ಬೆಂಗಳೂರು: ಬೇಸಿಕ್ ಮತ್ತು ಫೀಚರ್ ಫೋನ್‌ಗಳ ಮೂಲಕ ಮಾರುಕಟ್ಟೆಯಲ್ಲಿ ಜನಪ್ರಿಯತೆ ಗಳಿಸಿದ್ದ ನೋಕಿಯಾ, ದೇಶದಲ್ಲಿ ಹೊಸ ಮೊಬೈಲ್ ಬಿಡುಗಡೆ ಮಾಡಿದೆ.
ಎಚ್‌ಎಂಡಿ ಗ್ಲೋಬಲ್ ಸಮೂಹದ ನೋಕಿಯಾ, 110 4G ಎಂಬ ಫೋನ್ ಪರಿಚಯಿಸಿದ್ದು, ಎಚ್‌ಡಿ ವಾಯ್ಸ್ ಕಾಲಿಂಗ್ ಸೌಲಭ್ಯ ಹೊಂದಿದೆ.
ನೂತನ ನೋಕಿಯಾ 110 4G ಫೋನ್‌ನಲ್ಲಿ ಎಫ್‌ಎಂ ರೇಡಿಯೊ, 13 ದಿನಗಳ ಬ್ಯಾಟರಿ ಬಾಳಿಕೆ ಹೊಂದಿದೆ. ಜತೆಗೆ 3.5mm ಆಡಿಯೋ ಜ್ಯಾಕ್, 32 ಜಿಬಿ ವರೆಗೆ ವಿಸ್ತರಿಸಬಹುದಾದ ಮೆಮೊರಿ ಅವಕಾಶ ಹೊಂದಿದೆ.
ನೋಕಿಯಾ 110 4G
ಹೊಸ ನೋಕಿಯಾ 110 4G ಫೀಚರ್ ಫೋನ್, ಹಳದಿ, ತಿಳಿ ನೀಲಿ ಮತ್ತು ಕಪ್ಪು ಬಣ್ಣಗಳಲ್ಲಿ ಲಭ್ಯವಿದೆ. ಜುಲೈ 24ರಿಂದ ನೋಕಿಯಾ ಡಾಟ್ ಕಾಂ ಮತ್ತು ಅಮೆಜಾನ್ ಡಾನ್ ಇನ್ ಮೂಲಕ ದೊರೆಯಲಿದೆ. ದೇಶದಲ್ಲಿ ಹೊಸ ನೋಕಿಯಾ ಫೋನ್ ಬೆಲೆ ₹2,799 ದರ ಹೊಂದಿದೆ.
