ಶನಿವಾರ, ಜನವರಿ 16, 2021
19 °C

ಮೆಕ್ಸಿಕೊ: ಪುನರ್ವಸತಿ ಕೇಂದ್ರದ ಮೇಲೆ ಗುಂಡಿನ ದಾಳಿ, 24 ಸಾವು

ಎಪಿ Updated:

ಅಕ್ಷರ ಗಾತ್ರ : | |

Prajavani

ಮೆಕ್ಸಿಕೊ : ಇಲ್ಲಿನ ಮಾದಕ ದ್ರವ್ಯ ವ್ಯಸನ ಪುನರ್ವಸತಿ ಕೇಂದ್ರದ ಮೇಲೆ ಗುಂಡಿನ ದಾಳಿ ನಡೆಸಿದ ಬಂದೂಕುಧಾರಿಗಳು 24 ಮಂದಿಯನ್ನು ಕೊಂದಿದ್ದಾರೆ. ಈ ವೇಳೆ ಏಳು ಜನರು ಗಾಯಗೊಂಡಿದ್ದಾರೆ. 

ಇರಾಪುವಾಟೊ ನಗರದಲ್ಲಿನ ನೋಂದಾಯಿತವಲ್ಲದ ಪುನರ್ವಸತಿ ಕೇಂದ್ರದ ಮೇಲೆ ಬುಧವಾರ ಈ ದಾಳಿ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಪುನರ್ವಸತಿ ಕೇಂದ್ರದಲ್ಲಿದ್ದ ಬಹುತೇಕರ ಮೇಲೆ ದಾಳಿಕೋರರು ಗುಂಡು ಹಾರಿಸಿದ್ದಾರೆ. ಆದರೆ ಯಾರನ್ನೂ ಅಪಹರಿಸಿಲ್ಲ. ಗಾಯಗೊಂಡಿರುವ ಏಳು ಜನರ ಪೈಕಿ ಮೂವರ ಸ್ಥಿತಿ ಗಂಭೀರವಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.

ದಾಳಿಗೆ ಯಾವುದೇ ನಿರ್ದಿಷ್ಟ ಉದ್ದೇಶ ಇದ್ದಂತಿಲ್ಲ. ಆದರೆ ಮಾದಕ ವಸ್ತು ದಂಧೆ ನಡೆಸುವ ಭೂಗತ ಗುಂಪುಗಳು ದಾಳಿಯಲ್ಲಿ ಭಾಗಿಯಾಗಿರಬಹುದು ಎಂದು ಗವರ್ನರ್‌ ಡಿಯಾಗೊ ಸಿನ್‌ಹುಯಿ ಶಂಕಿಸಿದ್ದಾರೆ.

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು