ಬುಧವಾರ, ಏಪ್ರಿಲ್ 21, 2021
23 °C

53 ಬಾರಿ ನಿಯಮ ಉಲ್ಲಂಘಿಸಿ ಸಿಕ್ಕಿಬಿದ್ದ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: 53 ಬಾರಿ ಸಂಚಾರ ನಿಯಮ ಉಲ್ಲಂಘಿಸಿದ್ದ ಡೆಲಿವರಿ ಬಾಯ್‌ ಆನಂದ್ ಎಂಬುವರು ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದು, ಅವರಿಂದ ₹ 5,300 ದಂಡ ವಸೂಲಿ ಮಾಡಲಾಗಿದೆ.

ಮೊಬೈಲ್ ಆ್ಯಪ್ ಆಧರಿತ ಆಹಾರ ಸರಬರಾಜು ಮಾಡುವ ‘ಸ್ವಿಗ್ಗಿ’ ಕಂಪನಿಯ ಡೆಲಿವರಿ ಬಾಯ್ ಆಗಿರುವ ಆನಂದ್, ಜುಲೈ 13ರಂದು ಆಡುಗೋಡಿ ಸಿಗ್ನಲ್‌ ಜಂಪ್‌ ಮಾಡಿದ್ದರು. ಅದನ್ನು ಗಮನಿಸಿದ್ದ ಪೊಲೀಸರು, ಅವರನ್ನು ಬೆನ್ನಟ್ಟಿ ಬೈಕ್ ನಿಲ್ಲಿಸಿದ್ದರು. ಆನಂದ್ ಹೆಲ್ಮೆಟ್ ಸಹ ಧರಿಸಿರಲಿಲ್ಲ.

ಆನಂದ್ ಅವರ ಬೈಕ್‌ ನೋಂದಣಿ ಸಂಖ್ಯೆಯನ್ನು ಉಪಕರಣದಲ್ಲಿ ನಮೂದಿಸಿದ್ದರು. 53 ಬಾರಿ ನಿಯಮ ಉಲ್ಲಂಘನೆ ಮಾಡಿದ್ದು ಗಮನಕ್ಕೆ ಬಂದಿತ್ತು. ಬೈಕ್ ಸುಪರ್ದಿಗೆ ಪಡೆದ ಪೊಲೀಸರು, ದಂಡ ಪಾವತಿ ಮಾಡುವಂತೆ ರಶೀದಿ ನೀಡಿದ್ದರು. ದಂಡ ಪಾವತಿ ಮಾಡಿದ ಬಳಿಕವೇ ಬೈಕ್ ಬಿಟ್ಟು ಕಳುಹಿಸಿದ್ದಾರೆ.

‘ಆನಂದ್ ಅವರು ಒಂದೆರಡು ಬಾರಿ ಮಾತ್ರ ನಿಯಮ ಉಲ್ಲಂಘನೆ ಮಾಡಿರಬಹುದೆಂದು ಸುಮ್ಮನಾಗಿದ್ದೆವು. ಉಪಕರಣದಲ್ಲಿ ರಿಶೀದಿ ಮುದ್ರಿಸುವಾಗ ಕಾಗದದ ಒಂದು ಸುರುಳಿಯೇ ಖಾಲಿ ಆಯಿತು. ಮತ್ತೊಂದು ಸುರುಳಿ ಬಳಸಿ ರಶೀದಿ ಮುದ್ರಿಸಿ ನೀಡಲಾಯಿತು’ ಎಂದು ಪೊಲೀಸರು ಹೇಳಿದರು.

ಆಟೊ ಚಾಲಕನಿಗೆ 4,200 ದಂಡ: ಆಟೊ ಚಾಲಕ ಸಂತೋಷ್ ಎಂಬುವರು 42 ಬಾರಿ ನಿಯಮಗಳನ್ನು ಉಲ್ಲಂಘಿಸಿದ್ದು, ಅವರಿಗೆ 4,200 ದಂಡ ವಿಧಿಸಲಾಗಿದೆ.

‘ಮಂಗಳವಾರ ತಪಾಸಣೆ ವೇಳೆ ಸಂತೋಷ್ ಸಿಕ್ಕಿಬಿದ್ದಿದ್ದರು. ಅವರಿಂದ ದಂಡ ವಸೂಲಿ ಮಾಡಿದ್ದೇವೆ’ ಎಂದು ಆಡುಗೋಡಿ ಪೊಲೀಸರು ಹೇಳಿದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು