ಶನಿವಾರ, ಜೂಲೈ 4, 2020
28 °C

'ನಿಸರ್ಗ' ಚಂಡಮಾರುತ: ವಿಶೇಷ ರೈಲುಗಳ ಮಾರ್ಗ ಬದಲಾವಣೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕಾರವಾರ: ಕರಾವಳಿಯಲ್ಲಿ ಬೀಸುತ್ತಿರುವ 'ನಿಸರ್ಗ' ಚಂಡಮಾರುತವು ಮಹಾರಾಷ್ಟ್ರದ ಕರಾವಳಿ ಜಿಲ್ಲೆಗಳಿಗೆ ಜೂನ್ 3ರಂದು ಅಪ್ಪಳಿಸುವ ಸಾಧ್ಯತೆಯಿದೆ. ಹಾಗಾಗಿ ಮುನ್ನೆಚ್ಚರಿಕಾ ಕ್ರಮವಾಗಿ ಜೂನ್ 2 ಮತ್ತು 3ರಂದು ಕೊಂಕಣ ರೈಲು ಮಾರ್ಗದ ಕೆಲವು ವಿಶೇಷ ರೈಲುಗಳ ಮಾರ್ಗ ಬದಲಾವಣೆ ಮಾಡಲಾಗಿದೆ.

ಜೂನ್ 2ರಂದು ಸಂಚರಿಸುವ ಎರ್ನಾಕುಲಂ- ಎಚ್.ನಿಜಾಮುದ್ದೀನ್ (ರೈಲು ಸಂಖ್ಯೆ 02617) ಸ್ಪೆಷಲ್ ರೈಲನ್ನು ಮಡಗಾಂ ಜಂಕ್ಷನ್ ನಿಂದ- ಲೋಂಡಾ- ಮೀರಜ್-ಪುಣೆ-ಮನ್ಮಾದ್ ಮಾರ್ಗವಾಗಿ ಚಲಿಸಲು ಸೂಚಿಸಲಾಗಿದೆ.

ಇದೇ ದಿನ ಸಂಚರಿಸುವ ತಿರುವನಂತಪುರ ಸೆಂಟ್ರಲ್ - ಲೋಕಮಾನ್ಯ ತಿಲಕ್ ಟರ್ಮಿನಸ್ (ರೈಲು ಸಂಖ್ಯೆ 06346)  ರೈಲು  ಮಡಗಾಂವ್ ಜಂಕ್ಷನ್- ಲೋಂಡಾ- ಮೀರಜ್- ಪುಣೆ- ಕಲ್ಯಾಣ ಮೂಲಕ ಸಾಗಲಿದೆ. ಅದೇರೀತಿ, 02432 ಸಂಖ್ಯೆಯ ನವದೆಹಲಿ- ತಿರುವನಂತಪುರ ಸೆಂಟ್ರಲ್ ವಿಶೇಷ ರೈಲು  ಸೂರತ್- ವಸೈ ರೋಡ್- ಕಲ್ಯಾಣ್- ಮೀರಜ್- ಲೋಂಡಾ- ಮಡಗಾಂವ್ ಜಂಕ್ಷನ್ ಮೂಲಕ ಸಾಗಲಿದೆ.

ಜೂನ್ 3ರಂದು ಸಂಚರಿಸುವ ಲೋಕಮಾನ್ಯ ತಿಲಕ್ (ಟಿ)- ತಿರುವನಂತಪುರ ಸೆಂಟ್ರಲ್ (ರೈಲು ಸಂಖ್ಯೆ 06345) ವಿಶೇಷ ರೈಲು ಸಂಜೆ 6ಕ್ಕೆ ಪ್ರಯಾಣ ಆರಂಭಿಸಲಿದೆ ಎಂದು ಕೊಂಕಣ ರೈಲ್ವೆ ಪ್ರಕಟಣೆ ತಿಳಿಸಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು