ಭಾರತದಲ್ಲಿನ್ನು ಆನ್‌ಲೈನ್ ಗೇಮಿಂಗ್ ಕ್ರಾಂತಿ: ಮುಕೇಶ್ ಅಂಬಾನಿ

ಮುಂಬೈ: ಭಾರತದಲ್ಲಿ ಬೃಹತ್ ಮಾರುಕಟ್ಟೆ ವಿಸ್ತರಣೆ ಕಾಣಲಿರುವ ಮುಂದಿನ ಕ್ಷೇತ್ರ 'ಆನ್ಲೈನ್ ಗೇಮಿಂಗ್' ಎಂದು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಮುಖ್ಯಸ್ಥ ಮುಕೇಶ್ ಅಂಬಾನಿ ವಿಶ್ಲೇಷಿಸಿದ್ದಾರೆ.

. ಮೈಕ್ರೋಸಾಫ್ಟ್ ಕಾರ್ಪೊರೇಷನ್ ಸಿಇಒ ಸತ್ಯ ನಾದೆಲ್ಲಾ ಅವರೊಂದಿಗೆ ಸೋಮವಾರ ನಡೆಸಿದ ಮಾತುಕತೆಯಲ್ಲಿ ಮುಕೇಶ್ ಅಂಬಾನಿ ಗೇಮಿಂಗ್ ಮಾರುಕಟ್ಟೆಯ ಪ್ರಸ್ತಾಪ ಮಾಡಿದ್ದಾರೆ. 'ಸಂಗೀತ, ಸಿನಿಮಾ ಹಾಗೂ ಟಿವಿ ಕಾರ್ಯಕ್ರಮಗಳನ್ನೆಲ್ಲ ಒಟ್ಟಿಗೆ ಸೇರಿಸಿದರೂ ಎಲ್ಲಕ್ಕಿಂತಲೂ ದೊಡ್ಡ ವ್ಯಾಪ್ತಿಯನ್ನು ಗೇಮಿಂಗ್ ಹೊಂದಿದೆ' ಎಂದಿದ್ದಾರೆ.

. ಭಾರತದಲ್ಲಿ ಅಂತರ್ಜಾಲ ಸಂಪರ್ಕ (ಬ್ರಾಡ್ಬ್ಯಾಂಡ್) ಉತ್ತಮಗೊಳ್ಳುತ್ತಿದ್ದಂತೆ ಗೇಮಿಂಗ್ ವಲಯದಲ್ಲಿನ ಅವಕಾಶಗಳು ತೆರೆದುಕೊಳ್ಳುತ್ತಿವೆ ಎಂದು ಹೇಳಿದ್ದಾರೆ. ಆದರೆ, ಅವರ 'ರಿಲಯನ್ಸ್ ಇನ್ಫೋಕಾಮ್ ಲಿಮಿಟೆಡ್' ಗೇಮಿಂಗ್ ಕ್ಷೇತ್ರಕ್ಕೆ ಪ್ರವೇಶಿಸುವ ಬಗ್ಗೆ ಯಾವುದೇ ಮಾಹಿತಿ ಬಹಿರಂಗ ಪಡಿಸಲಿಲ್ಲ.

. ಇದನ್ನೂ ಓದಿ: ಇ–ಗೇಮ್ ಗೀಳು: ಇದು ವಿಡಿಯೊ ಗೇಮ್ ಜಗತ್ತಿನ ಕರಾಳ ಮುಖ

. ಜಿಯೊ ಬಿಡುಗಡೆಯಾದ ನಂತರದಲ್ಲಿ ಸುಮಾರು 38 ಕೋಟಿ ಜನರು 4ಜಿ ತಂತ್ರಜ್ಞಾನದ ಬಳಕೆದಾರರಾಗಿದ್ದಾರೆ. ಗೇಮಿಂಗ್ ಕೇವಲ ಮನರಂಜನೆಗಷ್ಟೇ ಸೀಮಿತಗೊಳ್ಳದೆ ಅಂತರರಾಷ್ಟ್ರೀಯ ಸ್ಪರ್ಧೆಯ ರೂಪ ಪಡೆದಿದ್ದು, ಇಸ್ಪೋರ್ಟ್ನ ಹಲವು ಲೀಗ್ಗಳು ನಡೆಸಲಾಗುತ್ತಿದೆ. ಕ್ವಿಜ್ ಹಾಗೂ ಕಾರ್ಡ್ ಗೇಮ್ಗಳ ಮೂಲಕ ಎಲ್ಲ ವಯೋಮಾನದವರನ್ನೂ ಆನ್ಲೈನ್ ಗೇಮಿಂಗ್ ಕಡೆಗೆ ಸೆಳೆಯುವ ಪ್ರಯತ್ನ ಈಗಾಗಲೇ ನಡೆದಿರುವ ಸಮಯದಲ್ಲಿ ಮುಕೇಶ್ ಅಂಬಾನಿ ಗೇಮಿಂಗ್ ಆಸಕ್ತಿ ವ್ಯಕ್ತಪಡಿಸಿದ್ದಾರೆ.

. ಅಗ್ಗದ ದರದಲ್ಲಿ ಸ್ಮಾರ್ಟ್ಫೋನ್ ದೊರೆಯುತ್ತಿರುವುದು ಹಾಗೂ ಹೈ–ಸ್ಪೀಡ್ ಇಂಟರ್ನೆಟ್, ಡೇಟಾ ದರ ಕಡಿತಗೊಂಡಿರುವುದು ಅಂತರ್ಜಾಲ ಬಳಕೆ ಹೆಚ್ಚಿಸುವುದರೊಂದಿಗೆ ಗೇಮಿಂಗ್ ಕಡೆಗೂ ಸೆಳೆದಿದೆ. ಮುಂದಿನ ಎರಡು ವರ್ಷಗಳಲ್ಲಿ ಸ್ಮಾರ್ಟ್ಫೋನ್ ಬಳಕೆದಾರರ ಪ್ರಮಾಣ 85 ಕೋಟಿ ಮುಟ್ಟಲಿದೆ ಎಂದು ಅಂದಾಜಿಸಲಾಗಿದೆ.

. 2023 ಹಣಕಾಸು ವರ್ಷಕ್ಕೆ ಆನ್ಲೈನ್ ಗೇಮಿಂಗ್ ಆದಾಯ ₹11,880 ಕೋಟಿ ತಲುಪಲಿದೆ ಎಂದು ಕೆಪಿಎಂಜಿ 2019ರ ಮಾರ್ಚ್ ವರದಿಯಲ್ಲಿ ತಿಳಿಸಿದೆ. 2018ರ ಮಾರ್ಚ್ ಅಂತ್ಯಕ್ಕೆ ಆನ್ಲೈನ್ ಗೇಮಿಂಗ್ ಕ್ಷೇತ್ರದ ಆದಾಯ ₹4,380 ಕೋಟಿ ಇತ್ತು.

. ಇಸ್ಪೋರ್ಟ್ಸ್’ ಹಣೆಪಟ್ಟಿಯೊಂದಿಗೆ ವಿಶ್ವಮಟ್ಟದಲ್ಲಿ ಬೆಳೆಯುತ್ತಿರುವ ವಿಡಿಯೊ ಗೇಮಿಂಗ್ ಉದ್ಯಮ ಭಾರತದಲ್ಲಿಯೂ ಮಾರುಕಟ್ಟೆ ವಿಸ್ತರಿಸಿಕೊಳ್ಳುತ್ತಿದೆ. 2024ರ ಒಲಿಂಪಿಕ್ಸ್ ಸ್ಪರ್ಧೆಯಲ್ಲಿ ವಿಡಿಯೊ ಗೇಮಿಂಗ್ ಸೇರ್ಪಡೆಗೆ ಸಕಲ ತಯಾರಿ ನಡೆಯುತ್ತಿದೆ. ಈ ಬೆಳವಣಿಗೆಗೆ ಇನ್ನೊಂದು ಮುಖವೂ ಇದೆ. ಇ–ಗೇಮ್ಗಳಿಗೆ ದಾಸರಾದ ಲಕ್ಷಾಂತರ ಮಕ್ಕಳು, ಯುವಜನರ ಬದುಕು ಅತಂತ್ರವಾಗಿದೆ. ಗೇಮ್ ಜಗತ್ತಿನ ಹಲವು ಆಯಾಮಗಳ ಇಣುಕುನೋಟ ಓದಲು ಕ್ಲಿಕ್ ಮಾಡಿ – https://bit.ly/2TajUKg

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಭಾರತದಲ್ಲಿನ್ನು ಆನ್‌ಲೈನ್ ಗೇಮಿಂಗ್ ಕ್ರಾಂತಿ: ಮುಕೇಶ್ ಅಂಬಾನಿ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್