ಕಾರಿ ವಿಶ್ವವಿದ್ಯಾಲಯಗಳಲ್ಲಿ ‘ಮೂಕ್ಸ್’ ಆರಂಭವಾಗಿದೆ. ಮೈಸೂರು ವಿ.ವಿ.ಯಲ್ಲಿ 796 ವಿದ್ಯಾರ್ಥಿಗಳು ನೋಂದಣಿಯಾಗಿದ್ದಾರೆ. ಈ ಸಂಖ್ಯೆಯು ದೇಶದಲ್ಲೇ ಅತ್ಯಧಿಕ ಎಂಬ ಹೆಗ್ಗಳಿಕೆ ದೊರೆತಿದೆ.</p>.<p>ಕೆಲವು ಮುಂದುವರಿದ ರಾಷ್ಟ್ರಗಳಲ್ಲಿ ‘ಮೂಕ್ಸ್’ ಕೋರ್ಸ್ ಹೆಚ್ಚು ಪ್ರಚಲಿತ. ಮಸಾಚುಶೆಟ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಎಂಐಟಿ), ಜಾರ್ಜಿಯಾ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಜಿಐಟಿ) ಯಂತಹ ಸಂಸ್ಥೆಗಳಲ್ಲಿ ಮಾತ್ರ ಇದುವರೆಗೆ ಈ ಕೋರ್ಸ್ಗಳಿದ್ದವು. ವಿಶ್ವದಲ್ಲಿ ಕೆಲವೇ ಮಂದಿ ಈ ಕೋರ್ಸ್ಗೆ ನೋಂದಣಿ ಪಡೆಯುತ್ತಿದ್ದರು. ಇದನ್ನು ಗಮನಿಸಿದ ‘ಯುಜಿಸಿ’ಯು ಸ್ಟಡಿ ಆಫ್ ವೆಬ್ ಬೈ ಯಂಗ್ ಅಂಡ್ ಆಸ್ಪೈರಿಂಗ್ ಮೈಂಡ್ಸ್ (ಸ್ವಯಂ) ಎಂಬ ಯೋಜನೆಯನ್ನು ತಯಾರಿಸಿ 2018–19ನೇ ಸಾಲಿನಲ್ಲಿ ‘ಮೂಕ್ಸ್’ ಕೋರ್ಸ್ಗಳನ್ನು ಭಾರತದಲ್ಲಿ ಪರಿಚಯಿಸಿತ್ತು.</p>.<p><strong>ಉತ್ತೀರ್ಣ ಪ್ರಮಾಣದಲ್ಲೂ ನಂ.1:</strong> ಕೇವಲ ನೋಂದಣಿ ಮಾತ್ರವಲ್ಲದೆ, ಉತ್ತೀರ್ಣ ಪ್ರಮಾಣದಲ್ಲೂ ಮೈಸೂರು ವಿ.ವಿ ದೇಶಕ್ಕೆ ಮೊದಲ ಸ್ಥಾನ ಗಳಿಸಿದೆ. ದೇಶದಲ್ಲಿ ಒಟ್ಟು ಉತ್ತೀರ್ಣ ಪ್ರಮಾಣ ಶೇ 50ರಷ್ಟಿದೆ. ಮೈಸೂರು ವಿ.ವಿ.ಯದು ಶೇ 69.</p>.<p>‘ಈ ಪರೀಕ್ಷೆಗಳಲ್ಲಿ ಪಾಸಾಗುವುದು ಅಷ್ಟು ಸುಲಭದ ವಿಚಾರವಲ್ಲ. ಏಕೆಂದರೆ, ದೇಶದ ಪ್ರಮುಖ ಶಿಕ್ಷಣ ತಜ್ಞರು ಪಠ್ಯಕ್ರಮ ಸಿದ್ಧಪಡಿಸಿದ್ದಾರೆ. ಐಐಟಿ, ಐಐಎಂಗಳ ಆಯ್ದ ಪ್ರಾಧ್ಯಾಪಕರು ಈ ಕೆಲಸ ನಡೆಸಿದ್ದಾರೆ. ಪರೀಕ್ಷಾ ಕ್ರಮ ಅತ್ಯಂತ ಕಠಿಣವೂ, ಪಾರದರ್ಶಕವೂ ಆಗಿದೆ’ ಎಂದು ವಿ.ವಿ ಕುಲಸಚಿವ ಪ್ರೊ.ಲಿಂಗರಾಜ ಗಾಂಧಿ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p><strong>ಶೀಘ್ರವೇ ಶಿಕ್ಷಕರಿಗೂ ‘ಮೂಕ್ಸ್’:</strong> ಶಿಕ್ಷಕರಿಗೂ ‘ಮೂಕ್ಸ್’ ಕೋರ್ಸ್ ಆರಂಭಿಸಲು ವೇದಿಕೆ ಸಜ್ಜಾಗಿದೆ. ಶೈಕ್ಷಣಿಕ ಸಿಬ್ಬಂದಿ ವಿದ್ಯಾಲಯಗಳಲ್ಲಿ 1 ತಿಂಗಳು ನಡೆಯುವ ಸಾಂಪ್ರದಾಯಿಕ ತರಬೇತಿ ಕಾರ್ಯಕ್ರಮಗಳಿಗೆ ಸಮಾನಾಂತರವಾಗಿ ಈ ಕೋರ್ಸ್ಗಳು ಶುರುವಾಗಲಿವೆ. ಇದು ಶಿಕ್ಷಕರ ಜ್ಞಾನಾಭಿವೃದ್ಧಿಗೆ ಪೂರಕ ಎಂದರು.</p>.<p class="Briefhead"><strong>ಮೈಥಿಲಿ ದೇಶಕ್ಕೆ ಟಾಪರ್</strong></p>.<p>ಮೈಸೂರು ವಿ.ವಿ.ಯ ಸೂಕ್ಷ್ಮ ಜೀವವಿಜ್ಞಾನ ವಿಭಾಗದ ವಿದ್ಯಾರ್ಥಿನಿ, ಮಂಗಳೂರಿನ ಮೈಥಿಲಿ ಶ್ರೀರಾಮ್ ಅವರು ‘ಆಹಾರ ಸೂಕ್ಷ್ಮ ಜೀವವಿಜ್ಞಾನ ಹಾಗೂ ಆಹಾರ ಸಂರಕ್ಷಣೆ’ ವಿಷಯದಲ್ಲಿ ‘ಮೂಕ್ಸ್’ ಕೋರ್ಸ್ ತೆಗೆದುಕೊಂಡು ಶೇ 87 ಅಂಕ ಗಳಿಸಿದ್ದಾರೆ. ಇದು ದೇಶದಲ್ಲೇ ಅತ್ಯಧಿಕ ಅಂಕ.</p>.<p>‘ಪಠ್ಯಕ್ರಮ ತುಂಬಾ ಹಿಡಿಸಿತ್ತು. ಕಠಿಣವಾಗಿದ್ದರೂ ಜ್ಞಾನ ಪೂರಕವಾಗಿತ್ತು. ಪ್ರತಿವಾರ ಆನ್ಲೈನ್ ವಿಡಿಯೊ ಸಿಗುತ್ತಿತ್ತು. ಸಿದ್ಧಪಠ್ಯವೂ ಲಭ್ಯವಿತ್ತು. ಆಗಾಗ ರಸಪ್ರಶ್ನೆ ನಡೆಸಲಾಗುತ್ತಿತ್ತು. ಸಿದ್ಧತೆ ಅತ್ಯುತ್ತಮವಾಗಿದ್ದ ಕಾರಣ ಇಷ್ಟು ಅಂಕ ಗಳಿಸಲು ಸಾಧ್ಯವಾಯಿತು’ ಎಂದು ಮೈಥಿಲಿ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು: </strong>ವಿಶ್ವವಿದ್ಯಾಲಯ ಅನುದಾನ ಆಯೋಗ (ಯುಜಿಸಿ) ಆರಂಭಿಸಿರುವ ವಿಶಾಲ ಮುಕ್ತ ಆನ್ಲೈನ್ ಕೋರ್ಸ್ (ಮೂಕ್ಸ್) ಗಳಿಗೆ ಮೈಸೂರು ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳು ಅತ್ಯಧಿಕ ಸಂಖ್ಯೆಯಲ್ಲಿ ನೋಂದಣಿಯಾಗಿದ್ದು, ದೇಶದಲ್ಲೇ ಅಗ್ರಸ್ಥಾನ ಲಭಿಸಿದೆ.</p>.<p>ದೇಶದಲ್ಲಿ ಒಟ್ಟು 20 ಸರ್ಕಾರಿ ವಿಶ್ವವಿದ್ಯಾಲಯಗಳಲ್ಲಿ ‘ಮೂಕ್ಸ್’ ಆರಂಭವಾಗಿದೆ. ಮೈಸೂರು ವಿ.ವಿ.ಯಲ್ಲಿ 796 ವಿದ್ಯಾರ್ಥಿಗಳು ನೋಂದಣಿಯಾಗಿದ್ದಾರೆ. ಈ ಸಂಖ್ಯೆಯು ದೇಶದಲ್ಲೇ ಅತ್ಯಧಿಕ ಎಂಬ ಹೆಗ್ಗಳಿಕೆ ದೊರೆತಿದೆ.</p>.<p>ಕೆಲವು ಮುಂದುವರಿದ ರಾಷ್ಟ್ರಗಳಲ್ಲಿ ‘ಮೂಕ್ಸ್’ ಕೋರ್ಸ್ ಹೆಚ್ಚು ಪ್ರಚಲಿತ. ಮಸಾಚುಶೆಟ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಎಂಐಟಿ), ಜಾರ್ಜಿಯಾ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಜಿಐಟಿ) ಯಂತಹ ಸಂಸ್ಥೆಗಳಲ್ಲಿ ಮಾತ್ರ ಇದುವರೆಗೆ ಈ ಕೋರ್ಸ್ಗಳಿದ್ದವು. ವಿಶ್ವದಲ್ಲಿ ಕೆಲವೇ ಮಂದಿ ಈ ಕೋರ್ಸ್ಗೆ ನೋಂದಣಿ ಪಡೆಯುತ್ತಿದ್ದರು. ಇದನ್ನು ಗಮನಿಸಿದ ‘ಯುಜಿಸಿ’ಯು ಸ್ಟಡಿ ಆಫ್ ವೆಬ್ ಬೈ ಯಂಗ್ ಅಂಡ್ ಆಸ್ಪೈರಿಂಗ್ ಮೈಂಡ್ಸ್ (ಸ್ವಯಂ) ಎಂಬ ಯೋಜನೆಯನ್ನು ತಯಾರಿಸಿ 2018–19ನೇ ಸಾಲಿನಲ್ಲಿ ‘ಮೂಕ್ಸ್’ ಕೋರ್ಸ್ಗಳನ್ನು ಭಾರತದಲ್ಲಿ ಪರಿಚಯಿಸಿತ್ತು.</p>.<p><strong>ಉತ್ತೀರ್ಣ ಪ್ರಮಾಣದಲ್ಲೂ ನಂ.1:</strong> ಕೇವಲ ನೋಂದಣಿ ಮಾತ್ರವಲ್ಲದೆ, ಉತ್ತೀರ್ಣ ಪ್ರಮಾಣದಲ್ಲೂ ಮೈಸೂರು ವಿ.ವಿ ದೇಶಕ್ಕೆ ಮೊದಲ ಸ್ಥಾನ ಗಳಿಸಿದೆ. ದೇಶದಲ್ಲಿ ಒಟ್ಟು ಉತ್ತೀರ್ಣ ಪ್ರಮಾಣ ಶೇ 50ರಷ್ಟಿದೆ. ಮೈಸೂರು ವಿ.ವಿ.ಯದು ಶೇ 69.</p>.<p>‘ಈ ಪರೀಕ್ಷೆಗಳಲ್ಲಿ ಪಾಸಾಗುವುದು ಅಷ್ಟು ಸುಲಭದ ವಿಚಾರವಲ್ಲ. ಏಕೆಂದರೆ, ದೇಶದ ಪ್ರಮುಖ ಶಿಕ್ಷಣ ತಜ್ಞರು ಪಠ್ಯಕ್ರಮ ಸಿದ್ಧಪಡಿಸಿದ್ದಾರೆ. ಐಐಟಿ, ಐಐಎಂಗಳ ಆಯ್ದ ಪ್ರಾಧ್ಯಾಪಕರು ಈ ಕೆಲಸ ನಡೆಸಿದ್ದಾರೆ. ಪರೀಕ್ಷಾ ಕ್ರಮ ಅತ್ಯಂತ ಕಠಿಣವೂ, ಪಾರದರ್ಶಕವೂ ಆಗಿದೆ’ ಎಂದು ವಿ.ವಿ ಕುಲಸಚಿವ ಪ್ರೊ.ಲಿಂಗರಾಜ ಗಾಂಧಿ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p><strong>ಶೀಘ್ರವೇ ಶಿಕ್ಷಕರಿಗೂ ‘ಮೂಕ್ಸ್’:</strong> ಶಿಕ್ಷಕರಿಗೂ ‘ಮೂಕ್ಸ್’ ಕೋರ್ಸ್ ಆರಂಭಿಸಲು ವೇದಿಕೆ ಸಜ್ಜಾಗಿದೆ. ಶೈಕ್ಷಣಿಕ ಸಿಬ್ಬಂದಿ ವಿದ್ಯಾಲಯಗಳಲ್ಲಿ 1 ತಿಂಗಳು ನಡೆಯುವ ಸಾಂಪ್ರದಾಯಿಕ ತರಬೇತಿ ಕಾರ್ಯಕ್ರಮಗಳಿಗೆ ಸಮಾನಾಂತರವಾಗಿ ಈ ಕೋರ್ಸ್ಗಳು ಶುರುವಾಗಲಿವೆ. ಇದು ಶಿಕ್ಷಕರ ಜ್ಞಾನಾಭಿವೃದ್ಧಿಗೆ ಪೂರಕ ಎಂದರು.</p>.<p class="Briefhead"><strong>ಮೈಥಿಲಿ ದೇಶಕ್ಕೆ ಟಾಪರ್</strong></p>.<p>ಮೈಸೂರು ವಿ.ವಿ.ಯ ಸೂಕ್ಷ್ಮ ಜೀವವಿಜ್ಞಾನ ವಿಭಾಗದ ವಿದ್ಯಾರ್ಥಿನಿ, ಮಂಗಳೂರಿನ ಮೈಥಿಲಿ ಶ್ರೀರಾಮ್ ಅವರು ‘ಆಹಾರ ಸೂಕ್ಷ್ಮ ಜೀವವಿಜ್ಞಾನ ಹಾಗೂ ಆಹಾರ ಸಂರಕ್ಷಣೆ’ ವಿಷಯದಲ್ಲಿ ‘ಮೂಕ್ಸ್’ ಕೋರ್ಸ್ ತೆಗೆದುಕೊಂಡು ಶೇ 87 ಅಂಕ ಗಳಿಸಿದ್ದಾರೆ. ಇದು ದೇಶದಲ್ಲೇ ಅತ್ಯಧಿಕ ಅಂಕ.</p>.<p>‘ಪಠ್ಯಕ್ರಮ ತುಂಬಾ ಹಿಡಿಸಿತ್ತು. ಕಠಿಣವಾಗಿದ್ದರೂ ಜ್ಞಾನ ಪೂರಕವಾಗಿತ್ತು. ಪ್ರತಿವಾರ ಆನ್ಲೈನ್ ವಿಡಿಯೊ ಸಿಗುತ್ತಿತ್ತು. ಸಿದ್ಧಪಠ್ಯವೂ ಲಭ್ಯವಿತ್ತು. ಆಗಾಗ ರಸಪ್ರಶ್ನೆ ನಡೆಸಲಾಗುತ್ತಿತ್ತು. ಸಿದ್ಧತೆ ಅತ್ಯುತ್ತಮವಾಗಿದ್ದ ಕಾರಣ ಇಷ್ಟು ಅಂಕ ಗಳಿಸಲು ಸಾಧ್ಯವಾಯಿತು’ ಎಂದು ಮೈಥಿಲಿ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
