ಭಾನುವಾರ, ಜನವರಿ 24, 2021
18 °C

2020ರಲ್ಲಿ ಫೇಸ್‌ಬುಕ್‌ಗಿಂತಲೂ ಹೆಚ್ಚು ಡೌನ್‌ಲೋಡ್‌ ಆಗಿದೆ ಟಿಕ್‌ಟಾಕ್: ವರದಿ

ಪ್ರಜಾವಾಣಿ ವೆಬ್‌ ಡೆಸ್ಕ್ Updated:

ಅಕ್ಷರ ಗಾತ್ರ : | |

Tiktok and facebook

ನವದೆಹಲಿ: ವಿಶ್ವದಾದ್ಯಂತ 2020ರಲ್ಲಿ ಅತಿಹೆಚ್ಚು ಡೌನ್‌ಲೋಡ್ ಆದ ಆ್ಯಪ್‌ಗಳ ಯಾದಿಯಲ್ಲಿ ಫೇಸ್‌ಬುಕ್‌ ಅನ್ನು ಟಿಕ್‌ಟಾಕ್ ಹಿಂದಿಕ್ಕಿದೆ ಎಂದು ಮೊಬೈಲ್ ಆ್ಯಪ್ ವಿಶ್ಲೇಷಣಾ ಕಂಪನಿ ‘ಆ್ಯಪ್ ಆನಿ’ ವರದಿ ತಿಳಿಸಿದೆ.

ವಿಡಿಯೊ ಕಾನ್ಫರೆನ್ಸ್ ಆ್ಯಪ್ ‘ಝೂಮ್’ 219 ಸ್ಥಾನ ಮೇಲೇರಿದ್ದು ವಾಟ್ಸ್‌ಆ್ಯಪ್ ಮೆಸೆಂಜರ್‌ ನಂತರದ ಸ್ಥಾನ ಕಾಯ್ದುಕೊಂಡಿದೆ.

ಮುಂದಿನ ವರ್ಷದ ವೇಳೆಗೆ ಟಿಕ್‌ಟಾಕ್‌ 100 ಕೋಟಿ ಸಕ್ರಿಯ ಬಳಕೆದಾರರನ್ನು ಹೊಂದಿರಲಿದೆ ಎಂದು ಅಂದಾಜಿಸಲಾಗಿದೆ. ಉಳಿದಂತೆ ವಾಟ್ಸ್‌ಆ್ಯಪ್, ಇನ್‌ಸ್ಟಾಗ್ರಾಂ ಸೇರಿ ಫೇಸ್‌ಬುಕ್‌ನ ಒಡೆತನದ ಆ್ಯಪ್‌ಗಳು ಅತಿಹೆಚ್ಚು ಡೌನ್‌ಲೋಡ್ ಆಗಿರುವ ಆ್ಯಪ್‌ಗಳ ಪಟ್ಟಿಯಲ್ಲಿ ಅಗ್ರ ಐದರಲ್ಲಿ ಗುರುತಿಸಿಕೊಂಡಿವೆ.

ಇದನ್ನೂ ಓದಿ: 

ಪ್ರಪಂಚದಾದ್ಯಂತ ಅನೇಕ ಉದ್ಯಮಗಳ ಕಾರ್ಯವೈಖರಿ ಬದಲಾಗಿರುವುದರಿಂದ ಝೂಮ್ ಮತ್ತು ಗೂಗಲ್ ಮೀಟ್ ಆ್ಯಪ್‌ಗಳ ಡೌನ್‌ಲೋಡ್‌ ಪ್ರಮಾಣದಲ್ಲಿ ಗಣನೀಯ ಹೆಚ್ಚಳವಾಗಿದೆ. ಮೊಬೈಲ್ ಬಳಕೆ ಸಂಖ್ಯೆಯೂ ಹೆಚ್ಚಾಗಿದೆ ಎಂದು ವರದಿ ತಿಳಿಸಿದೆ.

ಕೊರೊನಾ ವೈರಸ್ ಸಾಂಕ್ರಾಮಿಕದ ಕಾರಣ 2021ರಲ್ಲಿಯೂ ಮನೆಯಿಂದಲೇ ಮೊಬೈಲ್ ಸೇವೆಗಳ ಬಳಕೆ ಪ್ರಮಾಣವೂ ಹೆಚ್ಚಿರಲಿದೆ. ‘ಕೋವಿಡ್–19 ಲಸಿಕೆಗೆ ಸಂಬಂಧಿಸಿ ನವೆಂಬರ್‌ನಲ್ಲಿ ಆಶಾದಾಯಕ ಸುದ್ದಿ ಬಿತ್ತರವಾಗಿದೆ. ಜಗತ್ತು ಸಹಜ ಸ್ಥಿತಿಗೆ ಮರಳುವ ವೇಳೆಯೂ ಮೊಬೈಲ್‌ ಸಂಪರ್ಕದ ಕೇಂದ್ರ ಬಿಂದುವಾಗಿ ಇರಲಿದೆ’ ಎಂದೂ ಕಂಪನಿ ಹೇಳಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು