ಗುರುವಾರ , ಜೂಲೈ 9, 2020
29 °C
ಸಿನಿಮಾ ವಿಮರ್ಶೆಆರೋಗ್ಯಫ್ಯಾಕ್ಟ್‌ಚೆಕ್ಧರ್ಮಪದಬಂಧರಾಜಕಾರಣಕಾರ್ಟೂನ್ ಲೋಕಸಮಗ್ರ ಮಾಹಿತಿಸುಧಾದಿನದ ಸೂಕ್ತಿಮಹಿಳೆ

ನಿತ್ಯೋತ್ಸವ ಕವಿ ನಿಸಾರ್‌ ಅಹಮದ್‌ ನಿಧನಕ್ಕೆ ಕಂಬನಿ ಮಿಡಿದ ನಾಡಿನ ಗಣ್ಯರು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ :ಆ |ಆ |ಆ

ನಿತ್ಯೋತ್ಸವ ಕವಿ ಎಂದೇ ಹೆಸರಾಗಿದ್ದ ಹಿರಿಯ ಸಾಹಿತಿ ನಿಸಾರ್ ಅಹಮದ್ (84) ಅವರು ಭಾನುವಾರ ಬೆಂಗಳೂರಿನ ಪದ್ಮನಾಭನಗರದ ತಮ್ಮ ನಿವಾಸದಲ್ಲಿ ನಿಧನರಾದರು. ಅವರ ನಿಧನಕ್ಕೆ ರಾಜಕೀಯ ನಾಯಕರು, ಕವಿಗಳು, ಸಿನೆಮಾ ನಟರು, ಸಾಹಿತ್ಯಾಸಕ್ತರು ಮತ್ತು ಅಭಿಮಾನಿಗಳು ಕಂಬನಿ ಮಿಡಿದಿದ್ದಾರೆ. 

‘ನಿಸಾರ್ ಅಹಮದ್ ನಿಧನದ ಸುದ್ದಿ ನೋವಿನ ಸಂಗತಿಯಾಗಿದ್ದು ಅವರ ಅಗಲಿಕೆಯ ನೋವನ್ನು ಭರಿಸುವ ಶಕ್ತಿಯನ್ನು ಅವರ ಕುಟುಂಬ ವರ್ಗಕ್ಕೆ ಆ ದೇವರು ಕರುಣಿಸಲಿ’ ಎಂದು ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಟಿ.ಎಸ್. ನಾಗಾಭರಣ ಸಂತಾಪ ಸೂಚಿಸಿದ್ದಾರೆ.

ನಿಸಾರ್‌ ಅಹಮದ್‌ ಅವರ ನಿಧನಕ್ಕೆ ಟ್ವೀಟ್‌ ಮೂಲಕ ಸಂತಾಪ ಸೂಚಿಸಿರುವ ಮುಖ್ಯಮಂತ್ರಿ ಯಡಿಯೂರಪ್ಪ, 'ಹಿರಿಯ ಸಾಹಿತಿ ಕೆ ಎಸ್ ನಿಸಾರ್ ಅಹಮದ್ ಅವರ ನಿಧನ ದುಃಖ ತಂದಿದೆ. ಅವರು ಪ್ರಾಧ್ಯಾಪಕರಾಗಿ, ಭೂ ವಿಜ್ಞಾನಿಯಾಗಿಯೂ ಸೇವೆ ಸಲ್ಲಿಸಿದ್ದರು. ಸಂವೇದನಾಶೀಲ ಲೇಖಕರಾಗಿ, ಜನಪ್ರಿಯ ಕವಿಯಾಗಿ ಅವರು ಗುರುತಿಸಿಕೊಂಡಿದ್ದರು. ಅವರ ಆತ್ಮಕ್ಕೆ ಶಾಂತಿ ಸಿಗಲಿ ಹಾಗೂ ಅವರ ಅಗಲಿಕೆಯ ನೋವನ್ನು ಭರಿಸುವ ಶಕ್ತಿಯನ್ನು ದೇವರು, ಅವರ ಕುಟುಂಬ ಸದಸ್ಯರು, ಅಭಿಮಾನಿಗಳಿಗೆ ನೀಡಲಿ ಎಂದು ದೇವರಲ್ಲಿ ಪ್ರಾರ್ಥಿಸುತ್ತೇನೆ' ಎಂದು ತಿಳಿಸಿದ್ದಾರೆ.

ಕವಿ ಪ್ರೊ.ಕೆ.ಎಸ್.ನಿಸಾರ್ ಅಹ್ಮದ್ ನಿಧನ ಕನ್ನಡ ಸಾರಸ್ವತ ಲೋಕಕ್ಕೆ ತುಂಬಿಬಾರದ ನಷ್ಟ ಎಂದು ತಿಳಿಸಿರುವ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ,'ಯಾವ ಪಂಥ-ಪಂಗಡಕ್ಕೆ ಕಟ್ಟಿಕೊಳ್ಳದೆ ಸ್ಚಚ್ಛಂದವಾಗಿ ಹಕ್ಕಿಯಂತೆ ಕಾವ್ಯಕಟ್ಟುತ್ತಾ‌ ಸರ್ವಜನ ಪ್ರಿಯರಾಗಿದ್ದ ನಿಸಾರ್ ಅಹ್ಮದ್ ಅವರ ಕಾಯ ಅಳಿದರೂ ಅವರ ಕಾವ್ಯದ ಮೂಲಕ ನಮ್ಮ ನೆನಪಲ್ಲಿ ಸದಾ ಜೀವಂತ. ನನ್ನ ಗೌರವಪೂರ್ಣ ಸಂತಾಪಗಳು' ಎಂದಿದ್ದಾರೆ. 

ನಿತ್ಯೋತ್ಸವದ ಕವಿ ಪ್ರೊ. ಕೆ.ಎಸ್. ನಿಸಾರ್ ಅಹಮದ್ ಅವರ ನಿಧನಕ್ಕೆ ತೀವ್ರ ಕಂಬನಿ ಮಿಡಿಯುತ್ತೇನೆ ಎಂದಿರುವ ಮಾಜಿ ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ಅವರು' ಮನಸು ಗಾಂಧಿಬಜಾರು ಹಾಗು ನಿತ್ಯೋತ್ಸವ ಇವು ನಿಸಾರ್ ಅವರ ಪ್ರಸಿದ್ಧ ಕವನ ಸಂಕಲನಗಳಾಗಿವೆ. ನಿಸಾರ್‍ ಅಹಮದ್ ಸಂವೇದನಾಶೀಲ ಹಾಗೂ ಜನಪ್ರಿಯ ಕವಿ. ಇವರ ನಿಧನದಿಂದ ಬಹುಮುಖ ಪ್ರತಿಭೆಯ ಸಾಹಿತ್ಯ ಪ್ರಭೆ ಮುಸುಕಾದಂತಾಗಿದೆ' ಎಂದು ಕಂಬನಿ ಮಿಡಿದಿದ್ದಾರೆ. 

ಕೆ.ಎಸ್ ನಿಸಾರ್ ಅಹಮದ್ ಅವರ ಅಗಲಿಕೆ ಕನ್ನಡ ಸಾರಸ್ವತ ಲೋಕಕ್ಕೆ ತುಂಬಲಾರದ ನಷ್ಟ ಎಂದು ಹೇಳಿರುವ ಕರ್ನಾಟಕ ಕಾಂಗ್ರೆಸ್‌ ಪಕ್ಷವು, 'ತಮ್ಮ ಭಾವಗೀತೆಗಳ ಮೂಲಕ ಕನ್ನಡಿಗರ ಮನೆಮಾತಾಗಿದ್ದ, 73ನೇ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷತೆ ವಹಿಸಿದ್ದ, ಹಿರಿಯ ಸಾಹಿತಿ, ನಿತ್ಯೋತ್ಸವದ ಕವಿ, ನಾಡೋಜ ಕೆ.ಎಸ್ ನಿಸಾರ್ ಅಹಮದ್ ಅವರ ಅಗಲಿಕೆ ಕನ್ನಡ ಸಾರಸ್ವತ ಲೋಕಕ್ಕೆ ತುಂಬಲಾರದ ನಷ್ಟ. ಅವರ ಆತ್ಮಕ್ಕೆ ಶಾಂತಿ ದೊರಕಲಿ, ಕುಟುಂಬವರ್ಗ, ಅಭಿಮಾನಿ ಬಳಗಕ್ಕೆ ದುಃಖ ಭರಿಸುವ ಶಕ್ತಿ ಲಭಿಸಲಿ' ಎಂದು ತಿಳಿಸಿದೆ.

ಸಾಹಿತ್ಯಲೋಕಕ್ಕೆ ನಿಸಾರ್‌ ಅಹಮದ್‌ ಅವರ ಕೊಡುಗೆ ಅಜರಾಮರ ಎಂದಿರುವ ನಟ ಪುನೀತ್‌ ರಾಜ್‌ಕುಮಾರ್‌, 'ನಿತ್ಯೋತ್ಸವ ಸಾಲುಗಳು ನೀಡಿದ  ಕನ್ನಡದ ಮಹಾನ್ ಕವಿ ಪದ್ಮಶ್ರೀ ಕೆ. ಎಸ್. ನಿಸಾರ್ ಅಹಮದ್ ಸರ್ ಇನ್ನಿಲ್ಲ! ಸಾಹಿತ್ಯಲೋಕಕ್ಕೆ ಅವರ ಕೊಡುಗೆ ಅಜರಾಮರ!' ಎಂದು ಹೇಳಿದ್ದಾರೆ.

ನಿಸಾರ್ ಅಹಮದ್ ನಿಧನದಿಂದ ತೀವ್ರ ಆಘಾತವಾಗಿದೆ ಎಂದಿರುವ ಉಪ ಮುಖ್ಯಮಂತ್ರಿ ಅಶ್ವತ್ಥನಾರಾಯಣ, 'ನಿತ್ಯೋತ್ಸವದ ಕವಿ, ಕನ್ನಡ ಕಾವ್ಯ ಜಗತ್ತಿಗೆ ನವೋಲ್ಲಾಸ ತಂದುಕೊಟ್ಟ ಉತ್ಸಾಹದ ಚಿಲುಮೆ ಪ್ರೊ. ಕೆ ಎಸ್ ನಿಸಾರ್ ಅಹಮದ್ ನಿಧನದಿಂದ ನನಗೆ ತೀವ್ರ ಆಘಾತವಾಗಿದೆ. ಅವರ ಕುಟುಂಬಕ್ಕೆ, ಸಾರಸ್ವತ ಲೋಕಕ್ಕೆ ಇವರ ಅಗಲಿಕೆಯನ್ನು ಭರಿಸುವ ಶಕ್ತಿ ದೊರೆಯಲಿ. ಪ್ರೊ. ನಿಸಾರರಿಗೆ ಚಿರಶಾಂತಿ ಸಿಗಲಿ ಎಂದು ಪ್ರಾರ್ಥಿಸುತ್ತೇನೆ!' ಎಂದಿದ್ದಾರೆ. 

ನಿಸಾರ್ ಅಹಮದ್ ಅವರ ನಿಧನದ ಸುದ್ದಿ ನನಗೆ ಅತ್ಯಂತ ದುಃಖ ತಂದಿದೆ ಎಂದಿರುವ ಸಚಿವ ಸಿ ಟಿ ರವಿ, 'ಮನಸು ಗಾಂಧಿಬಜಾರು ಕವನ ಸಂಕಲನ, ಬೆಣ್ಣೆ ಕದ್ದ ನಮ್ಮ ಕೃಷ್ಣದಂತಹ ಕವನ ನಮಗೆ ಕೊಟ್ಟು, ಜೋಗದ ಸಿರಿ ಬೆಳಕಿನ ಮೂಲಕ ನಿತ್ಯೋತ್ಸವವನ್ನು ವರ್ಣಿಸಿದ ಶ್ರೇಷ್ಠ ಕವಿ ಕೆ.ಎಸ್ ನಿಸಾರ್ ಅಹಮದ್ ಅವರ ನಿಧನದ ಸುದ್ದಿ ನನಗೆ ಅತ್ಯಂತ ದುಃಖ ತಂದಿದೆ. ಭಗವಂತ ಅವರ ಆತ್ಮಕ್ಕೆ ಸದ್ಗತಿ ನೀಡಲಿ,ಅವರ ಕುಟುಂಬಕ್ಕೆ ಈ ದುಃಖವನ್ನು ಭರಿಸುವ ಶಕ್ತಿ ನೀಡಲಿ' ಎಂದು ತಿಳಿಸಿದ್ದಾರೆ.

ನಿಸಾರ್ ಅಹಮದ್ ಅವರನ್ನು ಕಳೆದುಕೊಂಡಿರುವುದು ಕನ್ನಡ ಸಾಹಿತ್ಯ ಲೋಕಕ್ಕೆ ತುಂಬಲಾರದ ನಷ್ಟ ಎಂದಿರುವ ಕಾಂಗ್ರೆಸ್ ನಾಯಕ ಪ್ರಿಯಾಂಕ್‌ ಖರ್ಗೆ, '6 ದಶಕಗಳಿಂದ ಕನ್ನಡ ಸಾಹಿತ್ಯ ಸೇವೆಯಲ್ಲಿ ತೊಡಗಿಸಿಕೊಂಡಿದ್ದ ಮೇರು ಸಾಹಿತಿ, ಪ್ರಾಧ್ಯಾಪಕರು ಹಾಗೂ ನಿತ್ಯೋತ್ಸವ ಕವಿ ಕೆ.ಎಸ್ ನಿಸಾರ್ ಅಹಮದ್ ಅವರನ್ನು ಕಳೆದುಕೊಂಡಿರುವುದು ಕನ್ನಡ ಸಾಹಿತ್ಯ ಲೋಕಕ್ಕೆ ತುಂಬಲಾರದ ನಷ್ಟ. ಅವರ ಹಿತೈಷಿಗಳು & ಕುಟುಂಬ ವರ್ಗಕ್ಕೆ ದೇವರು ಅವರ ಅಗಲಿಕೆಯ ದುಃಖವನ್ನು ಭರಿಸುವ ಶಕ್ತಿ ನೀಡಲೆಂದು ಪ್ರಾರ್ಥಿಸುತ್ತೇನೆ' ಎಂದು ಹೇಳಿದ್ದಾರೆ. 

Nissar Ahmed
Kannada literature
B S Yediyurappa
Siddaramaiah
H D Kumaraswamy

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು

ಸಿಬಿಎಸ್ಇ ಪಠ್ಯದಿಂದ ಪೌರತ್ವ, ಜಾತ್ಯತೀತ ಪಾಠ ಕೈಬಿಟ್ಟದ್ದಕ್ಕೆ ಸಿದ್ದರಾಮಯ್ಯ ಟೀಕೆ ಸಿಬಿಎಸ್ಇ ಪಠ್ಯದಿಂದ ಪೌರತ್ವ, ಜಾತ್ಯತೀತ ಪಾಠ ಕೈಬಿಟ್ಟದ್ದಕ್ಕೆ ಸಿದ್ದರಾಮಯ್ಯ ಟೀಕೆ
ರಾಷ್ಟ್ರೀಯ
ಬೌರಿಂಗ್ ಆಸ್ಪತ್ರೆ ನಿರ್ದೇಶಕರನ್ನು ರಜೆ ಮೇಲೆ ಕಳಿಸಿದ್ದು ಯಾಕೆ: ಖಂಡ್ರೆ ಪ್ರಶ್ನೆ ಬೌರಿಂಗ್ ಆಸ್ಪತ್ರೆ ನಿರ್ದೇಶಕರನ್ನು ರಜೆ ಮೇಲೆ ಕಳಿಸಿದ್ದು ಯಾಕೆ: ಖಂಡ್ರೆ ಪ್ರಶ್ನೆ
ರಾಜ್ಯ
ಸರ್ಕಾರ ತಪ್ಪುತಿದ್ದಿಕೊಳ್ಳದಿದ್ದರೆ, ಪ್ರಶ್ನಿಸುವುದು ಅನಿವಾರ್ಯ: ಸಿದ್ದರಾಮಯ್ಯ ಸರ್ಕಾರ ತಪ್ಪುತಿದ್ದಿಕೊಳ್ಳದಿದ್ದರೆ, ಪ್ರಶ್ನಿಸುವುದು ಅನಿವಾರ್ಯ: ಸಿದ್ದರಾಮಯ್ಯ
ರಾಜ್ಯ
ಆನ್‌ಲೈನ್‌ ಶಿಕ್ಷಣ ವರದಿಗೆ ವಿರೋಧ, ತಜ್ಞರ ಶಿಫಾರಸು ಜಾರಿಗೆ ತರದಂತೆ ಒತ್ತಾಯ ಆನ್‌ಲೈನ್‌ ಶಿಕ್ಷಣ ವರದಿಗೆ ವಿರೋಧ, ತಜ್ಞರ ಶಿಫಾರಸು ಜಾರಿಗೆ ತರದಂತೆ ಒತ್ತಾಯ
ರಾಜ್ಯ
ರಾಹುಲ್‌ ಗಾಂಧಿ ಗಡಿಗೆ ತೆರಳಿದ್ದರೇ: ಸಿದ್ದರಾಮಯ್ಯಗೆ ಕಟೀಲ್‌ ತಿರುಗೇಟು ರಾಹುಲ್‌ ಗಾಂಧಿ ಗಡಿಗೆ ತೆರಳಿದ್ದರೇ: ಸಿದ್ದರಾಮಯ್ಯಗೆ ಕಟೀಲ್‌ ತಿರುಗೇಟು
ದಕ್ಷಿಣ ಕನ್ನಡ
ಕೋವಿಡ್‌ ನಿರ್ವಹಣೆ ಲೆಕ್ಕ ಕೊಡದಿದ್ದರೆ ಬಿಡಲ್ಲ: ಸಿದ್ದರಾಮಯ್ಯ ಸವಾಲು ಕೋವಿಡ್‌ ನಿರ್ವಹಣೆ ಲೆಕ್ಕ ಕೊಡದಿದ್ದರೆ ಬಿಡಲ್ಲ: ಸಿದ್ದರಾಮಯ್ಯ ಸವಾಲು
ರಾಜ್ಯ
ಕೋವಿಡ್‌ ಉಪಕರಣ ಖರೀದಿ ಅಕ್ರಮ: ನಿರಾಣಿ ಪೆನ್‌ಡ್ರೈವ್‌ ‘ಸಾಕ್ಷಿ’? ಕೋವಿಡ್‌ ಉಪಕರಣ ಖರೀದಿ ಅಕ್ರಮ: ನಿರಾಣಿ ಪೆನ್‌ಡ್ರೈವ್‌ ‘ಸಾಕ್ಷಿ’?
ರಾಜ್ಯ
ಮೈಸೂರಿನಲ್ಲಿ ಸಿದ್ದರಾಮಯ್ಯ ಸ್ವಯಂ ಕ್ವಾರಂಟೈನ್‌  ಮೈಸೂರಿನಲ್ಲಿ ಸಿದ್ದರಾಮಯ್ಯ ಸ್ವಯಂ ಕ್ವಾರಂಟೈನ್‌ 
ರಾಜ್ಯ
ಟಿ. ಕಾಟೂರಿನ ತೋಟದ ಮನೆಯಲ್ಲಿ ಸಿದ್ದರಾಮಯ್ಯ ವಾಸ್ತವ್ಯ: ಕ್ವಾರಂಟೈನ್‌ ಗುಮಾನಿ ಟಿ. ಕಾಟೂರಿನ ತೋಟದ ಮನೆಯಲ್ಲಿ ಸಿದ್ದರಾಮಯ್ಯ ವಾಸ್ತವ್ಯ: ಕ್ವಾರಂಟೈನ್‌ ಗುಮಾನಿ
ರಾಜ್ಯ
ಬಿಜೆಪಿಯ ಸಂತೋಷ್‌ 'ಕೌಂಟರ್‌'ಗೆ ಟ್ವೀಟ್‌ ಮೂಲಕವೇ 'ತಿವಿದ' ಸಿದ್ದರಾಮಯ್ಯ ಬಿಜೆಪಿಯ ಸಂತೋಷ್‌ 'ಕೌಂಟರ್‌'ಗೆ ಟ್ವೀಟ್‌ ಮೂಲಕವೇ 'ತಿವಿದ' ಸಿದ್ದರಾಮಯ್ಯ
ರಾಜ್ಯ
ಬೇಕಿದ್ದರೆ ದಾಖಲೆ ನೋಡಿ: ಸಿದ್ದರಾಮಯ್ಯಗೆ ಮುಖ್ಯಮಂತ್ರಿ ಸವಾಲು ಬೇಕಿದ್ದರೆ ದಾಖಲೆ ನೋಡಿ: ಸಿದ್ದರಾಮಯ್ಯಗೆ ಮುಖ್ಯಮಂತ್ರಿ ಸವಾಲು
ರಾಜ್ಯ
ಹೆಚ್ಚಿದ ಸೋಂಕು: ನಗರ ತೊರೆಯುತ್ತಿರುವ ಜನ ಹೆಚ್ಚಿದ ಸೋಂಕು: ನಗರ ತೊರೆಯುತ್ತಿರುವ ಜನ
ರಾಜ್ಯ

ಪ್ರಜಾವಾಣಿ ಪಿಕ್ಸ್

ರಾಜ್ಯ
ಕ್ರಿಕೆಟ್
ರಾಷ್ಟ್ರೀಯ
ರಾಜ್ಯ
ರಾಷ್ಟ್ರೀಯ
ಸಾಮಾಜಿಕ ಮಾಧ್ಯಮ
ರಾಷ್ಟ್ರೀಯ
ರಾಷ್ಟ್ರೀಯ
ಕ್ರಿಕೆಟ್
ರಾಷ್ಟ್ರೀಯ
ಕ್ರಿಕೆಟ್
ರಾಷ್ಟ್ರೀಯ