ಶುಕ್ರವಾರ, ಆಗಸ್ಟ್ 6, 2021
21 °C

ನೂತನ ಒಪ್ಪೊ 5G ಸ್ಮಾರ್ಟ್‌ಫೋನ್ ಬಿಡುಗಡೆ: ದೇಶದಲ್ಲಿ ಬೆಲೆ ಎಷ್ಟಿದೆ?

ಪ್ರಜಾವಾಣಿ ವೆಬ್ ಡೆಸ್ಕ್‌ Updated:

ಅಕ್ಷರ ಗಾತ್ರ : | |

Oppo Reno 6 series

ಬೆಂಗಳೂರು: ದೇಶದ ಗ್ಯಾಜೆಟ್ ಮಾರುಕಟ್ಟೆಗೆ ಒಪ್ಪೊ ಎರಡು ನೂತನ ಸ್ಮಾರ್ಟ್‌ಫೋನ್ ಪರಿಚಯಿಸಿದೆ. ಒಪ್ಪೊ ರೆನೊ ಸರಣಿಯಲ್ಲಿ ಮಾರುಕಟ್ಟೆ ಪ್ರವೇಶಿಸಿರುವ ಫೋನ್‌ಗಳು 5G ಬೆಂಬಲ ಹೊಂದಿವೆ.

ಒಪ್ಪೊ ರೆನೊ 6 5G ಮತ್ತು ಒಪ್ಪೊ ರೆನೊ 6 ಪ್ರೊ 5G ದೇಶದಲ್ಲಿ ಬಿಡುಗಡೆಯಾಗಿದ್ದು, 65W ಫಾಸ್ಟ್ ಚಾರ್ಜಿಂಗ್ ವಿಶೇಷತೆಯಾಗಿದೆ.

ಎರಡೂ ಸ್ಮಾರ್ಟ್‌ಫೋನ್ ಮಾದರಿಗಳಲ್ಲಿ ಒಂದೇ ಆವೃತ್ತಿ ಮಾತ್ರ ಲಭ್ಯವಿದ್ದು, ಫ್ಲಿಪ್‌ಕಾರ್ಟ್, ರಿಲಯನ್ಸ್, ಒಪ್ಪೊ ಆನ್‌ಲೈನ್, ಕ್ರೋಮಾ ಮೂಲಕ ಖರೀದಿಸಬಹುದಾಗಿದೆ.

ಬೆಲೆ ವಿವರ

ಒಪ್ಪೊ ರೆನೊ 6 5G ಸ್ಮಾರ್ಟ್‌ಫೋನ್ 8 GB + 128 GB ಮಾದರಿಗೆ ₹29,990 ದರ ಹೊಂದಿದೆ. ಜುಲೈ 29ರಿಂದ ಮಾರುಕಟ್ಟೆಯಲ್ಲಿ ಲಭ್ಯವಿದೆ.

ಮತ್ತು ಒಪ್ಪೊ ರೆನೊ 6 ಪ್ರೊ 5G ಸ್ಮಾರ್ಟ್‌ಫೋನ್ 12 GB + 256 GB ಆವೃತ್ತಿಗೆ ₹39,990 ದರವಿದ್ದು, ಜುಲೈ 20 ರಿಂದ ದೊರೆಯಲಿದೆ.

ಒಪ್ಪೊ ರೆನೊ 6 5G, 6.43 ಇಂಚಿನ ಫುಲ್ ಎಚ್‌ಡಿ+ ಡಿಸ್‌ಪ್ಲೇ, ಮೀಡಿಯಾಟೆಕ್ ಡೈಮೆನ್ಸಿಟಿ 900 ಪ್ರೊಸೆಸರ್ ಹೊಂದಿದೆ. 64+8+2 ಮೆಗಾಪಿಕ್ಸೆಲ್ ಹಿಂಬದಿ ಕ್ಯಾಮರಾ ಮತ್ತು 32 ಮೆಗಾಪಿಕ್ಸೆಲ್ ಸೆಲ್ಫಿ ಇದರಲ್ಲಿದೆ.

ಒಪ್ಪೊ ರೆನೊ 6 ಪ್ರೊ 5G ಫೋನ್, 6.55 ಇಂಚಿನ ಫುಲ್ ಎಚ್‌ಡಿ+ ಡಿಸ್‌ಪ್ಲೇ, ಮೀಡಿಯಾಟೆಕ್ ಡೈಮೆನ್ಸಿಟಿ 1200 ಪ್ರೊಸೆಸರ್ ಇರಲಿದೆ. 64+8+2+2 ಮೆಗಾಪಿಕ್ಸೆಲ್ ಹಿಂಬದಿ ಕ್ಯಾಮರಾ ಜತೆಗೆ 32 ಮೆಗಾಪಿಕ್ಸೆಲ್ ಸೆಲ್ಫಿ ಇದರಲ್ಲಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು