ಪ್ಯಾರಿಸ್: 'ಸ್ಥಳೀಯ ಮಾಧ್ಯಮಗಳು ಹಾಗೂ ಪ್ರಸಾರ ಸಂಸ್ಥೆಗಳು ಪ್ರಕಟಿಸುವ ವಿಷಯಗಳನ್ನು ಗೂಗಲ್ ತನ್ನ ಸರ್ಚ್ ಎಂಜಿನ್ನಲ್ಲಿ (ಹುಡುಕು ತಾಣ) ತೋರಿಸಲು ಅಥವಾ ನ್ಯೂಸ್ ಫೀಡ್ಸ್ನಲ್ಲಿ ಬಳಕೆ ಮಾಡಲು, ಸಂಸ್ಥೆಯು ಮಾಧ್ಯಮಗಳಿಗೆ ಹಣ ಸಂದಾಯ ಮಾಡಬೇಕು' ಎಂದು ಫ್ರೆಂಚ್ ಪಬ್ಲಿಷರ್ಗಳು ಪಟ್ಟು ಹಿಡಿದಿದ್ದಾರೆ. ಈ ಬಗ್ಗೆ ಸ್ಪಂದಿಸಲು ಗೂಗಲ್ ಮೀನ–ಮೇಷ ಎಣಿಸುತ್ತಿದ್ದು, ಫ್ರಾನ್ಸ್ನ ಸ್ಪರ್ಧಾ ನಿಯಂತ್ರಣ ಸಂಸ್ಥೆಯು ಮಂಗಳವಾರ 500 ಮಿಲಿಯನ್ ಯೂರೊ (ಸುಮಾರು 4,408 ಕೋಟಿ ರೂಪಾಯಿ) ದಂಡ ವಿಧಿಸಿರುವುದಾಗಿ ಪ್ರಕಟಿಸಿದೆ.