<p><strong>ಪ್ಯಾರಿಸ್:</strong> ಖಗೋಳಶಾಸ್ತ್ರಜ್ಞರು ಕ್ಷೀರಪಥ ಗ್ಯಾಲಕ್ಸಿಯಲ್ಲಿರುವ ಕಪ್ಪು ಕುಳಿಯ ಮೊದಲ ಚಿತ್ರವನ್ನು ಬಹಿರಂಗಪಡಿಸಿದ್ದಾರೆ.</p>.<p>ಅಂತರರಾಷ್ಟ್ರೀಯ ಖಗೋಳಶಾಸ್ತ್ರಜ್ಞರ ತಂಡವು ಗುರುವಾರ ಕ್ಷೀರ ಪಥ ನಕ್ಷತ್ರಪುಂಜದ ಮಧ್ಯಭಾಗದಲ್ಲಿರುವ ಬೃಹತ್ ಕಪ್ಪು ಕುಳಿಯ ಮೊದಲ ಚಿತ್ರವನ್ನು ಅನಾವರಣಗೊಳಿಸಿದೆ. 'ಸಾಜಿಟೇರಿಯಸ್ ಎ' ಎಂದು ಇದನ್ನು ಕರೆಯಲಾಗಿದೆ.</p>.<p>ಈವೆಂಟ್ ಹಾರಿಜನ್ ಟೆಲಿಸ್ಕೋಪ್ (ಇಎಚ್ಟಿ) ಕೊಲಾಬರೇಶನ್ ಎಂದು ಕರೆಯಲ್ಪಡುವ ಜಾಗತಿಕ ವಿಜ್ಞಾನಿಗಳ ತಂಡವು ಈ ಚಿತ್ರವನ್ನು ಸೆರೆಹಿಡಿದಿದ್ದು, ಕಪ್ಪು ಕುಳಿಯ ಮೊದಲ ನೇರ ದೃಶ್ಯ ಇದಾಗಿದೆ.</p>.<p>‘ಸ್ಯಾಜಿಟೇರಿಯಸ್ ಎ ಕಪ್ಪು ಕುಳಿಯ ಅತ್ಯುತ್ತಮ ಚಿತ್ರವನ್ನು ಇಂದು ನಿಮಗೆ ತೋರಿಸಲು ತುಂಬಾ ರೋಮಾಂಚನಕಾರಿಯಾಗಿದೆ’ ಎಂದು ಎಎಚ್ಟಿ ಯೋಜನಾ ನಿರ್ದೇಶಕ ಹುಯಿಬ್ ವ್ಯಾನ್ ಲ್ಯಾಂಗೆವೆಲ್ಡೆ ಜರ್ಮನಿಯ ಗಾರ್ಚಿಂಗ್ನ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.</p>.<p>ಕಪ್ಪು ಕುಳಿಗಳಲ್ಲಿ ಗುರುತ್ವಾಕರ್ಷಣೆಯ ಸೆಳೆತವು ತುಂಬಾ ತೀವ್ರವಾಗಿರುತ್ತದೆ. ಬೆಳಕು ಸೇರಿದಂತೆ ಏನೂ ಅದರಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ಅವರು ಹೇಳಿದ್ದಾರೆ.</p>.<p>ಈ ಕಗ್ಗತ್ತಲ ಕಪ್ಪುಕುಳಿಯ ಸುತ್ತ ಇರುವ ಪ್ರಜ್ವಲಿಸುವ ಅನಿಲ ಅಪರೂಪದ ವಿದ್ಯಮಾನ. ಈ ಕುಳಿಯು ಸೂರ್ಯನಿಗಿಂತ ನಾಲ್ಕು ಮಿಲಿಯನ್ ಪಟ್ಟು ಹೆಚ್ಚು ದೊಡ್ಡದಾಗಿದೆ ಎಂದು ಹೇಳಿದ್ದಾರೆ.</p>.<p>‘ಈ ಅಭೂತಪೂರ್ವ ಅವಲೋಕನಗಳು ನಮ್ಮ ನಕ್ಷತ್ರಪುಂಜದ ಮಧ್ಯಭಾಗದಲ್ಲಿ ಏನಾಗುತ್ತಿದೆ ಎಂಬುದರ ಕುರಿತು ನಮ್ಮ ತಿಳುವಳಿಕೆಯನ್ನು ಮತ್ತಷ್ಟು ಸುಧಾರಿಸಿದೆ’ಎಂದು ತೈವಾನ್ನ ಅಕಾಡೆಮಿಯ ಇಎಚ್ಟಿ ಪ್ರಾಜೆಕ್ಟ್ ವಿಜ್ಞಾನಿ ಜೆಫ್ರಿ ಬೋವರ್ ಹೇಳಿದರು.</p>.<p>ಈ ಹೊಸ ಅನ್ವೇಷಣೆಯಿಂದ ದೈತ್ಯ ಗಾತ್ರದ ಕಪ್ಪು ಕುಳಿಯ ತನ್ನ ಸುತ್ತಲಿನ ಪ್ರದೇಶದ ಜೊತೆ ಹೇಗೆ ಪ್ರತಿಕ್ರಿಯಿಸುತ್ತದೆ ಎಂಬ ಬಗ್ಗೆ ಬೆಳಕು ಚೆಲ್ಲಿದೆ ಎಂದು ಫ್ರೆಂಚ್ ನ್ಯಾಷನಲ್ ಸೆಂಟರ್ ಫಾರ್ ಸೈಂಟಿಫಿಕ್ ರಿಸರ್ಚ್ (ಸಿಎನ್ಆರ್ಎಸ್) ಬಿಡುಗಡೆ ಮಾಡಿದ ಹೇಳಿಕೆಯಲ್ಲಿ ಬೋವರ್ ತಿಳಿಸಿದ್ದಾರೆ.</p>.<p>ಇದನ್ನೂ ಓದಿ..<a href="https://www.prajavani.net/world-news/eleven-dead-in-cameroon-forest-plane-crash-state-media-936165.html" itemprop="url">ಕ್ಯಾಮರೂನ್: ವಿಮಾನ ಪತನ– 11 ಮಂದಿ ಸಾವು </a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್:</strong> ಖಗೋಳಶಾಸ್ತ್ರಜ್ಞರು ಕ್ಷೀರಪಥ ಗ್ಯಾಲಕ್ಸಿಯಲ್ಲಿರುವ ಕಪ್ಪು ಕುಳಿಯ ಮೊದಲ ಚಿತ್ರವನ್ನು ಬಹಿರಂಗಪಡಿಸಿದ್ದಾರೆ.</p>.<p>ಅಂತರರಾಷ್ಟ್ರೀಯ ಖಗೋಳಶಾಸ್ತ್ರಜ್ಞರ ತಂಡವು ಗುರುವಾರ ಕ್ಷೀರ ಪಥ ನಕ್ಷತ್ರಪುಂಜದ ಮಧ್ಯಭಾಗದಲ್ಲಿರುವ ಬೃಹತ್ ಕಪ್ಪು ಕುಳಿಯ ಮೊದಲ ಚಿತ್ರವನ್ನು ಅನಾವರಣಗೊಳಿಸಿದೆ. 'ಸಾಜಿಟೇರಿಯಸ್ ಎ' ಎಂದು ಇದನ್ನು ಕರೆಯಲಾಗಿದೆ.</p>.<p>ಈವೆಂಟ್ ಹಾರಿಜನ್ ಟೆಲಿಸ್ಕೋಪ್ (ಇಎಚ್ಟಿ) ಕೊಲಾಬರೇಶನ್ ಎಂದು ಕರೆಯಲ್ಪಡುವ ಜಾಗತಿಕ ವಿಜ್ಞಾನಿಗಳ ತಂಡವು ಈ ಚಿತ್ರವನ್ನು ಸೆರೆಹಿಡಿದಿದ್ದು, ಕಪ್ಪು ಕುಳಿಯ ಮೊದಲ ನೇರ ದೃಶ್ಯ ಇದಾಗಿದೆ.</p>.<p>‘ಸ್ಯಾಜಿಟೇರಿಯಸ್ ಎ ಕಪ್ಪು ಕುಳಿಯ ಅತ್ಯುತ್ತಮ ಚಿತ್ರವನ್ನು ಇಂದು ನಿಮಗೆ ತೋರಿಸಲು ತುಂಬಾ ರೋಮಾಂಚನಕಾರಿಯಾಗಿದೆ’ ಎಂದು ಎಎಚ್ಟಿ ಯೋಜನಾ ನಿರ್ದೇಶಕ ಹುಯಿಬ್ ವ್ಯಾನ್ ಲ್ಯಾಂಗೆವೆಲ್ಡೆ ಜರ್ಮನಿಯ ಗಾರ್ಚಿಂಗ್ನ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.</p>.<p>ಕಪ್ಪು ಕುಳಿಗಳಲ್ಲಿ ಗುರುತ್ವಾಕರ್ಷಣೆಯ ಸೆಳೆತವು ತುಂಬಾ ತೀವ್ರವಾಗಿರುತ್ತದೆ. ಬೆಳಕು ಸೇರಿದಂತೆ ಏನೂ ಅದರಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ಅವರು ಹೇಳಿದ್ದಾರೆ.</p>.<p>ಈ ಕಗ್ಗತ್ತಲ ಕಪ್ಪುಕುಳಿಯ ಸುತ್ತ ಇರುವ ಪ್ರಜ್ವಲಿಸುವ ಅನಿಲ ಅಪರೂಪದ ವಿದ್ಯಮಾನ. ಈ ಕುಳಿಯು ಸೂರ್ಯನಿಗಿಂತ ನಾಲ್ಕು ಮಿಲಿಯನ್ ಪಟ್ಟು ಹೆಚ್ಚು ದೊಡ್ಡದಾಗಿದೆ ಎಂದು ಹೇಳಿದ್ದಾರೆ.</p>.<p>‘ಈ ಅಭೂತಪೂರ್ವ ಅವಲೋಕನಗಳು ನಮ್ಮ ನಕ್ಷತ್ರಪುಂಜದ ಮಧ್ಯಭಾಗದಲ್ಲಿ ಏನಾಗುತ್ತಿದೆ ಎಂಬುದರ ಕುರಿತು ನಮ್ಮ ತಿಳುವಳಿಕೆಯನ್ನು ಮತ್ತಷ್ಟು ಸುಧಾರಿಸಿದೆ’ಎಂದು ತೈವಾನ್ನ ಅಕಾಡೆಮಿಯ ಇಎಚ್ಟಿ ಪ್ರಾಜೆಕ್ಟ್ ವಿಜ್ಞಾನಿ ಜೆಫ್ರಿ ಬೋವರ್ ಹೇಳಿದರು.</p>.<p>ಈ ಹೊಸ ಅನ್ವೇಷಣೆಯಿಂದ ದೈತ್ಯ ಗಾತ್ರದ ಕಪ್ಪು ಕುಳಿಯ ತನ್ನ ಸುತ್ತಲಿನ ಪ್ರದೇಶದ ಜೊತೆ ಹೇಗೆ ಪ್ರತಿಕ್ರಿಯಿಸುತ್ತದೆ ಎಂಬ ಬಗ್ಗೆ ಬೆಳಕು ಚೆಲ್ಲಿದೆ ಎಂದು ಫ್ರೆಂಚ್ ನ್ಯಾಷನಲ್ ಸೆಂಟರ್ ಫಾರ್ ಸೈಂಟಿಫಿಕ್ ರಿಸರ್ಚ್ (ಸಿಎನ್ಆರ್ಎಸ್) ಬಿಡುಗಡೆ ಮಾಡಿದ ಹೇಳಿಕೆಯಲ್ಲಿ ಬೋವರ್ ತಿಳಿಸಿದ್ದಾರೆ.</p>.<p>ಇದನ್ನೂ ಓದಿ..<a href="https://www.prajavani.net/world-news/eleven-dead-in-cameroon-forest-plane-crash-state-media-936165.html" itemprop="url">ಕ್ಯಾಮರೂನ್: ವಿಮಾನ ಪತನ– 11 ಮಂದಿ ಸಾವು </a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>