ಕೋವಿಡ್–19 ಪ್ರಕರಣಗಳ ಟ್ರ್ಯಾಕರ್‌: ಮೈಕ್ರೊಸಾಫ್ಟ್ Bingನಲ್ಲಿ ಮಾಹಿತಿ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಜಾಗತಿಕ ಕೊರೊನಾ ವೈರಸ್‌ ಸೋಂಕು ಪ್ರಕರಣಗಳ ದಾಖಲೆ ಇಡಲು ಮೈಕ್ರೊಸಾಫ್ಟ್ ಸೋಮವಾರ ವೆಬ್‌ ಪೋರ್ಟಲ್‌ಗೆ ಚಾಲನೆ ನೀಡಿದೆ.
ಕಂಪನಿಯ 'ಬಿಂಗ್‌' ವೆಬ್‌ ಬ್ರೌಸರ್‌ನ ಭಾಗವಾಗಿ ಕೋವಿಡ್–19 ಪ್ರಕರಣಗಳ ಲೆಕ್ಕ ಇಟ್ಟಿರುವ ಪೋರ್ಟಲ್‌ ಲಭ್ಯವಿದೆ. ರಾಷ್ಟ್ರವಾರು ದಾಖಲಾಗಿರುವ ಕೋವಿಡ್–19 ಪ್ರಕರಣಗಳು, ಅದರಲ್ಲಿ ಗುಣಮುಖರಾಗಿರುವವರು ಸಂಖ್ಯೆ ನೀಡಲಾಗಿದೆ. ಇದರೊಂದಿಗೆ ಸಾವಿಗೀಡಾದವರ ಸಂಖ್ಯೆಯೂ ಲೆಕ್ಕ ಮಾಡಲಾಗಿದೆ.
ಯಾವುದೇ ಹುಡುಕು ತಾಣದಲ್ಲಿ www.bing.com/covid ಎಂದು ಟೈಪಿಸಿದರೆ ಪ್ರತ್ಯೇಕ ಪುಟ ತೆರೆದುಕೊಳ್ಳುತ್ತದೆ. ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್‌ಒ), ಅಮೆರಿಕದ ರೋಗ ತಡೆ ಮತ್ತು ನಿಯಂತ್ರಣ ಕೇಂದ್ರಗಳು, ಯುರೋಪ್‌ನ ರೋಗ ತಡೆ ಮತ್ತು ನಿಯಂತ್ರಣ ಕೇಂದ್ರಗಳು ಸೇರಿದಂತೆ ನಂಬಲು ಅರ್ಹವಾದ ಮೂಲಗಳಿಂದ ಮಾಹಿತಿ ಪಡೆದು ಸಂಗ್ರಹಿಸಲಾಗುತ್ತಿದೆ.
ಕೋವಿಡ್–19 ಪ್ರಕರಣ ದಾಖಲಾಗಿರುವ ಎಲ್ಲ ರಾಷ್ಟ್ರಗಳ ಪರಿಸ್ಥಿತಿಯ ಮಾಹಿತಿಯೂ ಲಭ್ಯವಿದೆ. ನಿರ್ದಿಷ್ಟ ರಾಷ್ಟ್ರದ ಮೇಲೆ ಕ್ಲಿಕ್ ಮಾಡುತ್ತಿದ್ದಂತೆ ಪ್ರಕರಣಗಳಿಗೆ ಸಂಬಂಧಿಸಿದ ವಿಡಿಯೊಗಳು, ಸುದ್ದಿ ಹಾಗೂ ಲಿಂಕ್‌ಗಳ ಪಟ್ಟಿ ಸಿಗುತ್ತವೆ. ಅಮೆರಿಕದಲ್ಲಿ ರಾಜ್ಯವಾರ ಪ್ರಕರಣಗಳನ್ನು ಪ‍್ರತ್ಯೇಕಿಸಿ ಮಾಹಿತಿ ನೀಡಲಾಗಿದೆ.
ಕೊರೊನಾ ವೈರಸ್‌ ಸೋಂಕಿನಿಂದ ರಕ್ಷಣೆ ಪಡೆಯಲು ಅನುಸರಿಸಬೇಕಾದ ಕ್ರಮಗಳು, ಜಾಗೃತಿ ಮೂಡಿಸುವ ಅಗತ್ಯವಿರುವ ಮಾಹಿತಿಗಳನ್ನು ಮೈಕ್ರೊಸಾಫ್ಟ್ ಹಾಗೂ ಗೂಗಲ್‌ ಸೇರಿದಂತೆ ಹಲವು ಟೆಕ್‌ ಕಂಪನಿಗಳು ಬಳಕೆದಾರರಿಗೆ ಒದಗಿಸುತ್ತಿವೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
