ಮಂಗಳವಾರ, ಮೇ 26, 2020
27 °C

ಆ್ಯಪಲ್‌ ಹೊಸ ಫೋನ್‌ ಬಿಡುಗಡೆ: ಐಫೋನ್‌ ಎಸ್‌ಇ, ಆರಂಭಿಕ ಬೆಲೆ ₹42,500

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

ಐಫೋನ್‌ ಎಸ್‌ಇ 2

ಬೆಂಗಳೂರು: ಆ್ಯಪಲ್‌ ಕಂಪನಿ ಐಫೋನ್‌ ಎಸ್‌ಇ ಸೆಕೆಂಡ್‌ ಎಡಿಷನ್‌ ಬುಧವಾರ ಬಿಡುಗಡೆ ಮಾಡಿದೆ. ಕೊರೊನಾ ವೈರಸ್‌ ಸೋಂಕಿನ ಕಾರಣದಿಂದಾಗಿ ಕಾರ್ಯಕ್ರಮಗಳಿಲ್ಲದೆ ಮಾಧ್ಯಮ ಪ್ರಕಟಣೆ ಬಿಡುಗಡೆ ಮಾಡುವ ಮೂಲಕ ಹೊಸ ಫೋನ್‌ ಬಿಡುಗಡೆಯಾಗಿದೆ. 

2016ರ ಐಫೋನ್‌ ಎಸ್‌ಇ ಮಾದರಿಯ ಹೊಸ ಆವೃತ್ತಿಯು ಐಫೋನ್‌ 8 ವಿನ್ಯಾಸ ಹಾಗೂ ಐಫೋನ್‌ 11ರ ಸಾಮರ್ಥ್ಯವನ್ನು ಒಳಗೊಂಡಿದೆ. ಐಫೋನ್‌ 11 ಸರಣಿಯ ಫೋನ್‌ಗಳಲ್ಲಿ ಅಳವಡಿಸಲಾಗಿರುವ ಆ್ಯಪಲ್‌ ಎ13 ಬಯೋನಿಕ್‌ ಚಿಪ್‌ ಇಲ್ಲೂ ಬಳಕೆಯಾಗಿದೆ. 4.7 ಇಂಚು ರೆಟಿನಾ ಎಚ್‌ಡಿ ಡಿಸ್‌ಪ್ಲೇ ಹೊಂದಿರುವ ಫೋನ್‌, ನೈಸರ್ಗಿಕವಾದ ಹಾಗೂ ಪೇಪರ್‌ ನೋಡುವಂತಹ ಅನುಭವ ನೀಡಲಿದೆ. ಹ್ಯಾಪ್ಟಿಕ್‌ ಟಚ್‌ ತಂತ್ರಜ್ಞಾನವು ವೇಗವಾಗಿ ಕಾರ್ಯಾಚರಿಸಲು ಸಹಕಾರಿಯಾಗುತ್ತದೆ. 

64ಜಿಬಿ, 128ಜಿಬಿ ಹಾಗೂ 256ಜಿಬಿ ಮಾದರಿಗಳಲ್ಲಿ ಫೋನ್‌ ಸಿಗಲಿದೆ. ಭಾರತದಲ್ಲಿ ಫೋನ್‌ ಆರಂಭಿಕ ಬೆಲೆ ₹42,500 ನಿಗದಿಯಾಗಿದೆ. ಇ–ಸಿಮ್‌ ವ್ಯವಸ್ಥೆಯೊಂದಿಗೆ ಡ್ಯೂಯಲ್‌ ಸಿಮ್‌ ಕಾರ್ಯಾಚರಣೆ ನಡೆಸಬಹುದಾಗಿದೆ. 

ಹೊಸ ಬಯೋಮೆಟ್ರಿಕ್‌ ವ್ಯವಸ್ಥೆಯು ಫೋನ್‌ ಲಾಕ್‌, ಇತರೆ ಅಪ್ಲಿಕೇಷನ್‌ಗಳು ತೆರೆಯುವುದು ಹಾಗೂ ಆ್ಯಪಲ್‌ ಪೇ ವರ್ಗಾವಣೆಯಲ್ಲಿ ಸಹಕಾರಿಯಾಗಿದೆ. ಆ್ಯಪಲ್‌ ಎ13 ಬಯೋನಿಕ್‌ ಚಿಪ್‌ ಇರುವುದರಿಂದ ಐಫೋನ್‌ ಎಸ್‌ಇ 2, ಆ್ಯಪಲ್‌ನ ಮೆಷಿನ್‌ ಲರ್ನಿಂಗ್‌ ಬಳಕೆಗೆ ಅನುವಾಗುತ್ತದೆ. ವೈರ್‌ಲೆಸ್‌ ಚಾರ್ಜಿಂಗ್‌ ಹಾಗೂ ಫಾಸ್ಟ್‌ ಚಾರ್ಜಿಂಗ್‌ ವ್ಯವಸ್ಥೆ ಒಳಗೊಂಡಿದೆ. 30 ನಿಮಿಷಗಳಲ್ಲಿ ಬ್ಯಾಟರಿ ಶೇ 50ರಷ್ಟು ಚಾರ್ಜ್‌ ಆಗುತ್ತದೆ. 

ವೈ–ಫೈ 6 ಮತ್ತು ಗಿಗಾಬಿಟ್‌ ಎಲ್‌ಟಿಇ ಸಂಪರ್ಕ ಆಯ್ಕೆಗಳನ್ನು ಹೊಂದಿದೆ. ಐಫೋನ್‌ ಎಸ್‌ಇ 2ನಲ್ಲಿ ಸ್ಮಾರ್ಟ್‌ ಎಚ್‌ಡಿಆರ್‌, 4ಕೆ ವಿಡಿಯೊ ರೆಕಾರ್ಡಿಂಗ್‌ (60 ಫ್ರೇಮ್ಸ್‌ ‍/ಸೆಕೆಂಡ್‌ ವರೆಗೂ) ಸಾಧ್ಯವಿದ್ದು, ಹಿಂಬದಿಯಲ್ಲಿ 12 ಮೆಗಾಪಿಕ್ಸೆಲ್‌ ಲೆನ್ಸ್‌ ಹಾಗೂ ಸೆಲ್ಫಿಗಾಗಿ 7 ಮೆಗಾಪಿಕ್ಸೆಲ್‌ ಕ್ಯಾಮೆರಾ ಹೊಂದಿದೆ. 

ಏರೋಸ್ಪೇಸ್‌ ದರ್ಜೆಯ ಅಲ್ಯುಮಿನಿಯಂ ಕವಚ ಹಾಗೂ ದೀರ್ಘ ಬಾಳಿಕೆ ಬರುವ ಗ್ಲಾಸ್‌ ಒಳಗೊಂಡ ವಿನ್ಯಾಸ ಹೊಂದಿದೆ. 1 ಮೀಟರ್‌ ನೀರಿನ ಆಳದಲ್ಲಿ ಸುಮಾರು 30 ನಿಮಿಷಗಳ ವರೆಗೂ ಫೋನ್‌ ಹಾನಿಯಾಗದಂತೆ ಉಳಿಯಬಲ್ಲದು. ಕಪ್ಪು, ಬಿಳಿ ಹಾಗೂ ಸ್ಪೆಷಲ್‌ ಎಡಿಷನ್‌ ಕೆಂಪು ಬಣ್ಣಗಳಲ್ಲಿ ಫೋನ್‌ ಲಭ್ಯವಿದೆ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು