ಬೆಂಗಳೂರು: ದೇಶದಲ್ಲಿ ಇನ್‌ಸ್ಟಾಗ್ರಾಮ್ ಬಳಕೆದಾರರಿಗೆ ಹೊಸ ಫೀಚರ್ ಒಂದನ್ನು ಪರಿಚಯಿಸಲು ಮುಂದಾಗಿದೆ. ಟ್ವಿಟರ್‌ನಲ್ಲಿ ಇರುವಂತೆಯೆ ಬಳಕೆದಾರರು ನೋಟ್ಸ್ ಹೆಸರಿನಲ್ಲಿ 60 ಅಕ್ಷರಗಳ ಮಿತಿಯಲ್ಲಿ ಅಪ್‌ಡೇಟ್ ಲಭ್ಯವಾಗಲಿದೆ.
ಇನ್‌ಸ್ಟಾಗ್ರಾಮ್ ಚಾಟ್ ಡಿಎಂ ಆಯ್ಕೆ ಇರುವಲ್ಲಿ ಬಳಕೆದಾರರು ಪೋಸ್ಟ್ ಮಾಡುವ ನೋಟ್ಸ್ ಕಾಣಿಸಿಕೊಳ್ಳುತ್ತದೆ. ನೋಟ್ಸ್ ಪೋಸ್ಟ್ ಮಾಡಿದ 24 ಗಂಟೆಗಳ ಬಳಿಕ ಅದು ಡಿಲೀಟ್ ಆಗಲಿದೆ.
ಸ್ಟೇಟಸ್ ಅಪ್‌ಡೇಟ್ ರೀತಿಯಲ್ಲಿ ನೋಟ್ಸ್ ಕಾರ್ಯನಿರ್ವಹಿಸಲಿದೆ. ಆದರೆ, ನೀವು ಪರಸ್ಪರ ಫಾಲೋವರ್ಸ್ ಆಗಿದ್ದರೆ ಮಾತ್ರ ನಿಮ್ಮ ನೋಟ್ಸ್ ಕಾಣಿಸಿಕೊಳ್ಳುತ್ತದೆ.
ನೋಟ್ಸ್ ಪೋಸ್ಟ್ ಮಾಡಿದರೆ ಯಾವುದೇ ನೋಟಿಫಿಕೇಶನ್ ಕಾಣಿಸಿಕೊಳ್ಳುವುದಿಲ್ಲ. ಬದಲಾಗಿ, ಡಿಎಂ ಇರುವಲ್ಲಿ ಮಾತ್ರ ನಿಮ್ಮ ನೋಟ್ಸ್ ಕಾಣಸಿಗುತ್ತದೆ.
