ಭಾನುವಾರ, ಏಪ್ರಿಲ್ 5, 2020
19 °C

ಐವಿಎಫ್‌ ಮೂಲಕ ಇದೇ ಮೊದಲ ಬಾರಿಗೆ ಚೀತಾ ಮರಿಗಳ ಜನನ

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

ಕೊಲಂಬಸ್‌ ಮೃಗಾಲಯದಲ್ಲಿರುವ ಜನಿಸಿರುವ ಚಿರತೆ ಮರಿಗಳು

ಪೊವೆಲ್‌: ಕೃತಕ ಗರ್ಭಧಾರಣೆ (ಐವಿಎಫ್‌) ಮತ್ತು ಭ್ರೂಣ ವರ್ಗಾವಣೆ ಚಿಕಿತ್ಸೆಯ ಫಲವಾಗಿ ಇದೇ ಮೊದಲ ಬಾರಿಗೆ ಎರಡು ಚೀತಾ ಮರಿಗಳು ಜನ್ಮ ಪಡೆದಿವೆ. ಓಹಿಯೊ ಮೃಗಾಲಯದ ಅಧಿಕಾರಿ ಈ ಕುರಿತು ಸೋಮವಾರ ಪ್ರಕಟಿಸಿದ್ದಾರೆ. 

ಕೊಲಂಬಸ್‌ ಮೃಗಾಲಯದಲ್ಲಿರುವ 'ಇಜ್ಜಿ' ಹೆಸರಿನ 3 ವರ್ಷದ ಚೀತಾಗೆ ಕಳೆದ ಬುಧುವಾರ ಒಂದು ಹೆಣ್ಣು ಮತ್ತು ಒಂದು ಗಂಡು ಮರಿ ಹುಟ್ಟಿರುವುದಾಗಿ ಪ್ರಕಟಣೆಯಲ್ಲಿ ತಿಳಿಸಿದೆ. 

ರಿಮೋಟ್‌ ಕ್ಯಾಮೆರಾ ಬಳಸಿ ಇಜ್ಜಿ ಮರಿಗಳಿಗೆ ಜನ್ಮ ನೀಡುವುದನ್ನು ಗಮನಿಸಲಾಗಿದೆ ಹಾಗೂ ಅವುಗಳ ಮೇಲೆ ನಿಗಾ ಮುಂದುವರಿಸಲಾಗಿದೆ. ಭ್ರೂಣ ವರ್ಗಾವಣೆ ಮೂಲಕ ಇಜ್ಜಿ ಗರ್ಭ ಧರಿಸಿತ್ತು. 

(ವಿಡಿಯೊ)

ಪುಟ್ಟ ಮರಿಗಳಿಗೆ 6 ವರ್ಷ ವಯಸ್ಸಿನ 'ಕಿಬಿಬಿ' ಜೈವಿಕ ತಾಯಿ. ವಯೋಸಹಜ ಕಾರಣಗಳಿಂದ ಕಿಬಿಬಿಗೆ ಸಹಜವಾಗಿ ಗರ್ಭ ಧರಿಸುವುದು ಸಾಧ್ಯವಾಗಿರಲಿಲ್ಲ ಹಾಗೂ ಈ ವರೆಗೂ ಗರ್ಭ ಧರಿಸಿರಲಿಲ್ಲ. ಕಿಬಿಬಿಯಿಂದ ಅಂಡಾಣು ಸಂಗ್ರಹಿಸಿಕೊಂಡು ಕೊಲಂಬಸ್‌ ಮೃಗಾಲಯದ ಪ್ರಯೋಗಾಲಯದಲ್ಲಿ 2019ರ ನವೆಂಬರ್‌ 19ರಂದು ಫಲಿತಗೊಳಿಸಲಾಗಿತ್ತು. 

ನವೆಂಬರ್‌ 21ರಂದು ಭ್ರೂಣದ ಆರಂಭಿಕ ಹಂತದಲ್ಲಿ ಇಜ್ಜಿ ಚೀತಾ ಗರ್ಭಕ್ಕೆ ಸೇರಿಸಲಾಗಿತ್ತು. ಅದಾಗಿ ತಿಂಗಳ ನಂತರ ಅಲ್ಟ್ರಾಸೌಂಡ್‌ ಮೂಲಕ ಇಜ್ಜಿ ಅವಳಿ ಗರ್ಭ ಧರಿಸಿರುವುದು ದೃಢಪಟ್ಟಿತ್ತು. ಮೃಗಾಲಯದ ಅಧಿಕಾರಿಗಳ ಪ್ರಕಾರ, ವಿಜ್ಞಾನಿಗಳು ಐವಿಎಫ್‌ ಪದ್ಧತಿಯನ್ನು ಮೂರು ಬಾರಿ ಪ್ರಯೋಗಿಸಿದ್ದರು. ಇದೇ ಮೊದಲ ಬಾರಿಗೆ ಪ್ರಯೋಗ ಯಶಸ್ವಿಯಾಗಿದೆ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು